អន្តរជាតិ
ហ្វីលីពីន សុខចិត្តហៅអ្នករាយការណ៍ពិសេសUN មកស៊ើបរឿងសម្លាប់មនុស្សក្រៅប្រព័ន្ធតុលាការ
ប្រធានាធិបតីហ្វីលីពីន Duterte និងអ្នករាយការណ៍ពិសេស Agnes Callamard (រូបភាព Rappler)
×![]()
ដោយ: តន ចាន់រិទ្ធារ៉ា
រដ្ឋបាលនៃប្រធានាធិបតីហ្វីលីពីន Rodrigo Duterte បានចេញលិខិតផ្លូវការអញ្ជើញអ្នករាយការណ៍ពិសេសអង្គការសហប្រជាជាតិលើការសម្លាប់ក្រៅប្រព័ន្ធតុលាការ ដើម្បីស៊ើបអង្កេតលើការសម្លាប់មនុស្សក្នុងយុទ្ធនាការបោសសម្អាតគ្រឿងញៀនពីសង្គមហ្វីលីពីន។ ហើយអ្នករាយការណ៍ពិសេស ក៏បានសាទរការអញ្ជើញនេះ ដ្បិតតែការអញ្ជើញនោះ មានលក្ខខណ្ឌក៏ដោយចុះ។
ចុងក្រោយនោះ រដ្ឋាភិបាលហ្វីលីពីន ដាច់ចិត្តចេញលិខិតផ្លូវការអញ្ជើញលោកស្រី Agnes Callamard អ្នករាយការណ៍ពិសេសអង្គការសហប្រជាជាតិ មកពិនិត្យស្ថានភាពនៃការសម្លាប់មនុស្សក្រៅប្រព័ន្ធតុលាការ ដែលរងការរិះគន់ឥតសំចៃមាត់នោះ។ មិនត្រឹមតែអង្គការសហប្រជាជាតិឡើយ ហ្វីលីពីន ក៏ត្រៀមខ្លួនរូចរាល់ដើម្បីអញ្ជើញអាមេរិក និងសហភាពអឺរ៉ុប មកអង្កេតបញ្ហានេះដែរ។
ប៉ុន្តែក្នុងលិខិតអញ្ជើញចុះថ្ងៃទី២៦ ខែកញ្ញា ផ្ញើទៅឲ្យអ្នករាយការណ៍ពិសេសនោះ រដ្ឋបាលលោក Duterte ក៏បានដាក់លក្ខខណ្ឌជាមុនដែរ។ បើតាមសារព័ត៌មាន Rappler អ្នក រាយការណ៍ពិសេសរបស់ UN ត្រូវអនុញ្ញាតឲ្យប្រធានាធិបតី Duterte សួរសំណួរពាក់ព័ន្ធ នឹងលទ្ធផលនៃការស៊ើបអង្កេត ហើយអ្នករាយការណពិសេសត្រូវតែស្បថជាមុន ដើម្បី ប្រាកដថា ចម្លើយនោះជាការពិត។
ប្រពភព័ត៌មានដដែលបន្តថា លោក Duterte មានសិទ្ធិដឹងរឿងរ៉ាវ និងមូលហេតុដែលអ្នករាយការណ៍ពិសេសរបស់ UN ចង់បើកការស៊ើបអង្កេតនោះ។ កន្លងមក ប្រធានាធិបតី Duterte បានបង្ហាញចម្ងល់ជុំវិញការចង់ស៊ើបអង្កេតរបស់អ្នកខាងក្រៅលើយុទ្ធនាការបង្ក្រាបគ្រឿងញៀន ដោយលោកលើកជាសំណួរថា ហេតុអ្វីបានជាស៊ើបអង្កេតលើហ្វីលីពីន ខណៈដែលកន្លែងផ្សេងលើពិភពលោក កំពុងមានការសម្លាប់មនុស្សរង្គាលនោះ?
