អន្តរជាតិ
អ៊ីរ៉ង់ ចង់ទិញអង្ករពីថៃឲ្យកាន់តែច្រើន ខណៈថៃកំពុងចង់បញ្ចេញអង្ករពីស្តុក
ប្រធានាធិបតីអ៊ីរ៉ង់ រូហានី ចាប់ដៃនាយករដ្ឋមន្ត្រីថៃ ប្រាយុទ្ធ
×![]()
ដោយ: តន ចាន់រិទ្ធារ៉ា
មហាអំណាចប្រេងមជ្ឈិមបូព៌ា អ៊ីរ៉ង់ បានបង្ហាញចំណាប់អារម្មណ៍ទិញអង្ករពីថៃកាន់តែច្រើនថែមទៀត ចំពេលដែលថៃ កំពុងចង់នាំចេញអង្ករឲ្យបានច្រើនពីស្តុកដ៏ហូរហៀររបស់ខ្លួនស្រាប់នោះ។ ការបង្ហាញចំណាប់អារម្មណ៍ ធ្វើឡើងអំឡុងទស្សនកិច្ចរបស់ប្រធានាធិបតីអ៊ីរ៉ង់ ហាសាន់ រូហានី (Hassan Rouhani) ទៅកាន់ថៃ ដែលជាទិសដៅចុងក្រោយនេះដំណើរទស្សនកិច្ចនៅតំបន់អាស៊ីអាគ្នេយ៍។
បន្ទាប់ពីបញ្ចប់ទស្សនកិច្ចនៅវៀតណាម និងម៉ាឡេស៊ី ប្រធានាធិបតីអ៊ីរ៉ង់ ហាសាន់ រូហានី បានទៅដល់ប្រទេសថៃ ដើម្បីទស្សនកិច្ចផ្លូវការនោះទីនោះ។ លោក រូហានី បានជួបជាមួយនាយករដ្ឋមន្ត្រីថៃ ប្រាយុទ្ធ ចន្ទអូចា ដើម្បីពិភាក្សាលើការពង្រឹងទំនាក់ទំនងទ្វេភាគី។ ហើយប្រធានាធិបតីអ៊ីរ៉ង់ ក៏បានបង្ហាញបំណងទិញអង្ករថៃកាន់តែច្រើនថែមទៀតដែរ។
ប៉ុន្តែ អ្នកនាំពាក្យរងរដ្ឋាភិបាលថៃ លោក Werachon Sukondhapatipak និយាយថា ក្នុងជំនួបនៅថ្ងៃទី៩ ខែតុលា មេដឹកនាំទាំងពីរ មិនបានពិភាក្សាលម្អិតពីរឿងផែនការទិញអង្ករថែមនេះឡើយ។ ប៉ុន្តែលោកនាយករដ្ឋមន្ត្រី ប្រាយុទ្ធ បានស្នើឲ្យពិនិត្យលើដំណើរការទិញអង្ករ ដែលភាគីទាំងពីរចុះហត្ថលេខាលើកមុនសិន។ កាលពីដើមឆ្នាំ២០១៦ ក្រុងតេអេរ៉ង់ បានចុះហត្ថលេខាទិញអង្ករថៃចំនួនបីសែនតោន ដែលមានតម្លៃជា១២២លានដុល្លារ។
នៅពេលនេះ រដ្ឋាភិបាលថៃ កំពុងបញ្ចេញអង្ករជាច្រើនលានតោនទៀត ចេញពីឃ្លាំងស្តុករបស់ខ្លួន ព្រោះផលិតកម្មស្រូវមានការកើនឡើងយ៉ាងខ្លាំង។ ចំពេលនេះ រដ្ឋាភិបាលក្រុងបាងកក សំឡឹងឃើញទីផ្សាររបស់មហាអំណាចមជ្ឈិមបូព៌ាមួយនេះ ជាគោលដៅនាំចេញអង្កររបស់ខ្លួន។ តាមពិត ថៃឈប់លក់អង្ករឲ្យអ៊ីរ៉ង់ កាលពីឆ្នាំ២០០៦ ដោយសារតែជម្លោះលើគុណភាព និងការបង់ថ្លៃ តែក្រោយមកភាគីទាំងពីរ ក៏ចាប់ផ្ដើមរកស៊ីជាមួយគ្នាវិញ។
កាសែតបាងកកប៉ុស្តិ៍ផ្សាយថា ថៃដែលជាប្រទេសនាំចេញអង្ករលំដាប់ទីពីររបស់ពិភពលោក បាននាំចេញអង្ករចំនួន៤.៨លានតោន ទៅកាន់ទីផ្សារក្រៅប្រទេសនៅត្រឹមពាក់កណ្ដាលឆ្នាំនេះ ដែលកើនឡើងចំនួន៩.៣ភាគរយ ប្រៀបធៀបនឹងពេលវេលាដូចគ្នាកាលពីឆ្នាំ២០១៥។ ប៉ុន្តែ ថៃ មិនបាននាំចេញទៅកាន់ទីផ្សារអ៊ីរ៉ង់ឡើយ។
