អន្តរជាតិ
×![]()
ដោយ: តន ចាន់រិទ្ធារ៉ា
ប្រធានាធិបតីកូរ៉េខាងត្បូង ប៉ាក ហ្គឺនហេ (Park Geun-hye) កំពុងរងសម្ពាធកាន់តែខ្លាំងដោយសារតែរឿងអាស្រូវពាក់ព័ន្ធនឹងការអនុញ្ញាតឲ្យមិត្តភក្តិជិតស្និទ្ធរបស់លោកស្រី លូកដៃចូលការងារប្រទេសជាតិ។ រឿងអាស្រូវនេះប៉ះពាល់យ៉ាងខ្លាំងដល់ប្រជាប្រិយភាពរបស់ប្រធានាធិបតី ប៉ាក ហ្គឺនហេ ខណៈបាតុកម្មទាមទារឲ្យលោកស្រីចុះចេញពីតំណែង ក៏ធ្វើឡើងដែរ ហើយលោកស្រី ប៉ាក ក៏មានគម្រោងផ្លាស់ប្ដូរគណៈរដ្ឋមន្ត្រីដែរ។
ប្រជាជនកូរ៉េខាងត្បូងរាប់ពាន់នាក់ បានមកប្រមូលផ្ដុំគ្នាដើម្បីធ្វើការតវ៉ាប្រឆាំងនឹងប្រធានាធិបតី លោកស្រី ប៉ាក ហ្គឺនហេ នៅទីលានកណ្ដាលក្រុងសេអ៊ូល ក្នុងគោលដៅទាមទារឲ្យលោកស្រី លាលែងពីតំណែង។ គម្រោងតវ៉ាដែលធ្វើនៅថ្ងៃទី២៩ ខែតុលា កើតឡើងក្រោយការបែកធ្លាយរឿងអាស្រូវនឹងការបើកដៃរបស់លោកស្រី ប៉ាក ហ្គឺនហេ ឲ្យមនុស្សជំនិតគឺលោកស្រី Choi Soon-Sil ចូលមកពាក់ព័ន្ធការងាររដ្ឋ។
លោកស្រី Choi Soon-Sil កំពុងត្រូវបានស៊ើបអង្កេតលើករណីប្រើប្រាស់ទំនាក់ទំនងជាមួយលោកស្រី ប៉ាក ហ្គឺនហេ ដើម្បីទាមទារយកលុយពីក្រុមហ៊ុនធំៗ។ អ្វីដែលកាន់តែធ្ងន់ធ្ងរ គឺប្រធានាធិបតី ប៉ាក ហ្គឺនហេ បានអនុញ្ញាតឲ្យលោកស្រី Choi Soon-Sil ដែលគ្មានតំណែងអ្វីសោះ ត្រួតពិនិត្យសុន្ទរកថាលោកស្រី និងជួនកាលនោះ ថែមទាំងជួយផ្ដល់យោបល់លើនយោបាយក្នុងស្រុកទៀតផង។
ក្រោយការបែកធ្លាយនោះ ប្រធានាធិបតីកូរ៉េខាងត្បូង ប៉ាក ហ្គឺនហេ ក៏បានសុំទោសជាសាធារណៈរួចហើយដែរ។ នៅថ្ងៃទី២៨ ខែតុលា លោកស្រីក៏បានប្រាប់ឲ្យទីប្រឹក្សាជាន់ខ្ពស់របស់លោកស្រីចំនួន១០នាក់ ដាក់ពាក្យលាលែងផងដែរ ដ្បិតលោកស្រីនឹងរុះរើគណៈរដ្ឋមន្ត្រីនៅពេលខាងមុខ។ ច្បាស់ណាស់ថា ការរុះរើគណៈរដ្ឋមន្ត្រីនៅពេលខាងមុខ គឺដើម្បីទាញប្រជាប្រិយភាពត្រឡប់មកវិញរបស់លោកស្រី ប៉ាក ដែលកំពុងធ្លាក់ចុះ។
សូមបញ្ជាក់ថា លោកស្រី Choi Soon-Sil ដែលមានអាយុ៦០ឆ្នាំ គឺជាកូនស្រីមេដឹកនាំសាសនា Choi-Tae-Min។ លោក Choi-Tae-Min នេះបានដឹកនាំនិកាយសាសនាមួយនៅកូរ៉េខាងត្បូង ហើយលោកក៏ជាគ្រូរបស់លោកស្រីប្រធានាធិបតី ប៉ាក ហ្គឺនហេ រហូតដល់ថ្ងៃលោកអស់ជីវិតក្នុងឆ្នាំ១៩៩៤។ សារព័ត៌មានកូរ៉េខាងត្បូងផ្សាយថា លោកស្រី Choi Soon-Sil បានប្រើឥទ្ធិពលឪពុកដើម្បីទាញយកប្រយោជន៍ពីលោកស្រីប៉ាក។
