អន្តរជាតិ
រជ្ជទាយាទថៃ Maha Vajiralongkorn (រូបភាព Xinhua)
×![]()
ដោយ: តន ចាន់រិទ្ធារ៉ា
ប្រភពពីមន្ត្រីយោធាថៃពីររូបអះអាងថា ថៃកំពុងរៀបចំដើម្បីប្រារព្ធពិធីឡើងសោយរាជ្យរបស់រជ្ជទាយាទ Maha Vajiralongkorn នៅថ្ងៃទី១ ខែធ្នូខាងមុខ។ រជ្ជទាយាទ Maha Vajilongkorn បានពន្យារពេលស្នងតំណែងពីបិតាព្រះចៅ ភូមិបុល អាឌុលយ៉ាដេត(Bhumibol Adulyadje) ដែលសោយទិវង្គតកាលពីថ្ងៃទី១៣ ខែតុលាកន្លងទៅ ដើម្បីកាន់ទុក្ខសិន។ 
រជ្ជទាយាទ Maha Vajiralongkorn នឹងឡើងសោយរាជ្យបន្តពីបិតាព្រះចៅ ភូមិបុល អាឌុលយ៉ាដេត នៅថ្ងៃទី១ ខែធ្នូ ខណៈការរៀបចំសម្រាប់ពិធីសោយរាជ្យសម្បត្តិ កំពុងត្រូវបានរៀបចំ។ នេះបើយោងតាមប្រភពមន្ត្រីយោធាជាន់ខ្ពស់ថៃពីររូប ដែលបានដឹងពីរឿងរ៉ាវនៃការរៀបចំនេះ ហើយត្រូវបានផ្សាយដោយទីភ្នាក់ងារព័ត៌មាន Reuters។
មន្ត្រីយោធាជាន់ខ្ពស់ម្នាក់បានប្រាប់ទីភ្នាក់ងារព័ត៌មាន Reuters ថា ព័ត៌មាននៃពិធីសោយរាជ្យនេះ លេចឡើងក្រោយការចាកចេញរបស់រជ្ជទាយាទ Maha Vajiralongkorn ទៅកាន់អាល្លឺម៉ង់ ដោយសារកិច្ចការផ្ទាល់ខ្លួនព្រះអង្គនោះ។ មន្ត្រីយោធាជាន់ខ្ពស់ដែលបដិសេធផ្ដល់អត្តសញ្ញាណនិយាយទៀតថា រជ្ជទាយាទអង្គនេះ នឹងយាងត្រឡប់មកប្រទេសវិញក្នុងខែវិច្ឆិកា។
ប្រភពព័ត៌មានដដែលបញ្ជាក់ថា មន្ត្រីយោធាម្នាក់ទៀតក៏បានលើកឡើងពីការរៀបចំពិធីឡើងសោយរាជ្យផងដែរ។ មន្ត្រីយោធានេះអះអាងថា៖ «អ្វីៗកំពុងរៀបចំសម្រាប់ថ្ងៃទី១ ខែធ្នូ។ ប៉ុន្តែពេលវេលារៀបចំនេះ ក៏អាស្រ័យលើរជ្ជទាយាទ Maha Vajiralongkorn ដែរ»។
គេចាំបានថា នាយករដ្ឋមន្ត្រីថៃ ប្រាយុទ្ធ ចន្ទអូចា ធ្លាប់ប្រកាសថា ការឡើងសោយរាជ្យផ្លូវការរបស់រជ្ជទាយាទ អាចធ្វើឡើងក្នុងរយៈពេល៧ថ្ងៃ ទៅ១៥ថ្ងៃបន្ទាប់ពីការសោយទិវង្គតរបស់ព្រះចៅ ភូមិបុល ឬក៏អាចយូរជាងនេះ។ លោក ប្រាយុទ្ធ បញ្ជាក់ទៀតថា ព្រះអង្គម្ចាស់ Maha Vajiralongkorn ចង់កាន់ទុក្ខជាមួយប្រជាជនសិន និងទុកការឡើងសោយរាជ្យនៅពេលក្រោយ រហូតដល់ពេលសភាយាងព្រះអង្គឡើងសោយរាជ្យតែម្ដង។
យ៉ាងណាមិញ ការឡើងគ្រងរាជ្យផ្លូវការរបស់រជ្ជទាយាទ Maha Vajiralongkorn នឹងធ្វើក្រោយពិធីបុណ្យរំលាយព្រះសពមហាក្សត្រ ភូមិបុល អាឌុលយ៉ាដេត ចប់សព្វគ្រប់សិន។ ពោលគឺអាចធ្វើឡើងក្នុងរយៈពេលយ៉ាងហោចណាស់ក៏មួយឆ្នាំទៀតដែរ។ នេះក៏ដោយសារតែព្រះសព ត្រូវតម្កល់ទុកដើម្បីបំពេញតាមប្រពៃណីសិន។ ក្នុងរយៈពេលនេះ លោក Prem Tinsulanonda ដែលជារាជានុសិទ្ធិ ត្រូវគ្រប់គ្រងរាជកិច្ច រហូតដល់មានស្ដេចថ្មី៕
