អន្តរជាតិ
×![]()
ដោយ: តន ចាន់រិទ្ធារ៉ា
នាយករដ្ឋមន្ត្រីអ៊ីរ៉ាក់ លោក Haider al-Abadi បានប្រកាសបើកយុទ្ធនាការរំដោះទីក្រុង Mosul ដែលជាទីក្រុងធំទីពីររបស់អ៊ីរ៉ាក់ ចេញពីការគ្រប់គ្រងរបស់ក្រុមជ្រុលនិយមរដ្ឋឥស្លាម។ កងទ័ពអ៊ីរ៉ាក់រាប់ពាន់នាក់ ត្រៀមខ្លួនរួចហើយសម្រាប់ប្រតិបត្តិការដ៏ធំនេះ ហើយ កងទ័ពអ៊ីរ៉ាក់ ក៏បានបាចខិត្តបណ្ណរាប់ពាន់សន្លឹកពីលើក្រុង Mosul ដើម្បីប្រាប់ប្រជាជនពី ដំណឹងនៃប្រតិបត្តិការនេះដែរ។
ប្រមុខរដ្ឋាភិបាលអ៊ីរ៉ាក់ Haider al-Abadi បានប្រកាសតាមទូរទស្សន៍នៅថ្ងៃទី១៧ ខែតុលា ថា កងទ័ពអ៊ីរ៉ាក់ នឹងវាយដណ្ដើមយកទីក្រុង Mosul ត្រឡប់មកវិញពីដៃក្រុមរដ្ឋឥស្លាម ដែលគ្រប់គ្រងទីក្រុងនេះតាំងពីឆ្នាំ២០១៤មកនោះ។ ទីក្រុង Mosul ជាទីតាំងធំនៅសល់ចុងក្រោយរបស់ក្រុមរដ្ឋឥស្លាមនៅលើទឹកដីអ៊ីរ៉ាក់ បន្ទាប់ពួកគេបាត់បង់ Fallujah ក្នុងប្រតិបត្តិការរបស់កងទ័ពអ៊ីរ៉ាក់ កាលពីខែមិថុនាកន្លងទៅ។
ដោយមានមន្ត្រីយោធាជាន់ខ្ពស់នៅអមជាមួយ នាយករដ្ឋមន្ត្រីអ៊ីរ៉ាក់ប្រកាសទៀតថា ពេលវេលាបានមកដល់ ហើយជ័យជម្នះក៏កាន់តែខិតជិតដែរ។ កងទ័ពអ៊ីរ៉ាក់ ដោយមានជំនួយពីកងកម្លាំងសម្ព័ន្ធមិត្តដឹកនាំដោយអាមេរិក នឹងរំដោះប្រជាជនទាំងអស់នៅក្រុង Mosul ចេញពីដៃក្រុមជ្រុលនិយមរដ្ឋឥស្លាម និងការធ្វើទុក្ខបុកម្នេញរបស់ពួកគេ។
យ៉ាងណាក្ដី ប្រតិបត្តិការរំដោះទីក្រុង Mosul ដែលជារដ្ឋធានីរបស់ក្រុមរដ្ឋឥស្លាម និងមានប្រជាជន១.២លាននាក់ គឺជារឿងដែលពិបាកមួយសម្រាប់កងទ័ពអ៊ីរ៉ាក់ និងកងកម្លាំងសម្ព័ន្ធមិត្តអាមេរិក។ នេះជាប្រតិបត្តិការយោធាធំជាងគេនៅអ៊ីរ៉ាក់ ចាប់តាំងពីការឈ្លានពានរបស់អាមេរិកនៅក្នុងឆ្នាំ២០០៣មក ដ្បិតកងកម្លាំងប្រហែលបីម៉ឺននាក់ មកពីយោធា អ៊ីរ៉ាក់ កងទ័ពឃើដ និងសកម្មជនស៊ូនី នឹងចូលរួមក្នុងការរំដោះ Mosul។
ទន្ទឹមនឹងការប្រកាសបើកប្រតិបត្តិការរំដោះទីក្រុង Mosul ការព្រួយបារម្ភលើបញ្ហាមនុស្សធម៌ ក៏កើតឡើងផងដែរ ដ្បិតការបង្ហូរឈាមដ៏ធំនឹងមិនអាចចៀសផុតឡើយ។ ច្បាស់ណាស់ថា វិបត្តិមនុស្សធម៌នឹងកើតមាន ជាពិសេសបញ្ហាកង្វះស្បៀងអាហារតែម្ដង ខណៈដែលការប្រយុទ្ធគ្នារវាងកងកម្លាំងអ៊ីរ៉ាក់ និងក្រុមជ្រុលនិយមរដ្ឋឥស្លាម បានកើតឡើងនៅផ្នែកខ្លះនៃទីក្រុងទៅហើយ។
យ៉ាងណាមិញ បើតាមសារព័ត៌មាន Al Jazeera នាយករដ្ឋមន្ត្រីអ៊ីរ៉ាក់ក៏ប្រកាសដែរថា មានតែកងទ័ពអ៊ីរ៉ាក់ និងប៉ូលិសប៉ុណ្ណោះ ដែលអាចចូលទីក្រុង Mosul បាន។ ចំណែកកងកម្លាំងផ្សេងទៀត ជាពិសេសសកម្មជនស៊ូនី មិនត្រូវអនុញ្ញាតឲ្យចូលទីក្រុងឡើយ ព្រោះខ្លាចមានការប៉ះទង្គិចរវាងនិកាយស៊ូនី និងស៊ីអ៊ីត។ ឯខិត្តបណ្ណរាប់ពាន់សន្លឹកក៏ត្រូវបាចលើទីក្រុងដែរ ដើម្បីប្រាប់ប្រជាជនពីប្រតិបត្តការនេះ ក៏ដូចជាការណែនាំផ្សេងៗដែរ ដោយរួមការប្រាប់ឲ្យពួកគេនៅឆ្ងាយពីក្រុមរដ្ឋឥស្លាម៕