យ៉ាងណាក្ដី យោងតាមទីភ្នាក់ងារព័ត៌មាន AFP លោកស្រី Choi បានចាកចេញពីកូរ៉េខាងត្បូងទៅកាន់អាល្លឺម៉ង់តាំងពីដើមខែកញ្ញាមកម្លេះ។ ពោលគឺបន្ទាប់ពីរឿងអាស្រូវចាប់ផ្ដើមលេចជារូបរាងបណ្ដើនោះ។ ក្រៅពីទាមទារឲ្យលោកស្រី ប៉ាក ចុះចេញ បាតុកម្មនៅថ្ងៃទី២៩ បានទាមទារឲ្យលោកស្រី Choi ត្រឡប់ចូលស្រុកវិញដែរ៕
ប្រជាជនកូរ៉េខាងត្បូងរាប់ពាន់នាក់ បានមកប្រមូលផ្ដុំគ្នាដើម្បីធ្វើការតវ៉ាប្រឆាំងនឹងប្រធានាធិបតី លោកស្រី ប៉ាក ហ្គឺនហេ នៅទីលានកណ្ដាលក្រុងសេអ៊ូល ក្នុងគោលដៅទាមទារឲ្យលោកស្រី លាលែងពីតំណែង។ គម្រោងតវ៉ាដែលធ្វើនៅថ្ងៃទី២៩ ខែតុលា កើតឡើងក្រោយការបែកធ្លាយរឿងអាស្រូវនឹងការបើកដៃរបស់លោកស្រី ប៉ាក ហ្គឺនហេ ឲ្យមនុស្សជំនិតគឺលោកស្រី Choi Soon-Sil ចូលមកពាក់ព័ន្ធការងាររដ្ឋ។
លោកស្រី Choi Soon-Sil កំពុងត្រូវបានស៊ើបអង្កេតលើករណីប្រើប្រាស់ទំនាក់ទំនងជាមួយលោកស្រី ប៉ាក ហ្គឺនហេ ដើម្បីទាមទារយកលុយពីក្រុមហ៊ុនធំៗ។ អ្វីដែលកាន់តែធ្ងន់ធ្ងរ គឺប្រធានាធិបតី ប៉ាក ហ្គឺនហេ បានអនុញ្ញាតឲ្យលោកស្រី Choi Soon-Sil ដែលគ្មានតំណែងអ្វីសោះ ត្រួតពិនិត្យសុន្ទរកថាលោកស្រី និងជួនកាលនោះ ថែមទាំងជួយផ្ដល់យោបល់លើនយោបាយក្នុងស្រុកទៀតផង។
ក្រោយការបែកធ្លាយនោះ ប្រធានាធិបតីកូរ៉េខាងត្បូង ប៉ាក ហ្គឺនហេ ក៏បានសុំទោសជាសាធារណៈរួចហើយដែរ។ នៅថ្ងៃទី២៨ ខែតុលា លោកស្រីក៏បានប្រាប់ឲ្យទីប្រឹក្សាជាន់ខ្ពស់របស់លោកស្រីចំនួន១០នាក់ ដាក់ពាក្យលាលែងផងដែរ ដ្បិតលោកស្រីនឹងរុះរើគណៈរដ្ឋមន្ត្រីនៅពេលខាងមុខ។ ច្បាស់ណាស់ថា ការរុះរើគណៈរដ្ឋមន្ត្រីនៅពេលខាងមុខ គឺដើម្បីទាញប្រជាប្រិយភាពត្រឡប់មកវិញរបស់លោកស្រី ប៉ាក ដែលកំពុងធ្លាក់ចុះ។
សូមបញ្ជាក់ថា លោកស្រី Choi Soon-Sil ដែលមានអាយុ៦០ឆ្នាំ គឺជាកូនស្រីមេដឹកនាំសាសនា Choi-Tae-Min។ លោក Choi-Tae-Min នេះបានដឹកនាំនិកាយសាសនាមួយនៅកូរ៉េខាងត្បូង ហើយលោកក៏ជាគ្រូរបស់លោកស្រីប្រធានាធិបតី ប៉ាក ហ្គឺនហេ រហូតដល់ថ្ងៃលោកអស់ជីវិតក្នុងឆ្នាំ១៩៩៤។ សារព័ត៌មានកូរ៉េខាងត្បូងផ្សាយថា លោកស្រី Choi Soon-Sil បានប្រើឥទ្ធិពលឪពុកដើម្បីទាញយកប្រយោជន៍ពីលោកស្រីប៉ាក។
យ៉ាងណាក្ដី យោងតាមទីភ្នាក់ងារព័ត៌មាន AFP លោកស្រី Choi បានចាកចេញពីកូរ៉េខាងត្បូងទៅកាន់អាល្លឺម៉ង់តាំងពីដើមខែកញ្ញាមកម្លេះ។ ពោលគឺបន្ទាប់ពីរឿងអាស្រូវចាប់ផ្ដើមលេចជារូបរាងបណ្ដើនោះ។ ក្រៅពីទាមទារឲ្យលោកស្រី ប៉ាក ចុះចេញ បាតុកម្មនៅថ្ងៃទី២៩ បានទាមទារឲ្យលោកស្រី Choi ត្រឡប់ចូលស្រុកវិញដែរ៕
Tag:
កូរ៉េខាងត្បូង
Pakr Geun-hye
© រក្សាសិទ្ធិដោយ thmeythmey.com