រជ្ជទាយាទ Maha Vajiralongkorn នឹងឡើងសោយរាជ្យបន្តពីបិតាព្រះចៅ ភូមិបុល អាឌុលយ៉ាដេត នៅថ្ងៃទី១ ខែធ្នូ ខណៈការរៀបចំសម្រាប់ពិធីសោយរាជ្យសម្បត្តិ កំពុងត្រូវបានរៀបចំ។ នេះបើយោងតាមប្រភពមន្ត្រីយោធាជាន់ខ្ពស់ថៃពីររូប ដែលបានដឹងពីរឿងរ៉ាវនៃការរៀបចំនេះ ហើយត្រូវបានផ្សាយដោយទីភ្នាក់ងារព័ត៌មាន Reuters។
មន្ត្រីយោធាជាន់ខ្ពស់ម្នាក់បានប្រាប់ទីភ្នាក់ងារព័ត៌មាន Reuters ថា ព័ត៌មាននៃពិធីសោយរាជ្យនេះ លេចឡើងក្រោយការចាកចេញរបស់រជ្ជទាយាទ Maha Vajiralongkorn ទៅកាន់អាល្លឺម៉ង់ ដោយសារកិច្ចការផ្ទាល់ខ្លួនព្រះអង្គនោះ។ មន្ត្រីយោធាជាន់ខ្ពស់ដែលបដិសេធផ្ដល់អត្តសញ្ញាណនិយាយទៀតថា រជ្ជទាយាទអង្គនេះ នឹងយាងត្រឡប់មកប្រទេសវិញក្នុងខែវិច្ឆិកា។
ប្រភពព័ត៌មានដដែលបញ្ជាក់ថា មន្ត្រីយោធាម្នាក់ទៀតក៏បានលើកឡើងពីការរៀបចំពិធីឡើងសោយរាជ្យផងដែរ។ មន្ត្រីយោធានេះអះអាងថា៖ «អ្វីៗកំពុងរៀបចំសម្រាប់ថ្ងៃទី១ ខែធ្នូ។ ប៉ុន្តែពេលវេលារៀបចំនេះ ក៏អាស្រ័យលើរជ្ជទាយាទ Maha Vajiralongkorn ដែរ»។
គេចាំបានថា នាយករដ្ឋមន្ត្រីថៃ ប្រាយុទ្ធ ចន្ទអូចា ធ្លាប់ប្រកាសថា ការឡើងសោយរាជ្យផ្លូវការរបស់រជ្ជទាយាទ អាចធ្វើឡើងក្នុងរយៈពេល៧ថ្ងៃ ទៅ១៥ថ្ងៃបន្ទាប់ពីការសោយទិវង្គតរបស់ព្រះចៅ ភូមិបុល ឬក៏អាចយូរជាងនេះ។ លោក ប្រាយុទ្ធ បញ្ជាក់ទៀតថា ព្រះអង្គម្ចាស់ Maha Vajiralongkorn ចង់កាន់ទុក្ខជាមួយប្រជាជនសិន និងទុកការឡើងសោយរាជ្យនៅពេលក្រោយ រហូតដល់ពេលសភាយាងព្រះអង្គឡើងសោយរាជ្យតែម្ដង។
យ៉ាងណាមិញ ការឡើងគ្រងរាជ្យផ្លូវការរបស់រជ្ជទាយាទ Maha Vajiralongkorn នឹងធ្វើក្រោយពិធីបុណ្យរំលាយព្រះសពមហាក្សត្រ ភូមិបុល អាឌុលយ៉ាដេត ចប់សព្វគ្រប់សិន។ ពោលគឺអាចធ្វើឡើងក្នុងរយៈពេលយ៉ាងហោចណាស់ក៏មួយឆ្នាំទៀតដែរ។ នេះក៏ដោយសារតែព្រះសព ត្រូវតម្កល់ទុកដើម្បីបំពេញតាមប្រពៃណីសិន។ ក្នុងរយៈពេលនេះ លោក Prem Tinsulanonda ដែលជារាជានុសិទ្ធិ ត្រូវគ្រប់គ្រងរាជកិច្ច រហូតដល់មានស្ដេចថ្មី៕
Tag:
ថៃ
Bhumibol Adulyadej
Maha Vajiralongkorn
© រក្សាសិទ្ធិដោយ thmeythmey.com