ប្រមុខរដ្ឋាភិបាលអ៊ីរ៉ាក់ Haider al-Abadi បានប្រកាសតាមទូរទស្សន៍នៅថ្ងៃទី១៧ ខែតុលា ថា កងទ័ពអ៊ីរ៉ាក់ នឹងវាយដណ្ដើមយកទីក្រុង Mosul ត្រឡប់មកវិញពីដៃក្រុមរដ្ឋឥស្លាម ដែលគ្រប់គ្រងទីក្រុងនេះតាំងពីឆ្នាំ២០១៤មកនោះ។ ទីក្រុង Mosul ជាទីតាំងធំនៅសល់ចុងក្រោយរបស់ក្រុមរដ្ឋឥស្លាមនៅលើទឹកដីអ៊ីរ៉ាក់ បន្ទាប់ពួកគេបាត់បង់ Fallujah ក្នុងប្រតិបត្តិការរបស់កងទ័ពអ៊ីរ៉ាក់ កាលពីខែមិថុនាកន្លងទៅ។
ដោយមានមន្ត្រីយោធាជាន់ខ្ពស់នៅអមជាមួយ នាយករដ្ឋមន្ត្រីអ៊ីរ៉ាក់ប្រកាសទៀតថា ពេលវេលាបានមកដល់ ហើយជ័យជម្នះក៏កាន់តែខិតជិតដែរ។ កងទ័ពអ៊ីរ៉ាក់ ដោយមានជំនួយពីកងកម្លាំងសម្ព័ន្ធមិត្តដឹកនាំដោយអាមេរិក នឹងរំដោះប្រជាជនទាំងអស់នៅក្រុង Mosul ចេញពីដៃក្រុមជ្រុលនិយមរដ្ឋឥស្លាម និងការធ្វើទុក្ខបុកម្នេញរបស់ពួកគេ។
យ៉ាងណាក្ដី ប្រតិបត្តិការរំដោះទីក្រុង Mosul ដែលជារដ្ឋធានីរបស់ក្រុមរដ្ឋឥស្លាម និងមានប្រជាជន១.២លាននាក់ គឺជារឿងដែលពិបាកមួយសម្រាប់កងទ័ពអ៊ីរ៉ាក់ និងកងកម្លាំងសម្ព័ន្ធមិត្តអាមេរិក។ នេះជាប្រតិបត្តិការយោធាធំជាងគេនៅអ៊ីរ៉ាក់ ចាប់តាំងពីការឈ្លានពានរបស់អាមេរិកនៅក្នុងឆ្នាំ២០០៣មក ដ្បិតកងកម្លាំងប្រហែលបីម៉ឺននាក់ មកពីយោធា អ៊ីរ៉ាក់ កងទ័ពឃើដ និងសកម្មជនស៊ូនី នឹងចូលរួមក្នុងការរំដោះ Mosul។
ទន្ទឹមនឹងការប្រកាសបើកប្រតិបត្តិការរំដោះទីក្រុង Mosul ការព្រួយបារម្ភលើបញ្ហាមនុស្សធម៌ ក៏កើតឡើងផងដែរ ដ្បិតការបង្ហូរឈាមដ៏ធំនឹងមិនអាចចៀសផុតឡើយ។ ច្បាស់ណាស់ថា វិបត្តិមនុស្សធម៌នឹងកើតមាន ជាពិសេសបញ្ហាកង្វះស្បៀងអាហារតែម្ដង ខណៈដែលការប្រយុទ្ធគ្នារវាងកងកម្លាំងអ៊ីរ៉ាក់ និងក្រុមជ្រុលនិយមរដ្ឋឥស្លាម បានកើតឡើងនៅផ្នែកខ្លះនៃទីក្រុងទៅហើយ។
យ៉ាងណាមិញ បើតាមសារព័ត៌មាន Al Jazeera នាយករដ្ឋមន្ត្រីអ៊ីរ៉ាក់ក៏ប្រកាសដែរថា មានតែកងទ័ពអ៊ីរ៉ាក់ និងប៉ូលិសប៉ុណ្ណោះ ដែលអាចចូលទីក្រុង Mosul បាន។ ចំណែកកងកម្លាំងផ្សេងទៀត ជាពិសេសសកម្មជនស៊ូនី មិនត្រូវអនុញ្ញាតឲ្យចូលទីក្រុងឡើយ ព្រោះខ្លាចមានការប៉ះទង្គិចរវាងនិកាយស៊ូនី និងស៊ីអ៊ីត។ ឯខិត្តបណ្ណរាប់ពាន់សន្លឹកក៏ត្រូវបាចលើទីក្រុងដែរ ដើម្បីប្រាប់ប្រជាជនពីប្រតិបត្តការនេះ ក៏ដូចជាការណែនាំផ្សេងៗដែរ ដោយរួមការប្រាប់ឲ្យពួកគេនៅឆ្ងាយពីក្រុមរដ្ឋឥស្លាម៕
Tag:
អ៊ីរ៉ាក់
ក្រុមរដ្ឋឥស្លាម
Mosul
© រក្សាសិទ្ធិដោយ thmeythmey.com
