អន្តរជាតិ
នាយករដ្ឋមន្ត្រីកាណដា និងមេដឹកនាំអឺរ៉ុប នាឱកាសចុះហត្ថលេខាលើកិច្ចព្រមព្រៀង CETA (រូបភាព Xinhua)
×![]()
ដោយ: តន ចាន់រិទ្ធារ៉ា
ទីបំផុត កិច្ចព្រមព្រៀងពាណិជ្ជកម្មសេរីរវាងសហភាពអឺរ៉ុប និងកាណាដា ដែលជាសមាជិកប្រទេស G7 ត្រូវបានចុះហត្ថលេខាហើយនៅថ្ងៃទី៣០ ខែតុលា ក្រោយការរអាក់រអួលដោយសារតែមានការតវ៉ាពីសំណាក់រដ្ឋបាលនៃតំបន់មួយរបស់បែលហ្ស៊ិក។ កិច្ចព្រមព្រៀងនេះ នឹងជម្រុះចោលរបាំងពន្ធនាំចូលរវាងកាណាដា និងអឺរ៉ុប ព្រមទាំងបង្កើតបានជាទីផ្សាររួមដ៏ធំក្នុងចំណោមប្រជាជនជាង៥០០លាននាក់។ 
សូមស្ដាប់ព័ត៌មានលម្អិត៖
សហភាពអឺរ៉ុប និងកាណាដា បានចុះហត្ថលេខាលើកិច្ចព្រមព្រៀងសេដ្ឋកិច្ចនិងពាណិជ្ជកម្មគ្រប់ជ្រុងជ្រោយ (CETA) ដែលមានគោលដៅបង្កើនការងារ និងកំណើនសេដ្ឋកិច្ចរវាងប្លុកសេដ្ឋកិច្ចដ៏ធំរបស់ពិភពលោក។ កិច្ចព្រមព្រៀងដែលចុះហត្ថលេខានៅថ្ងៃទី៣០ ខែតុលា ធ្វើឡើងក្រោយតំបន់និយាយភាសាបារាំងរបស់បែលហ្ស៊ិកបញ្ចប់ការប្រឆាំងនឹងកិច្ចព្រមព្រៀងនេះ ដោយអះអាងថាកិច្ចព្រមព្រៀងនេះអាចប៉ះពាល់ផលប្រយោជន៍ពួកគេនោះ។
នាយករដ្ឋមន្ត្រីកាណាដា Justin Trudeau ជាអ្នកចុះហត្ថលេខានេះជាមួយមេដឹកនាំដឹកនាំអឺរ៉ុបមាន ប្រធានគណៈកម្មាការអឺរ៉ុប Jean-Claude Juncker ប្រធានក្រុមប្រឹក្សាអឺរ៉ុប Donald Tusk និងនាយករដ្ឋមន្ត្រីស្លូវ៉ាគី Robert Fico ដែលជាប្រធានប្ដូរវេនរបស់អឺរ៉ុប។ តាមពិតទៅ កិច្ចព្រមព្រៀងនេះ គ្រោងចុះហត្ថលេខានៅថ្ងៃទី២៧ ខែតុលា ប៉ុន្តែត្រូវលុបចោលវិញ ដោយសារតំបន់ Wallonia របស់បែលហ្ស៊ិកប្រឆាំង។
បើតាមសារព័ត៌មានអង់គ្លេស BBC ប្រជាជនតំបន់ Wallonia បារម្ភថា កិច្ចព្រមពៀងនេះនឹងប៉ះពាល់ខ្លាំងដល់កសិករអឺរ៉ុប ព្រោះវាផ្ដល់អំណាចច្រើនដល់ក្រុមហ៊ុនអន្តរជាតិធំៗ។ ប៉ុន្តែចុងក្រោយ សភាតំបន់ Wallonia ក៏សម្រេចទទួលយកកិច្ចព្រមព្រៀងនេះនៅថ្ងៃទី២៨ ខែតុលា ដែលបើកផ្លូវឲ្យមានការចុះហត្ថលេខានៅថ្ងៃទី៣០ ម្ដងទៅ។ កិច្ចព្រមព្រៀងអាចចុះហត្ថលេខាបាន លុះត្រាសមាជិកអឺរ៉ុបទាំងអស់មូលមតិគ្នាយល់ព្រមជាមុនសិន។
កិច្ចព្រមព្រៀង CETA នឹងលុបចោលពន្ធ៩៩ភាគរយ ដែលកំពុងដាក់អនុវត្តលើទំនាក់ទំនងពាណិជ្ជកម្មរវាងកាណាដា និងសហភាពអឺរ៉ុប។ ហើយកិច្ចព្រមព្រៀងនេះ នឹងបង្កើនទំហំពាណិជ្ជកម្មរវាងភាគីទាំងពីរឲ្យដល់១២ពាន់លានអឺរ៉ុបក្នុងមួយឆ្នាំដែរ។ ទំនិញដែលផលិតនៅអឺរ៉ុបជាច្រើនរយមុខ នឹងត្រូវរួចពន្ធនាំចូលរបស់កាណាដា ហើយផលិតនាំចេញជាច្រើន ក៏ទទួលបានការអនុគ្រោះពន្ធផងដែរ។
