អន្តរជាតិ
×![]()
ដោយ: តន ចាន់រិទ្ធារ៉ា
ការប្រមាថមហាក្សត្រ រជ្ជទាយាទ និងសមាជិករាជវង្សរបស់រាជាណាចក្រថៃ ត្រូវបានចាត់ទុកជាទោសឧក្រិដ្ឋ ដែលត្រូវជាប់ពន្ធនាគាររហូតដល់៣០ឆ្នាំឯណោះ។ ប៉ុន្តែនៅក្រោយការសោយទិវង្គតរបស់មហាក្សត្រ ភូមិបុល អាឌុលយ៉ាដេត នៅថ្ងៃទី១៣ ខែតុលា មកនោះ ករណីប្រមាថស្ថាប័នមហាក្សត្រនេះ បានកើនឡើងយ៉ាងខ្លាំង ហើយរដ្ឋាភិបាលថៃ ក៏បានស្នើសុំកិច្ចសហប្រតិបត្តិការពីប្រទេសនានា ដើម្បីនាំយកជនល្មើសមកផ្តន្ទាទោសទៀតផង។
ប៉ូលិសថៃ កំពុងស៊ើបអង្កេតករណីប្រមាថព្រះមហាក្សត្រចំនួន១២ ដែលកើតឡើងលើបណ្ដាញសង្គម ចាប់តាំងមហាក្សត្រ ភូមិបុល អាឌុលយ៉ាដេត (Bhumibol Adulyadej) សោយទិវង្គតមក។ របបរាជានិយមថៃត្រូវបានប្រជាជន គោរព និងការពារយ៉ាងមុតមាំ ហើយ ការប្រមាថមកលើមហាក្សត្រ រជ្ជទាយាទ ក៏ដូចជារាជវង្ស នឹងត្រូវបានដាក់ពិន័យយ៉ាងធ្ងន់ធ្ងរក្រោមច្បាប់ស្ដីពីការប្រមាថមហាក្សត្រ (lese-majeste law)។
អ្នកនាំពាក្យប៉ូលិសថៃ លោក Kitsana Pattanacharoen បានប្រាប់ទីភ្នាក់ងារព័ត៌មាន Reuters ថា មកទល់ពេលនេះមានករណីប្រមាថមហាក្សត្រចំនួន១២ ក្នុងនោះករណីចំនួន៨ បានចេញដីការចាប់ខ្លួន និងករណីចំនួន៤ ស្ថិតក្រោមការឃុំខ្លួនរបស់ប៉ូលិស។ អ្នកនាំពាក្យរូបនេះបន្តថា ទោសរបស់ពួកគេ គឺបានបង្ហោះសារ ឬរូបភាព ដែលប្រមាថរាជានិយម នៅលើបណ្ដាញសង្គម។
ការបង្ក្រាបលើករណីប្រមាថមហាក្សត្រ បានកើនឡើងខ្លាំង ចំពេលដែលប្រជាជនថៃកំពុងតែសោកសៅនឹងការបាត់បង់មហាក្សត្រជាទីស្រឡាញ់របស់ពួកគេ។ អ្វីដែលគួរឲ្យកត់សម្គាល់នោះ ចាប់តាំងពីរបបយោធាឡើងកាន់អំណាចជាង២ឆ្នាំមកនេះ មានករណីប្រមាថមហាក្សត្រតែ៧០ដងប៉ុណ្ណោះ។ ប៉ុន្តែពេលនេះ រយៈពេលមិនមួយសប្ដាហ៍ផង មានករណីដូចគ្នាចំនួន១២ទៅហើយ។
ជាមួយគ្នានោះ រដ្ឋាភិបាលថៃ ក៏ស្នើឲ្យមានការធ្វើបត្យាប័នរាល់ពលរដ្ឋដែលនៅបរទេសដែលបានប្រមាថព្រះចេស្តាព្រះមហាក្សត្រថៃកាលពីថ្មីៗនេះ។ ហើយរបបសឹកក៏បានដាក់សំណើទៅឲ្យប្រតិបត្តិករទូរគមនាគមន៍ទាំងឡាយ ដើម្បីស្នើឲ្យអ្នកប្រើប្រាស់ប្រព័ន្ធទូរសព្ទទាំងអស់ រាយការណ៍ពីករណីប្រមាថស្ដេចនៅលើគេហទំព័រ ឬបណ្ដាញសង្គមនានា។ មិនតែប៉ុណ្ណោះ រដ្ឋាភិបាលថៃ ក៏ស្នើឲ្យអ្នកផ្គត់ផ្គង់សេវាកម្មអ៊ីនធឺណិតទាំងអស់ តាមដានបណ្ដាញសង្គម Facebook Twitter និង YouTube ជាដើម ដើម្បីហាមឃាត់សកម្មភាពមិនសមរម្យទាំងនោះ ហើយបើមិនធ្វើតាមនោះ នឹងត្រូវចាត់ទុកជាទោសឧក្រិដ្ឋមិនខាន។
