អន្តរជាតិ
មហាក្សត្រម៉ាឡេស៊ីបច្ចុប្បន្ន Tuanku Abdul Halim Mu'adzam Shah
×![]()
ដោយ: តន ចាន់រិទ្ធារ៉ា
ដំណើការជ្រើសរើសមហាក្សត្រថ្មីរបស់ម៉ាឡេស៊ី បានចាប់ផ្ដើមហើយនៅថ្ងៃទី១១ ខែតុលា ស្របពេលដែលស៊ុលតង់នៃរដ្ឋនីមួយៗរបស់ម៉ាឡេស៊ី កំពុងប្រជុំសម្រេចថា ស៊ុលតង់មកពីរដ្ឋណា នឹងក្លាយជាប្រមុខរដ្ឋថ្មីរបស់ម៉ាឡេស៊ី។ ខុសពីរបបរាជានិយមនៃប្រទេសដទៃ ប្រមុខរដ្ឋម៉ាឡេស៊ី ផ្លាស់ប្ដូរគ្នារៀងរាល់៥ឆ្នាំក្នុងចំណោមស៊ុលតង់ទាំងអស់របស់ម៉ាឡេស៊ី។ 
ស៊ុលតង់មកពីរដ្ឋចំនួន៩របស់ម៉ាឡេស៊ី មកជួបគ្នានៅក្រុងកូឡាឡាំពូររយៈពេលបីថ្ងៃ ដើម្បីពិភាក្សាបញ្ហាសំខាន់ៗ ដែលរួមទាំងការជ្រើសរើសមហាក្សត្រថ្មី ( ភាសាម៉ាឡេហៅថា យ៉ាងឌីពើទួនអាហ្គុង Yang Di Pertuan Agong)។ មហាក្សត្របច្ចុប្បន្ន Tuanku Abdul Halim Mu'adzam Shah នៃរដ្ឋកេដា (Kedah) នឹងចប់អាណត្តិនៅដំណាច់ឆ្នាំនេះ ដែលតម្រូវឲ្យមានការជ្រើសរើសមហាក្សត្រឲ្យបានរួចរាល់ជាមុន។
ប្រពៃណីនៃការជ្រើសរើស Yang Di Pertuan Agong ឬមហាក្សត្រនៅម៉ាឡេស៊ី មិនដូចការជ្រើសរើសមហាក្សត្រប្រទេសផ្សេងឡើយ។ ថ្វីដ្បិតែរដ្ឋធម្មនុញ្ញម៉ាឡេស៊ីបានចែងពីដំណើរការជ្រើសរើសក៏ដោយ សន្និសីទនៃស៊ុលតង់ទាំង៩របស់ម៉ាឡេស៊ី គឺជាអ្នកសម្រេចចិត្តចុងក្រោយលើបញ្ហានេះ ដោយផ្អែកលើការអនុវត្តពីមុនៗ និងកិច្ចព្រមព្រៀងក្នុងចំណោមស៊ុលតង់ទាំងអស់។
ស៊ុលតង់នៃរដ្ឋទាំង៩ ក្នុងចំណោមរដ្ឋ១៣ សម្រេចចិត្តបែងចែកអាណត្តិនៃការគ្រងរាជ្យសម្បត្តិ ដែលមានរយៈពេល៥ឆ្នាំ ដើម្បីធានាថា ស៊ុលតង់ទាំងអស់សុទ្ធតែអង្គុយលើបល្ល័ង្គបានម្ដងដូចៗគ្នា។ ស៊ុលតង់នៃរដ្ឋកេដា Abdul Halim នឹងត្រូវផុតអាណត្តិនៅខែធ្នូ ឆ្នាំ២០១៦ ហើយអ្នកបន្ទាប់ដែលត្រូវឡើងជាមហាក្សត្រនោះ គឺស៊ុលតង់ Muhammad V នៃរដ្ឋកេឡាន់តាន់ (Kelantan)។
យោងតាមសារព័ត៌មាន Channel NewsAsia ការឈានទៅរករាជ្យសម្បត្តិរបស់ស៊ុលតង់នៃរដ្ឋកេឡាន់តាន់ កំពុងមានបញ្ហាដែលមិនស្របនឹងកិច្ចព្រមព្រៀងរវាងស៊ុលតង់ទាំងអស់។ ស៊ុលតង់ Muhammad V គ្រប់គ្រងរដ្ឋកេឡាន់តាន់បន្តពីបិតា ដែលដាក់រាជ្យដោយសារតែពិការភាព។ ប៉ុន្តែកិច្ចព្រមព្រៀងចែងថា ប្រសិនបើមានការផ្លាស់ប្ដូរស៊ុលតង់នៃរដ្ឋណាមួយ ដោយសារតែហេតុផលសុខភាព ការលាលែង ឬការដកតំណែង លេខរៀងរដ្ឋមួយនោះ នឹងស្ថិតក្នុងលំដាប់ក្រោយគេនៃបញ្ជីអ្នកត្រូវឡើងសោយរាជ្យ។
