អន្តរជាតិ
ប្រធានាធិបតីហ្វីលីពីន Rodrigo Duterte (រូបភាព Rappler)
×![]()
ដោយ: តន ចាន់រិទ្ធារ៉ា
ជាថ្មីម្ដងទៀត ប្រធានាធិបតីហ្វីលីពីន Rodrigo Duterte បានព្រមានខ្លាំងៗលើក្រុមអ្នករិះគន់លោក ដោយរួមទាំងអាមេរិក និងសហភាពអឺរ៉ុប ជុំវិញយុទ្ធនាការបោសសម្អាតគ្រឿងញៀនចេញពីសង្គមហ្វីលីពីន។ ប៉ុន្តែប្រធានាធិបតីហ្វីលីពីន បែរជាសរសើរចិនដោយចំហ ព្រោះចិនបានជួយសាងសង់មជ្ឈមណ្ឌលស្ដារនីតិសម្បទា សម្រាប់ជួយសង្គ្រោះអ្នកប្រើប្រាស់គ្រឿងញៀនជាច្រើនកន្លែង។
បុរសខ្លាំងហ្វីលីពីន Rodrigo Duterte បានគំរាមប្រើពាក្យអសុរោះ និងដាក់បណ្ដាសារ អ្នករិះគន់លោកលើបញ្ហាសិទ្ធិមនុស្សក្នុងប្រតិបត្តិការបង្ក្រាបគ្រឿងញៀននៅទូទាំងប្រទេស។ អាមេរិក សហភាពអឺរ៉ុប និងអង្គការសហប្រជាជាតិ ព្រមទាំងអ្នកនយោបាយហ្វីលីពីនខ្លះ ត្រូវគេមើលឃើញថា បានរិះគន់លោក Duterte មិនសំចៃមាត់ ដោយសារតែរឿងបង្ក្រាបគ្រឿងញៀននេះ។
ថ្លែងទៅកាន់ក្រុមទាហាននាឱកាសខួបលើកទី១១៥ឆ្នាំ នៃកំណើតឆ្មាំការពារឆ្នេរ ប្រធានាធិបតីហ្វីលីពីនបានព្រមានអ្នករិះគន់លោកថា៖ «ប្រសិនបើខ្ញុំឈប់គោរពអ្នកទៀតហើយ ត្រៀមខ្លួនទទួលយករឿងអាក្រក់ៗទៅ។ ខ្ញុំ នឹងប្រទេចផ្ដាសាអ្នកឲ្យច្រើនៗ។»
ឆ្លៀតពេលដដែលនោះ លោកប្រធានាធិបតី Duterte ក៏មិនភ្លេចរិះគន់អាមេរិក និងអង្គការសហប្រជាជាតិ ដែលបានបង្ហាញការព្រួយបារម្ភចំពោះចំណាត់ការរបស់លោក។ លោក Duterte ក៏បានព្រលះអ្នករិះគន់លោក ចំពោះទង្វើដែលលោកហៅថា «សកម្មភាពឆ្កួតៗ» ដ្បិតពួកគេនាំគ្នាយកការមិនពេញរបស់ពួកគេ ទៅបង្ហាញលើឆាកអន្តរជាតិទៅវិញ។
អ្វីដែលគួរឲ្យកត់សម្គាល់នោះ ប្រធានាធិបតីហ្វីលីពីន ក៏សរសើរចិន ដែលជួយហ្វីលីពីន ដោះស្រាយគ្រឿងញៀន ជាជាងអង្គុយចាំរិះគន់ដូចអាមេរិក និងអង្គការសហប្រជាជាតិ ហើយលោកចាត់ទុកទង្វើរបស់ចិន ជាអ្វីមិត្តភក្តិគួរតែធ្វើ។ លោកបញ្ជាក់ថា ប្រសិនបើជាមិត្តនឹងគ្នា អ្វីដែលគួរធ្វើនោះ គឺការកសាងមជ្ឈមណ្ឌល ដែលអាចទទួលអ្នកប្រើគ្រឿងញៀនឲ្យបាន១៦០០នាក់។
