អន្តរជាតិ
ការបោះឆ្នោតជ្រើសរើសសមាជិកក្រុមប្រឹក្សាសិទ្ធិមនុស្ស ដោយមហាសន្និបាតអង្គការសហប្រជាជាតិ
×![]()
ដោយ: តន ចាន់រិទ្ធារ៉ា
សមាជិកអចិន្ត្រៃយ៍ក្រុមប្រឹក្សាសន្តិសុខ រុស្សី បានខ្ទាតចេញពីកៅអីសមាជិកក្រុមប្រឹក្សាសិទ្ធិមនុស្ស ដែលមានមូលដ្ឋាននៅក្រុងហ្សឺណែវ។ ក្រៅពីរុស្សី សមាជិកចំនួន៨ប្រទេសទៀត ក៏ត្រូវចាកចេញពីស្ថាប័នសិទ្ធិមនុស្សកំពូលរបស់អង្គការសហប្រជាជាតិដែរ។ ការចាកចេញរបស់រុស្សី ត្រូវគេជឿថាបណ្ដាលមកពីការចូលទៅពាក់ព័ន្ធនៅក្នុងជម្លោះនៅស៊ីរីដែលមានការរំលោភសិទ្ធិមនុស្សយ៉ាងខ្លាំង។
មហាសន្និបាតអង្គការសហប្រជាជាតិ នៅថ្ងៃទី២៨ ខែតុលា បានបោះឆ្នោតដោយសម្ងាត់ជ្រើសរើសប្រទេសចំនួន១៤ ជាសមាជិកក្រុមប្រឹក្សាសិទ្ធិមនុស្ស ដែលទទួលខុសត្រូវការការពារ និងការជំរុញការគោរពសិទ្ធិមនុស្សលើពិភពលោក។ រុស្សី ដែលឈរជាបេក្ខភាពសម្រាប់អឺរ៉ុបខាងកើត មិនបានជាប់ក្នុងការបោះឆ្នោតនេះឡើយ បើទោះជារុស្សីជាសមាជិកអាណត្តិចាស់ក៏ដោយ។
ក្រៅពីរុស្សី ប្រទេស៨ទៀតដែលត្រូវចាកចេញពីកៅអីសមាជិកមាន អាល់ហ្សេរី បារាំង ម៉ាល់ឌីវ ម៉ិកស៊ិក ម៉ារ៉ុក ណាមីប៊ី ម៉ាសេដ្វាន និងវៀតណាម។ ចំណែកប្រទេសជាប់ឆ្នោតថ្មីមាន ប្រស៊ីល ក្រូអាស៊ី អេស៊ីប ហុងគ្រី អ៊ីរ៉ាក់ ជប៉ុន រវ៉ាន់ដា ទុយនីស៊ី និងអាមេរិក។ ដោយឡែកសមាជិកជាប់ឆ្នោតឡើងវិញមាន ចិន គុយបា អារ៉ាប៊ីសាអូឌីត អាហ្វ្រិកខាងត្បូង និងចក្រភពអង់គ្លេស។
សមាជិកទាំង៤៧ប្រទេសនៃក្រុមប្រឹក្សាសិទ្ធិមនុស្ស មានអាណត្តិបីឆ្នាំ និងអាចបន្តបានមួយអាណត្តិទៀត លើកលែងតែសមាជិកដែលអង្គុយកៅអីពីរអាណត្តិ។ ក្នុងការបោះឆ្នោតលើកនេះ សមាជិកទាំង ១៤ប្រទេសត្រូវជ្រើសរើសអាស្រ័យលើកូតាតាមតំបន់នីមួយៗរបស់ពិភពលោក។
ងាកមកការរបូតកៅអីរបស់រុស្សី អគ្គរដ្ឋទូតរុស្សីប្រចាំអង្គការសហប្រជាជាតិ លោក Vitaly Churkin និយាយថា រុស្សីត្រូវការពេលសម្រាក ព្រោះរុស្សីក៏ជាសមាជិកក្រុមប្រឹក្សាសិទ្ធិមនុស្សជាច្រើនឆ្នាំដែរ ហើយនៅការបោះឆ្នោតលើកក្រោយ រុស្សីនឹងដណ្ដើមកៅអីមកវិញ។ អគ្គរដ្ឋទូតរូបនេះបន្តថា ហុងគ្រី និងក្រូអាស៊ី ជាប់ជាសមាជិក ដ្បិតមានទំហំតូច និងមិនងាយរងផលប៉ះពាល់ដោយសារគោលនយោបាអន្តរជាតិឡើយ។