យ៉ាងណាក្ដី គណៈកម្មាការអឺរ៉ុបបញ្ជាក់ដែរថា កិច្ចព្រមព្រៀងនេះ នឹងមិនប៉ះពាល់ដល់សិទ្ធិអំណាចរបស់រដ្ឋាភិបាលនៃរដ្ឋសមាជិកអឺរ៉ុប ក្នុងត្រួតពិនិត្យលើស្តង់ដាផលិតផលឡើយ។ គោលការណ៍សុវត្ថិភាពផលិតផលទាក់ទងនឹងបរិស្ថាន និងស្តង់ដាសង្គម នឹងនៅតែត្រូវបន្តអនុវត្ត ហើយរដ្ឋសមាជិកអឺរ៉ុបនៅតែអាចប្រើសិទ្ឋិរបស់ខ្លួនទៅតាមបទបញ្ញត្តិរបស់អឺរ៉ុបទាក់ទងនឹងបញ្ហានេះបានដដែល៕
សូមស្ដាប់ព័ត៌មានលម្អិត៖
សហភាពអឺរ៉ុប និងកាណាដា បានចុះហត្ថលេខាលើកិច្ចព្រមព្រៀងសេដ្ឋកិច្ចនិងពាណិជ្ជកម្មគ្រប់ជ្រុងជ្រោយ (CETA) ដែលមានគោលដៅបង្កើនការងារ និងកំណើនសេដ្ឋកិច្ចរវាងប្លុកសេដ្ឋកិច្ចដ៏ធំរបស់ពិភពលោក។ កិច្ចព្រមព្រៀងដែលចុះហត្ថលេខានៅថ្ងៃទី៣០ ខែតុលា ធ្វើឡើងក្រោយតំបន់និយាយភាសាបារាំងរបស់បែលហ្ស៊ិកបញ្ចប់ការប្រឆាំងនឹងកិច្ចព្រមព្រៀងនេះ ដោយអះអាងថាកិច្ចព្រមព្រៀងនេះអាចប៉ះពាល់ផលប្រយោជន៍ពួកគេនោះ។
នាយករដ្ឋមន្ត្រីកាណាដា Justin Trudeau ជាអ្នកចុះហត្ថលេខានេះជាមួយមេដឹកនាំដឹកនាំអឺរ៉ុបមាន ប្រធានគណៈកម្មាការអឺរ៉ុប Jean-Claude Juncker ប្រធានក្រុមប្រឹក្សាអឺរ៉ុប Donald Tusk និងនាយករដ្ឋមន្ត្រីស្លូវ៉ាគី Robert Fico ដែលជាប្រធានប្ដូរវេនរបស់អឺរ៉ុប។ តាមពិតទៅ កិច្ចព្រមព្រៀងនេះ គ្រោងចុះហត្ថលេខានៅថ្ងៃទី២៧ ខែតុលា ប៉ុន្តែត្រូវលុបចោលវិញ ដោយសារតំបន់ Wallonia របស់បែលហ្ស៊ិកប្រឆាំង។
បើតាមសារព័ត៌មានអង់គ្លេស BBC ប្រជាជនតំបន់ Wallonia បារម្ភថា កិច្ចព្រមពៀងនេះនឹងប៉ះពាល់ខ្លាំងដល់កសិករអឺរ៉ុប ព្រោះវាផ្ដល់អំណាចច្រើនដល់ក្រុមហ៊ុនអន្តរជាតិធំៗ។ ប៉ុន្តែចុងក្រោយ សភាតំបន់ Wallonia ក៏សម្រេចទទួលយកកិច្ចព្រមព្រៀងនេះនៅថ្ងៃទី២៨ ខែតុលា ដែលបើកផ្លូវឲ្យមានការចុះហត្ថលេខានៅថ្ងៃទី៣០ ម្ដងទៅ។ កិច្ចព្រមព្រៀងអាចចុះហត្ថលេខាបាន លុះត្រាសមាជិកអឺរ៉ុបទាំងអស់មូលមតិគ្នាយល់ព្រមជាមុនសិន។
កិច្ចព្រមព្រៀង CETA នឹងលុបចោលពន្ធ៩៩ភាគរយ ដែលកំពុងដាក់អនុវត្តលើទំនាក់ទំនងពាណិជ្ជកម្មរវាងកាណាដា និងសហភាពអឺរ៉ុប។ ហើយកិច្ចព្រមព្រៀងនេះ នឹងបង្កើនទំហំពាណិជ្ជកម្មរវាងភាគីទាំងពីរឲ្យដល់១២ពាន់លានអឺរ៉ុបក្នុងមួយឆ្នាំដែរ។ ទំនិញដែលផលិតនៅអឺរ៉ុបជាច្រើនរយមុខ នឹងត្រូវរួចពន្ធនាំចូលរបស់កាណាដា ហើយផលិតនាំចេញជាច្រើន ក៏ទទួលបានការអនុគ្រោះពន្ធផងដែរ។
យ៉ាងណាក្ដី គណៈកម្មាការអឺរ៉ុបបញ្ជាក់ដែរថា កិច្ចព្រមព្រៀងនេះ នឹងមិនប៉ះពាល់ដល់សិទ្ធិអំណាចរបស់រដ្ឋាភិបាលនៃរដ្ឋសមាជិកអឺរ៉ុប ក្នុងត្រួតពិនិត្យលើស្តង់ដាផលិតផលឡើយ។ គោលការណ៍សុវត្ថិភាពផលិតផលទាក់ទងនឹងបរិស្ថាន និងស្តង់ដាសង្គម នឹងនៅតែត្រូវបន្តអនុវត្ត ហើយរដ្ឋសមាជិកអឺរ៉ុបនៅតែអាចប្រើសិទ្ឋិរបស់ខ្លួនទៅតាមបទបញ្ញត្តិរបស់អឺរ៉ុបទាក់ទងនឹងបញ្ហានេះបានដដែល៕
Tag:
អឺរ៉ុប
កាណាដា
CETA
© រក្សាសិទ្ធិដោយ thmeythmey.com