បើតាមសារព័ត៌មាន Rappler លោក Duterte និយាយដូច្នេះ ដោយសំដៅលើមជ្ឈមណ្ឌលស្ដារនីតិសម្បទាសម្រាប់អ្នកញៀនថ្នាំ និងបន្ទាយទាហាន ដែលចិនជាអ្នកផ្ដល់ហរិញ្ញវត្ថុសម្រាប់ការសាងសង់នោះ។ ជាមួយគ្នានោះ ក្រសួងសុខាភិបាលហ្វីលីពីន ក៏បញ្ជាក់ដែរថា មជ្ឈមណ្ឌលស្ដារនីតិសម្បទា ដែលអាចទទួលជនរងគ្រោះមួយម៉ឺននាក់ និងផ្ដល់ជំនួយដោយពាណិជ្ជករចិន នឹងដំណើរការនៅខែវិច្ឆិកាខាងមុខនេះផងដែរ៕
បុរសខ្លាំងហ្វីលីពីន Rodrigo Duterte បានគំរាមប្រើពាក្យអសុរោះ និងដាក់បណ្ដាសារ អ្នករិះគន់លោកលើបញ្ហាសិទ្ធិមនុស្សក្នុងប្រតិបត្តិការបង្ក្រាបគ្រឿងញៀននៅទូទាំងប្រទេស។ អាមេរិក សហភាពអឺរ៉ុប និងអង្គការសហប្រជាជាតិ ព្រមទាំងអ្នកនយោបាយហ្វីលីពីនខ្លះ ត្រូវគេមើលឃើញថា បានរិះគន់លោក Duterte មិនសំចៃមាត់ ដោយសារតែរឿងបង្ក្រាបគ្រឿងញៀននេះ។
ថ្លែងទៅកាន់ក្រុមទាហាននាឱកាសខួបលើកទី១១៥ឆ្នាំ នៃកំណើតឆ្មាំការពារឆ្នេរ ប្រធានាធិបតីហ្វីលីពីនបានព្រមានអ្នករិះគន់លោកថា៖ «ប្រសិនបើខ្ញុំឈប់គោរពអ្នកទៀតហើយ ត្រៀមខ្លួនទទួលយករឿងអាក្រក់ៗទៅ។ ខ្ញុំ នឹងប្រទេចផ្ដាសាអ្នកឲ្យច្រើនៗ។»
ឆ្លៀតពេលដដែលនោះ លោកប្រធានាធិបតី Duterte ក៏មិនភ្លេចរិះគន់អាមេរិក និងអង្គការសហប្រជាជាតិ ដែលបានបង្ហាញការព្រួយបារម្ភចំពោះចំណាត់ការរបស់លោក។ លោក Duterte ក៏បានព្រលះអ្នករិះគន់លោក ចំពោះទង្វើដែលលោកហៅថា «សកម្មភាពឆ្កួតៗ» ដ្បិតពួកគេនាំគ្នាយកការមិនពេញរបស់ពួកគេ ទៅបង្ហាញលើឆាកអន្តរជាតិទៅវិញ។
អ្វីដែលគួរឲ្យកត់សម្គាល់នោះ ប្រធានាធិបតីហ្វីលីពីន ក៏សរសើរចិន ដែលជួយហ្វីលីពីន ដោះស្រាយគ្រឿងញៀន ជាជាងអង្គុយចាំរិះគន់ដូចអាមេរិក និងអង្គការសហប្រជាជាតិ ហើយលោកចាត់ទុកទង្វើរបស់ចិន ជាអ្វីមិត្តភក្តិគួរតែធ្វើ។ លោកបញ្ជាក់ថា ប្រសិនបើជាមិត្តនឹងគ្នា អ្វីដែលគួរធ្វើនោះ គឺការកសាងមជ្ឈមណ្ឌល ដែលអាចទទួលអ្នកប្រើគ្រឿងញៀនឲ្យបាន១៦០០នាក់។
បើតាមសារព័ត៌មាន Rappler លោក Duterte និយាយដូច្នេះ ដោយសំដៅលើមជ្ឈមណ្ឌលស្ដារនីតិសម្បទាសម្រាប់អ្នកញៀនថ្នាំ និងបន្ទាយទាហាន ដែលចិនជាអ្នកផ្ដល់ហរិញ្ញវត្ថុសម្រាប់ការសាងសង់នោះ។ ជាមួយគ្នានោះ ក្រសួងសុខាភិបាលហ្វីលីពីន ក៏បញ្ជាក់ដែរថា មជ្ឈមណ្ឌលស្ដារនីតិសម្បទា ដែលអាចទទួលជនរងគ្រោះមួយម៉ឺននាក់ និងផ្ដល់ជំនួយដោយពាណិជ្ជករចិន នឹងដំណើរការនៅខែវិច្ឆិកាខាងមុខនេះផងដែរ៕
Tag:
ហ្វីលីពីន
Rodrigo Duterte
© រក្សាសិទ្ធិដោយ thmeythmey.com