ជាការពិតការដែលរុស្សីអស់កៅអីនៅក្រុមប្រឹក្សាសិទ្ធិមនុស្ស ក៏ដោយសារតែលូកដៃចូលជម្លោះនៅស៊ីរី ដែលឆក់យកជីវិតមនុស្សរាប់ម៉ឺននាក់មកហើយនោះ។ អាមេរិក និងក្រុមសិទ្ធិមនុស្ស បានចោទរុស្សីថា ទម្លាក់គ្រាប់បែកឥតប្រណីលើទីតាំងក្រុមឧទ្ទាម ដើម្បីជួយកងកម្លាំងរដ្ឋាភិបាលលោក អាសាដ ក្នុងការដណ្ដើមកាន់កាប់ទឹកដីមកវិញ ជាពិសេសទីក្រុង Aleppo តែម្ដង៕
មហាសន្និបាតអង្គការសហប្រជាជាតិ នៅថ្ងៃទី២៨ ខែតុលា បានបោះឆ្នោតដោយសម្ងាត់ជ្រើសរើសប្រទេសចំនួន១៤ ជាសមាជិកក្រុមប្រឹក្សាសិទ្ធិមនុស្ស ដែលទទួលខុសត្រូវការការពារ និងការជំរុញការគោរពសិទ្ធិមនុស្សលើពិភពលោក។ រុស្សី ដែលឈរជាបេក្ខភាពសម្រាប់អឺរ៉ុបខាងកើត មិនបានជាប់ក្នុងការបោះឆ្នោតនេះឡើយ បើទោះជារុស្សីជាសមាជិកអាណត្តិចាស់ក៏ដោយ។
ក្រៅពីរុស្សី ប្រទេស៨ទៀតដែលត្រូវចាកចេញពីកៅអីសមាជិកមាន អាល់ហ្សេរី បារាំង ម៉ាល់ឌីវ ម៉ិកស៊ិក ម៉ារ៉ុក ណាមីប៊ី ម៉ាសេដ្វាន និងវៀតណាម។ ចំណែកប្រទេសជាប់ឆ្នោតថ្មីមាន ប្រស៊ីល ក្រូអាស៊ី អេស៊ីប ហុងគ្រី អ៊ីរ៉ាក់ ជប៉ុន រវ៉ាន់ដា ទុយនីស៊ី និងអាមេរិក។ ដោយឡែកសមាជិកជាប់ឆ្នោតឡើងវិញមាន ចិន គុយបា អារ៉ាប៊ីសាអូឌីត អាហ្វ្រិកខាងត្បូង និងចក្រភពអង់គ្លេស។
សមាជិកទាំង៤៧ប្រទេសនៃក្រុមប្រឹក្សាសិទ្ធិមនុស្ស មានអាណត្តិបីឆ្នាំ និងអាចបន្តបានមួយអាណត្តិទៀត លើកលែងតែសមាជិកដែលអង្គុយកៅអីពីរអាណត្តិ។ ក្នុងការបោះឆ្នោតលើកនេះ សមាជិកទាំង ១៤ប្រទេសត្រូវជ្រើសរើសអាស្រ័យលើកូតាតាមតំបន់នីមួយៗរបស់ពិភពលោក។
ងាកមកការរបូតកៅអីរបស់រុស្សី អគ្គរដ្ឋទូតរុស្សីប្រចាំអង្គការសហប្រជាជាតិ លោក Vitaly Churkin និយាយថា រុស្សីត្រូវការពេលសម្រាក ព្រោះរុស្សីក៏ជាសមាជិកក្រុមប្រឹក្សាសិទ្ធិមនុស្សជាច្រើនឆ្នាំដែរ ហើយនៅការបោះឆ្នោតលើកក្រោយ រុស្សីនឹងដណ្ដើមកៅអីមកវិញ។ អគ្គរដ្ឋទូតរូបនេះបន្តថា ហុងគ្រី និងក្រូអាស៊ី ជាប់ជាសមាជិក ដ្បិតមានទំហំតូច និងមិនងាយរងផលប៉ះពាល់ដោយសារគោលនយោបាអន្តរជាតិឡើយ។
ជាការពិតការដែលរុស្សីអស់កៅអីនៅក្រុមប្រឹក្សាសិទ្ធិមនុស្ស ក៏ដោយសារតែលូកដៃចូលជម្លោះនៅស៊ីរី ដែលឆក់យកជីវិតមនុស្សរាប់ម៉ឺននាក់មកហើយនោះ។ អាមេរិក និងក្រុមសិទ្ធិមនុស្ស បានចោទរុស្សីថា ទម្លាក់គ្រាប់បែកឥតប្រណីលើទីតាំងក្រុមឧទ្ទាម ដើម្បីជួយកងកម្លាំងរដ្ឋាភិបាលលោក អាសាដ ក្នុងការដណ្ដើមកាន់កាប់ទឹកដីមកវិញ ជាពិសេសទីក្រុង Aleppo តែម្ដង៕
Tag:
រុស្សី
សិទ្ធិមនុស្ស
UN
© រក្សាសិទ្ធិដោយ thmeythmey.com
