ពីនេះ ពីនោះ
× កំណាព្យបទ ពាក្យ៧
និពន្ធដោយ ប៉ាកកាខ្មៅ!
-ញញឹម ជាធ្នាក់ទាក់មិត្តភាព
ញញឹម កើតលាភមិនរើសមុខ
ញញឹម អាចកំចាត់ក្តីទុក្ខ
ញញឹម ជង្រុកផ្ទុករាសី។
-ញញឹម ដាក់គ្នាមិនខាតបង់
ញញឹម តាមចង់មិត្តប្រុសស្រី
ញញឹមដោយស្មោះចិត្តភក្តី
ញញឹម លោកីយ៍ស្រស់បំព្រង។
-ញញឹម បោះទុនមិនបាច់ដើម
ញញឹម ជួយផ្តើមការទាក់ទង
ញញឹម មិនខាតអ្នកគ្រប់គ្រង
ញញឹម ធ្នឹមរងទ្រជោគជ័យ។
-ញញឹម ជួយសម្រេចការងារ
ញញឹម គ្រប់គ្នាកំចាត់ភ័យ
ញញឹម ជួយមនុស្សគ្រប់វ័យ
ញញឹម យកជ័យមានអីខាត?
© រក្សាសិទ្ធិដោយ thmeythmey.com