អន្តរជាតិ
ប្រធានាធិបតីហ្វីលីពីន៖ «យើងបីប្រទេស រុស្ស៊ី ចិន និងហ្វីលីពីន ប្រឆាំងពិភពលោក»
លោកប្រធានាធិបតីចិន ស៊ី ជិនពីង(ខាងឆ្វេង) និងលោកប្រធានាធិបតីហ្វីលីពីន រ៉ូឌ្រីហ្គូ ឌើទើតេ (ខាងស្តាំ) (រូបភាពដោយ៖ Xinhua)
×![]()
បន្ថែមពីការបញ្ឈឺអាមេរិកតាមរយៈការប្រកាសផ្តាច់ទំនាក់ទំនងវិស័យសេដ្ឋកិច្ច និងយោធានោះ លោកប្រធានាធិបតីហ្វីលីពីន រ៉ូឌ្រីហ្គូ ឌើទើតេ បានលើកខ្លួនឯងជាមួយនឹងអនាគតសម្ព័ន្ធមិត្ត រួមមាន ចិន និងរុស្ស៊ី ថា ចូលរួមគ្នាដើម្បីប្រឆាំងនឹងពិភពលោក។ តែលោក មិនបានបញ្ជាក់ថា ការប្រឆាំងនោះសំដៅលើអ្វីឡើយ។
«ខ្ញុំ បានដាក់ខ្លួនរបស់ខ្ញុំផ្ទាល់ទៅលើលំហូរមនោគមន៍របស់អ្នក(ចិន) ហើយ ប្រហែលជាខ្ញុំ ក៏នឹងទៅរុស្ស៊ីដើម្បីជជែកជាមួយនឹងប្រធានាធិបតីរុស្ស៊ី លោក វ៉ា្ល ឌឺ មៀពូទីន ហើយខ្ញុំ នឹងប្រាប់គាត់ថា មានយើងបីនាក់ ចិន ហ្វីលីពីន និងរុស្ស៊ី ប្រឆាំងពិភពលោក...។» នេះ គឺជាសេចក្តីថ្លែងការណ៍របស់លោកប្រធានាធិបតី រ៉ូឌ្រីហ្គូ ឌើទើតេ ទៅកាន់់អ្នកសារព័ត៌មាននៅល្ងាចថ្ងៃទី២០ ខែតុលា មុនពេលលោក ចូលរួមក្នុងវេទិកាពាណិជ្ជកម្ម និងវិនិយោគហ្វីលីពីន-ចិន ក្នុងក្រុងប៉េកាំង ដែលចុះផ្សាយដោយសារព័ត៌មានហ្វីលីពីន ABS-CBN។
សូមជម្រាបផងដែរថា លោកប្រធានាធិបតី រ៉ូឌ្រីហ្គូ ឌើទើតេ កំពុងតែទស្សនកិច្ចរយៈពេលបួនថ្ងៃគឺចាប់តាំងពីថ្ងៃទី១៨ខែតុលា និងបញ្ចប់នៅថ្ងៃទី២១ ខែតុលានេះ នៅក្នុងក្រុងប៉េកាំងតបតាមការអញ្ជើញរបស់លោកប្រធានាធិបតីចិន ស៊ី ជិនពីង។ នេះ គឺជាដំណើរទស្សនកិច្ចលើក ដំបូងហើយរបស់លោកទៅកាន់ប្រទេសដែលស្ថិតក្រៅតំបន់អាស៊ីអាគ្នេយ៍។