ដោយឡែក អំឡុងពេលស្នាក់នៅក្នុងរាជធានីបាងកក ក្រៅពីជួបជាមួយមេដឹកនាំថៃ ប្រធានាធិបតីអ៊ីរ៉ង់ ហាសាន់ រូហានី ក៏បានចូលរួមកិច្ចប្រជុំកំពូលនៃកិច្ចសន្ទនាសហប្រតិបត្តិការអាស៊ី (ACD) ដែលមានការចូលរួមពីមេដឹកនាំអាស៊ី៣៤ប្រទេសនៅក្នុងក្រុងបាងកក ដែលថៃជាម្ចាស់ផ្ទះនៃកិច្ចប្រជុំលើកទីពីផងដែរនោះ៕
បន្ទាប់ពីបញ្ចប់ទស្សនកិច្ចនៅវៀតណាម និងម៉ាឡេស៊ី ប្រធានាធិបតីអ៊ីរ៉ង់ ហាសាន់ រូហានី បានទៅដល់ប្រទេសថៃ ដើម្បីទស្សនកិច្ចផ្លូវការនោះទីនោះ។ លោក រូហានី បានជួបជាមួយនាយករដ្ឋមន្ត្រីថៃ ប្រាយុទ្ធ ចន្ទអូចា ដើម្បីពិភាក្សាលើការពង្រឹងទំនាក់ទំនងទ្វេភាគី។ ហើយប្រធានាធិបតីអ៊ីរ៉ង់ ក៏បានបង្ហាញបំណងទិញអង្ករថៃកាន់តែច្រើនថែមទៀតដែរ។
ប៉ុន្តែ អ្នកនាំពាក្យរងរដ្ឋាភិបាលថៃ លោក Werachon Sukondhapatipak និយាយថា ក្នុងជំនួបនៅថ្ងៃទី៩ ខែតុលា មេដឹកនាំទាំងពីរ មិនបានពិភាក្សាលម្អិតពីរឿងផែនការទិញអង្ករថែមនេះឡើយ។ ប៉ុន្តែលោកនាយករដ្ឋមន្ត្រី ប្រាយុទ្ធ បានស្នើឲ្យពិនិត្យលើដំណើរការទិញអង្ករ ដែលភាគីទាំងពីរចុះហត្ថលេខាលើកមុនសិន។ កាលពីដើមឆ្នាំ២០១៦ ក្រុងតេអេរ៉ង់ បានចុះហត្ថលេខាទិញអង្ករថៃចំនួនបីសែនតោន ដែលមានតម្លៃជា១២២លានដុល្លារ។
នៅពេលនេះ រដ្ឋាភិបាលថៃ កំពុងបញ្ចេញអង្ករជាច្រើនលានតោនទៀត ចេញពីឃ្លាំងស្តុករបស់ខ្លួន ព្រោះផលិតកម្មស្រូវមានការកើនឡើងយ៉ាងខ្លាំង។ ចំពេលនេះ រដ្ឋាភិបាលក្រុងបាងកក សំឡឹងឃើញទីផ្សាររបស់មហាអំណាចមជ្ឈិមបូព៌ាមួយនេះ ជាគោលដៅនាំចេញអង្កររបស់ខ្លួន។ តាមពិត ថៃឈប់លក់អង្ករឲ្យអ៊ីរ៉ង់ កាលពីឆ្នាំ២០០៦ ដោយសារតែជម្លោះលើគុណភាព និងការបង់ថ្លៃ តែក្រោយមកភាគីទាំងពីរ ក៏ចាប់ផ្ដើមរកស៊ីជាមួយគ្នាវិញ។
កាសែតបាងកកប៉ុស្តិ៍ផ្សាយថា ថៃដែលជាប្រទេសនាំចេញអង្ករលំដាប់ទីពីររបស់ពិភពលោក បាននាំចេញអង្ករចំនួន៤.៨លានតោន ទៅកាន់ទីផ្សារក្រៅប្រទេសនៅត្រឹមពាក់កណ្ដាលឆ្នាំនេះ ដែលកើនឡើងចំនួន៩.៣ភាគរយ ប្រៀបធៀបនឹងពេលវេលាដូចគ្នាកាលពីឆ្នាំ២០១៥។ ប៉ុន្តែ ថៃ មិនបាននាំចេញទៅកាន់ទីផ្សារអ៊ីរ៉ង់ឡើយ។
ដោយឡែក អំឡុងពេលស្នាក់នៅក្នុងរាជធានីបាងកក ក្រៅពីជួបជាមួយមេដឹកនាំថៃ ប្រធានាធិបតីអ៊ីរ៉ង់ ហាសាន់ រូហានី ក៏បានចូលរួមកិច្ចប្រជុំកំពូលនៃកិច្ចសន្ទនាសហប្រតិបត្តិការអាស៊ី (ACD) ដែលមានការចូលរួមពីមេដឹកនាំអាស៊ី៣៤ប្រទេសនៅក្នុងក្រុងបាងកក ដែលថៃជាម្ចាស់ផ្ទះនៃកិច្ចប្រជុំលើកទីពីផងដែរនោះ៕
Tag:
អ៊ីរ៉ង់
ថៃ
© រក្សាសិទ្ធិដោយ thmeythmey.com