បញ្ហាមួយទៀតដែលប៉ះពាល់ដល់ការសោយរាជ្យរបស់ស៊ុលតង់ Muhammad V គឺការរៀបការ។ លក្ខខណ្ឌមួយដើម្បីក្លាយជាមហាក្សត្រម៉ាឡេស៊ី គឺត្រូវតែមានមហេសី។ ប៉ុន្តែស៊ុលតង់កេឡាន់តាន់ មិនមានមហេសីឡើយ ព្រោះបានលែងលះ។ ប្រសិនបើបេក្ខភាពស៊ុលតង់កេឡាន់តាន់ មិនត្រូវតាមលក្ខខណ្ឌទេនោះ ស៊ុលតង់ Ahmad Shah នៃរដ្ឋប៉ាហាំង (Pahang) នឹងក្លាយជាមហាក្សត្រម៉ាឡេស៊ីជំនួសវិញ៕
ស៊ុលតង់មកពីរដ្ឋចំនួន៩របស់ម៉ាឡេស៊ី មកជួបគ្នានៅក្រុងកូឡាឡាំពូររយៈពេលបីថ្ងៃ ដើម្បីពិភាក្សាបញ្ហាសំខាន់ៗ ដែលរួមទាំងការជ្រើសរើសមហាក្សត្រថ្មី ( ភាសាម៉ាឡេហៅថា យ៉ាងឌីពើទួនអាហ្គុង Yang Di Pertuan Agong)។ មហាក្សត្របច្ចុប្បន្ន Tuanku Abdul Halim Mu'adzam Shah នៃរដ្ឋកេដា (Kedah) នឹងចប់អាណត្តិនៅដំណាច់ឆ្នាំនេះ ដែលតម្រូវឲ្យមានការជ្រើសរើសមហាក្សត្រឲ្យបានរួចរាល់ជាមុន។
ប្រពៃណីនៃការជ្រើសរើស Yang Di Pertuan Agong ឬមហាក្សត្រនៅម៉ាឡេស៊ី មិនដូចការជ្រើសរើសមហាក្សត្រប្រទេសផ្សេងឡើយ។ ថ្វីដ្បិតែរដ្ឋធម្មនុញ្ញម៉ាឡេស៊ីបានចែងពីដំណើរការជ្រើសរើសក៏ដោយ សន្និសីទនៃស៊ុលតង់ទាំង៩របស់ម៉ាឡេស៊ី គឺជាអ្នកសម្រេចចិត្តចុងក្រោយលើបញ្ហានេះ ដោយផ្អែកលើការអនុវត្តពីមុនៗ និងកិច្ចព្រមព្រៀងក្នុងចំណោមស៊ុលតង់ទាំងអស់។
ស៊ុលតង់នៃរដ្ឋទាំង៩ ក្នុងចំណោមរដ្ឋ១៣ សម្រេចចិត្តបែងចែកអាណត្តិនៃការគ្រងរាជ្យសម្បត្តិ ដែលមានរយៈពេល៥ឆ្នាំ ដើម្បីធានាថា ស៊ុលតង់ទាំងអស់សុទ្ធតែអង្គុយលើបល្ល័ង្គបានម្ដងដូចៗគ្នា។ ស៊ុលតង់នៃរដ្ឋកេដា Abdul Halim នឹងត្រូវផុតអាណត្តិនៅខែធ្នូ ឆ្នាំ២០១៦ ហើយអ្នកបន្ទាប់ដែលត្រូវឡើងជាមហាក្សត្រនោះ គឺស៊ុលតង់ Muhammad V នៃរដ្ឋកេឡាន់តាន់ (Kelantan)។
យោងតាមសារព័ត៌មាន Channel NewsAsia ការឈានទៅរករាជ្យសម្បត្តិរបស់ស៊ុលតង់នៃរដ្ឋកេឡាន់តាន់ កំពុងមានបញ្ហាដែលមិនស្របនឹងកិច្ចព្រមព្រៀងរវាងស៊ុលតង់ទាំងអស់។ ស៊ុលតង់ Muhammad V គ្រប់គ្រងរដ្ឋកេឡាន់តាន់បន្តពីបិតា ដែលដាក់រាជ្យដោយសារតែពិការភាព។ ប៉ុន្តែកិច្ចព្រមព្រៀងចែងថា ប្រសិនបើមានការផ្លាស់ប្ដូរស៊ុលតង់នៃរដ្ឋណាមួយ ដោយសារតែហេតុផលសុខភាព ការលាលែង ឬការដកតំណែង លេខរៀងរដ្ឋមួយនោះ នឹងស្ថិតក្នុងលំដាប់ក្រោយគេនៃបញ្ជីអ្នកត្រូវឡើងសោយរាជ្យ។
បញ្ហាមួយទៀតដែលប៉ះពាល់ដល់ការសោយរាជ្យរបស់ស៊ុលតង់ Muhammad V គឺការរៀបការ។ លក្ខខណ្ឌមួយដើម្បីក្លាយជាមហាក្សត្រម៉ាឡេស៊ី គឺត្រូវតែមានមហេសី។ ប៉ុន្តែស៊ុលតង់កេឡាន់តាន់ មិនមានមហេសីឡើយ ព្រោះបានលែងលះ។ ប្រសិនបើបេក្ខភាពស៊ុលតង់កេឡាន់តាន់ មិនត្រូវតាមលក្ខខណ្ឌទេនោះ ស៊ុលតង់ Ahmad Shah នៃរដ្ឋប៉ាហាំង (Pahang) នឹងក្លាយជាមហាក្សត្រម៉ាឡេស៊ីជំនួសវិញ៕
Tag:
ម៉ាឡេស៊ី
© រក្សាសិទ្ធិដោយ thmeythmey.com