អ្វីគួរកត់សម្គាល់នោះ ការប្រកាសរបស់លោក ឌើទើតេ ក្នុងការបញ្ចប់ទំនាក់ទំនងជាមួយនឹង«អាមេរិក»លើវិស័យយោធា និងសេដ្ឋកិច្ច ខណៈប្រឹងលើកចិន និងរុស្ស៊ី ត្រូវបានធ្វើឡើង បន្ទាប់ពីលោក បានបញ្ចប់ជំនួបទ្វេភាគីជាមួយនឹងលោក ស៊ី ជិនពីង។ ក្នុងជំនួបនោះ ភាគីទាំងពីរ បានព្រមព្រៀងគ្នាលើវិស័យទូលំទូលាយ ដែលផ្តោតលើផលប្រយោជន៍សេដ្ឋកិច្ច និងអនាគតនៃទំនាក់ទំនងទ្វេភាគីរវាងប្រទេសទាំងពីរ។ ជាពិសេសនោះ ហ្វីលីពីន ក៏ទទួលបានកម្ចីរាប់ពានលានដុល្លារពីចិនផងដែរ៕
«ខ្ញុំ បានដាក់ខ្លួនរបស់ខ្ញុំផ្ទាល់ទៅលើលំហូរមនោគមន៍របស់អ្នក(ចិន) ហើយ ប្រហែលជាខ្ញុំ ក៏នឹងទៅរុស្ស៊ីដើម្បីជជែកជាមួយនឹងប្រធានាធិបតីរុស្ស៊ី លោក វ៉ា្ល ឌឺ មៀពូទីន ហើយខ្ញុំ នឹងប្រាប់គាត់ថា មានយើងបីនាក់ ចិន ហ្វីលីពីន និងរុស្ស៊ី ប្រឆាំងពិភពលោក...។» នេះ គឺជាសេចក្តីថ្លែងការណ៍របស់លោកប្រធានាធិបតី រ៉ូឌ្រីហ្គូ ឌើទើតេ ទៅកាន់់អ្នកសារព័ត៌មាននៅល្ងាចថ្ងៃទី២០ ខែតុលា មុនពេលលោក ចូលរួមក្នុងវេទិកាពាណិជ្ជកម្ម និងវិនិយោគហ្វីលីពីន-ចិន ក្នុងក្រុងប៉េកាំង ដែលចុះផ្សាយដោយសារព័ត៌មានហ្វីលីពីន ABS-CBN។
សូមជម្រាបផងដែរថា លោកប្រធានាធិបតី រ៉ូឌ្រីហ្គូ ឌើទើតេ កំពុងតែទស្សនកិច្ចរយៈពេលបួនថ្ងៃគឺចាប់តាំងពីថ្ងៃទី១៨ខែតុលា និងបញ្ចប់នៅថ្ងៃទី២១ ខែតុលានេះ នៅក្នុងក្រុងប៉េកាំងតបតាមការអញ្ជើញរបស់លោកប្រធានាធិបតីចិន ស៊ី ជិនពីង។ នេះ គឺជាដំណើរទស្សនកិច្ចលើក ដំបូងហើយរបស់លោកទៅកាន់ប្រទេសដែលស្ថិតក្រៅតំបន់អាស៊ីអាគ្នេយ៍។
អ្វីគួរកត់សម្គាល់នោះ ការប្រកាសរបស់លោក ឌើទើតេ ក្នុងការបញ្ចប់ទំនាក់ទំនងជាមួយនឹង«អាមេរិក»លើវិស័យយោធា និងសេដ្ឋកិច្ច ខណៈប្រឹងលើកចិន និងរុស្ស៊ី ត្រូវបានធ្វើឡើង បន្ទាប់ពីលោក បានបញ្ចប់ជំនួបទ្វេភាគីជាមួយនឹងលោក ស៊ី ជិនពីង។ ក្នុងជំនួបនោះ ភាគីទាំងពីរ បានព្រមព្រៀងគ្នាលើវិស័យទូលំទូលាយ ដែលផ្តោតលើផលប្រយោជន៍សេដ្ឋកិច្ច និងអនាគតនៃទំនាក់ទំនងទ្វេភាគីរវាងប្រទេសទាំងពីរ។ ជាពិសេសនោះ ហ្វីលីពីន ក៏ទទួលបានកម្ចីរាប់ពានលានដុល្លារពីចិនផងដែរ៕
Tag:
ហ្វីលីពី
រុស្ស៊ី
ចិន
អាស៊ាន
© រក្សាសិទ្ធិដោយ thmeythmey.com