ក្នុងលិខិតដែលចុះហត្ថលេខាដោយលោក Salvador Medialdea រដ្ឋមន្ត្រីទទួលបន្ទុកគណៈរដ្ឋមន្ត្រី ហ្វីលីពីន បានទទូចឲ្យអ្នករាយការណ៍ពិសេសរបស់ UN មកពិនិត្យស្ថានការណ៍ជាក់ស្ដែង ជាជាងមើលតាមសារព័ត៌មានដែលរាយការណ៍ថា រដ្ឋាភិបាលលោក Duterte សម្លាប់មនុស្សក្រៅប្រព័ន្ធតុលាការនោះ។ ពាក្យ «សម្លាប់មនុស្សក្រៅប្រព័ន្ធតុលាការ» ត្រូវបានប្រើដោយក្រុមអ្នករិះគន់ សំដៅលើការសម្លាប់មនុស្សពាក់ព័ន្ធនឹងគ្រឿងញៀនប៉ុណ្ណោះ។
តាំងពីដើមមកនោះ ប្រធានាធិបតីហ្វីលីពីន Duterte មិនដែលស្វាគមន៍ពាក្យសម្ដីរិះគន់ ពាក់ព័ន្ធនឹងប្រតិបត្តិការបោសសម្អាតគ្រឿងញៀនឡើយ ហើយថែមទាំងប្រើពាក្យសម្ដីមិនសមរម្យទៀតផង។ មិនតែប៉ុណ្ណោះ លោកថែមទាំងប្រកាសគាំទ្រកងកម្លាំងប្រដាប់អាវុធដែលចូលរួមក្នុងយុទ្ធនាការនេះ ដោយធានាការពារពួកគេមិនឲ្យរងការចោទប្រកាន់អ្វីឡើយ ព្រមទាំងផ្ដល់រង្វាន់ថែមទៀត៕
ចុងក្រោយនោះ រដ្ឋាភិបាលហ្វីលីពីន ដាច់ចិត្តចេញលិខិតផ្លូវការអញ្ជើញលោកស្រី Agnes Callamard អ្នករាយការណ៍ពិសេសអង្គការសហប្រជាជាតិ មកពិនិត្យស្ថានភាពនៃការសម្លាប់មនុស្សក្រៅប្រព័ន្ធតុលាការ ដែលរងការរិះគន់ឥតសំចៃមាត់នោះ។ មិនត្រឹមតែអង្គការសហប្រជាជាតិឡើយ ហ្វីលីពីន ក៏ត្រៀមខ្លួនរូចរាល់ដើម្បីអញ្ជើញអាមេរិក និងសហភាពអឺរ៉ុប មកអង្កេតបញ្ហានេះដែរ។
ប៉ុន្តែក្នុងលិខិតអញ្ជើញចុះថ្ងៃទី២៦ ខែកញ្ញា ផ្ញើទៅឲ្យអ្នករាយការណ៍ពិសេសនោះ រដ្ឋបាលលោក Duterte ក៏បានដាក់លក្ខខណ្ឌជាមុនដែរ។ បើតាមសារព័ត៌មាន Rappler អ្នក រាយការណ៍ពិសេសរបស់ UN ត្រូវអនុញ្ញាតឲ្យប្រធានាធិបតី Duterte សួរសំណួរពាក់ព័ន្ធ នឹងលទ្ធផលនៃការស៊ើបអង្កេត ហើយអ្នករាយការណពិសេសត្រូវតែស្បថជាមុន ដើម្បី ប្រាកដថា ចម្លើយនោះជាការពិត។
ប្រពភព័ត៌មានដដែលបន្តថា លោក Duterte មានសិទ្ធិដឹងរឿងរ៉ាវ និងមូលហេតុដែលអ្នករាយការណ៍ពិសេសរបស់ UN ចង់បើកការស៊ើបអង្កេតនោះ។ កន្លងមក ប្រធានាធិបតី Duterte បានបង្ហាញចម្ងល់ជុំវិញការចង់ស៊ើបអង្កេតរបស់អ្នកខាងក្រៅលើយុទ្ធនាការបង្ក្រាបគ្រឿងញៀន ដោយលោកលើកជាសំណួរថា ហេតុអ្វីបានជាស៊ើបអង្កេតលើហ្វីលីពីន ខណៈដែលកន្លែងផ្សេងលើពិភពលោក កំពុងមានការសម្លាប់មនុស្សរង្គាលនោះ?
ក្នុងលិខិតដែលចុះហត្ថលេខាដោយលោក Salvador Medialdea រដ្ឋមន្ត្រីទទួលបន្ទុកគណៈរដ្ឋមន្ត្រី ហ្វីលីពីន បានទទូចឲ្យអ្នករាយការណ៍ពិសេសរបស់ UN មកពិនិត្យស្ថានការណ៍ជាក់ស្ដែង ជាជាងមើលតាមសារព័ត៌មានដែលរាយការណ៍ថា រដ្ឋាភិបាលលោក Duterte សម្លាប់មនុស្សក្រៅប្រព័ន្ធតុលាការនោះ។ ពាក្យ «សម្លាប់មនុស្សក្រៅប្រព័ន្ធតុលាការ» ត្រូវបានប្រើដោយក្រុមអ្នករិះគន់ សំដៅលើការសម្លាប់មនុស្សពាក់ព័ន្ធនឹងគ្រឿងញៀនប៉ុណ្ណោះ។
តាំងពីដើមមកនោះ ប្រធានាធិបតីហ្វីលីពីន Duterte មិនដែលស្វាគមន៍ពាក្យសម្ដីរិះគន់ ពាក់ព័ន្ធនឹងប្រតិបត្តិការបោសសម្អាតគ្រឿងញៀនឡើយ ហើយថែមទាំងប្រើពាក្យសម្ដីមិនសមរម្យទៀតផង។ មិនតែប៉ុណ្ណោះ លោកថែមទាំងប្រកាសគាំទ្រកងកម្លាំងប្រដាប់អាវុធដែលចូលរួមក្នុងយុទ្ធនាការនេះ ដោយធានាការពារពួកគេមិនឲ្យរងការចោទប្រកាន់អ្វីឡើយ ព្រមទាំងផ្ដល់រង្វាន់ថែមទៀត៕
Tag:
ហ្វីលីពីន
UN
សិទ្ធិមនុស្ស
© រក្សាសិទ្ធិដោយ thmeythmey.com