មហាក្សត្រ ភូមិបុល អាឌុលយ៉ាដេត បានសោយទិវង្គតនៅថ្ងៃទី១៣ ខែតុលា បន្ទាប់ពីសោយរាជ្យអស់រយៈពេល៧០ឆ្នាំនោះ។ ព្រះអង្គជាស្ដេចសោយរាជ្យយូរជាងគេលើពិភពលោក ហើយក៏ទំនងជាស្ដេចមានទ្រព្យសម្បត្តិច្រើនជាងគេដែរ។ រជ្ជទាយាទ Maha Vajiralongkorn នឹងត្រូវឡើសោយរាជ្យបន្ត តែបានប្រកាសពន្យារសិន ដែលនាំឲ្យប្រធានឧត្តមប្រឹក្សាស្ដេច Prem Tinsulanon ធ្វើជាស្ដេចរាជានុសិទ្ឋិ៕
ប៉ូលិសថៃ កំពុងស៊ើបអង្កេតករណីប្រមាថព្រះមហាក្សត្រចំនួន១២ ដែលកើតឡើងលើបណ្ដាញសង្គម ចាប់តាំងមហាក្សត្រ ភូមិបុល អាឌុលយ៉ាដេត (Bhumibol Adulyadej) សោយទិវង្គតមក។ របបរាជានិយមថៃត្រូវបានប្រជាជន គោរព និងការពារយ៉ាងមុតមាំ ហើយ ការប្រមាថមកលើមហាក្សត្រ រជ្ជទាយាទ ក៏ដូចជារាជវង្ស នឹងត្រូវបានដាក់ពិន័យយ៉ាងធ្ងន់ធ្ងរក្រោមច្បាប់ស្ដីពីការប្រមាថមហាក្សត្រ (lese-majeste law)។
អ្នកនាំពាក្យប៉ូលិសថៃ លោក Kitsana Pattanacharoen បានប្រាប់ទីភ្នាក់ងារព័ត៌មាន Reuters ថា មកទល់ពេលនេះមានករណីប្រមាថមហាក្សត្រចំនួន១២ ក្នុងនោះករណីចំនួន៨ បានចេញដីការចាប់ខ្លួន និងករណីចំនួន៤ ស្ថិតក្រោមការឃុំខ្លួនរបស់ប៉ូលិស។ អ្នកនាំពាក្យរូបនេះបន្តថា ទោសរបស់ពួកគេ គឺបានបង្ហោះសារ ឬរូបភាព ដែលប្រមាថរាជានិយម នៅលើបណ្ដាញសង្គម។
ការបង្ក្រាបលើករណីប្រមាថមហាក្សត្រ បានកើនឡើងខ្លាំង ចំពេលដែលប្រជាជនថៃកំពុងតែសោកសៅនឹងការបាត់បង់មហាក្សត្រជាទីស្រឡាញ់របស់ពួកគេ។ អ្វីដែលគួរឲ្យកត់សម្គាល់នោះ ចាប់តាំងពីរបបយោធាឡើងកាន់អំណាចជាង២ឆ្នាំមកនេះ មានករណីប្រមាថមហាក្សត្រតែ៧០ដងប៉ុណ្ណោះ។ ប៉ុន្តែពេលនេះ រយៈពេលមិនមួយសប្ដាហ៍ផង មានករណីដូចគ្នាចំនួន១២ទៅហើយ។
ជាមួយគ្នានោះ រដ្ឋាភិបាលថៃ ក៏ស្នើឲ្យមានការធ្វើបត្យាប័នរាល់ពលរដ្ឋដែលនៅបរទេសដែលបានប្រមាថព្រះចេស្តាព្រះមហាក្សត្រថៃកាលពីថ្មីៗនេះ។ ហើយរបបសឹកក៏បានដាក់សំណើទៅឲ្យប្រតិបត្តិករទូរគមនាគមន៍ទាំងឡាយ ដើម្បីស្នើឲ្យអ្នកប្រើប្រាស់ប្រព័ន្ធទូរសព្ទទាំងអស់ រាយការណ៍ពីករណីប្រមាថស្ដេចនៅលើគេហទំព័រ ឬបណ្ដាញសង្គមនានា។ មិនតែប៉ុណ្ណោះ រដ្ឋាភិបាលថៃ ក៏ស្នើឲ្យអ្នកផ្គត់ផ្គង់សេវាកម្មអ៊ីនធឺណិតទាំងអស់ តាមដានបណ្ដាញសង្គម Facebook Twitter និង YouTube ជាដើម ដើម្បីហាមឃាត់សកម្មភាពមិនសមរម្យទាំងនោះ ហើយបើមិនធ្វើតាមនោះ នឹងត្រូវចាត់ទុកជាទោសឧក្រិដ្ឋមិនខាន។
មហាក្សត្រ ភូមិបុល អាឌុលយ៉ាដេត បានសោយទិវង្គតនៅថ្ងៃទី១៣ ខែតុលា បន្ទាប់ពីសោយរាជ្យអស់រយៈពេល៧០ឆ្នាំនោះ។ ព្រះអង្គជាស្ដេចសោយរាជ្យយូរជាងគេលើពិភពលោក ហើយក៏ទំនងជាស្ដេចមានទ្រព្យសម្បត្តិច្រើនជាងគេដែរ។ រជ្ជទាយាទ Maha Vajiralongkorn នឹងត្រូវឡើសោយរាជ្យបន្ត តែបានប្រកាសពន្យារសិន ដែលនាំឲ្យប្រធានឧត្តមប្រឹក្សាស្ដេច Prem Tinsulanon ធ្វើជាស្ដេចរាជានុសិទ្ឋិ៕
Tag:
ថៃ
Bhumibol Adulyadej
© រក្សាសិទ្ធិដោយ thmeythmey.com
