អន្តរជាតិ
នយោបាយអន្តរជាតិ
×![]()
ដោយ: តន ចាន់រិទ្ធារ៉ា
ប្រធានាធិបតីកូរ៉េខាងត្បូង លោកស្រី ប៉ាក ហ្គឺនហេ (Park Geun-hye) កំពុងប្រឈមមុខសម្ពាធយ៉ាងខ្លាំង ដោយសារតែរឿងអាស្រូវលូកលាន់កិច្ចការរដ្ឋរបស់មនុស្សជំនិតលោកស្រី។ ដោយសារបញ្ហានេះ ទើបនាយករដ្ឋមន្ត្រីជ្រើសតាំងថ្មីកូរ៉េខាងត្បូង ក៏បានលើកឡើងពីលទ្ធភាពក្នុងការបើកការស៊ើបអង្កេតលើលោកស្រី។ ចំណែកលោកស្រី ប៉ាក ហ្គឺនហេ ផ្ទាល់ ក៏យល់ព្រមចូលខ្លួនក្នុងការស៊ើបអង្កេតដែរ ប្រសិនបើជារឿងចាំបាច់។ 
ប្រធានាធិបតីកូរ៉េខាងត្បូងចោមរោមដោយរឿងអាស្រូវ លោកស្រី ប៉ាក ហ្គឺនហេ នៅថ្ងៃទី៤ ខែវិច្ឆិកា ប្រកាសថា លោកស្រី នឹងទទួលយកការស៊ើបអង្កេតជុំវិញរឿងអាស្រូវពុករលួយពាក់ព័ន្ធមនុស្សជំនិតរបស់លោកស្រី ក្នុងករណីចាំបាច់នោះ។ ប្រសិនបើរឿងនេះកើតឡើងមែន លោកស្រី ប៉ាក ហ្គឺនហេ នឹងក្លាយជាប្រធានាធិបតីក្នុងតំណែងដំបូងគេរបស់កូរ៉េខាងត្បូង ដែលត្រូវស៊ើបអង្កេតដោយរដ្ឋអាជ្ញា។
ក្នុងសុន្ទរកថាតាមទូរទស្សន៍ ប្រធានាធិបតី ប៉ាក ហ្គឺនហេ ក៏បានសុំទោសប្រជាជនកូរ៉េខាងត្បូងម្ដងទៀត ចំពោះបញ្ហានយោបាយក្នុងស្រុកដែលកំពុងរង្គោះរង្គើខ្លាំង។ កាលពីថ្ងៃទី២៥ ខែតុលា លោកស្រី ប៉ាក ហ្គឺនហេ បានចេញមកសុំទោសម្ដងរួចហើយ ក្រោយរឿងអាស្រូវចាប់ផ្ដើមផ្ទុះចេញជាសាធារណៈមកនោះ។ ប្រជាជនរាប់ពាន់នាក់ ក៏ដូចជាសមាជិកសភាប្រឆាំង បានទាមទារឲ្យលោកស្រី លាលែងពីតំណែងដើម្បីបង្ហាញការទទួលខុសត្រូវ។
ប្រធានាធិបតី ប៉ាក ហ្គឺនហេ ត្រូវបានចោទប្រកាន់ថា បើកដៃឲ្យលោកស្រី Choi Soon-sil ជាមនុស្សជំនិតលោកស្រី កកូរកការកិច្ចការរដ្ឋ និងប្រើឥទ្ធិពលនៃទំនាក់ទំនងនេះ ដើម្បីទាញយកផលប្រយោជន៍ផ្ទាល់ខ្លួន។ បើតាមសារព័ត៌មាន Yonhap លោកស្រី ប៉ាក ក៏បានសារភាពដែរថា លោកស្រីបានអនុញ្ញាតឲ្យលោកស្រី Choi ពិនិត្យសុន្ទរកថា និងឯកសារប្រធានាធិបតីមួយចំនួនទៀត ហើយលោកស្រី ក៏បានទទួលយកយោបល់ផ្សេងៗដែរ។
ការលើកឡើងរបស់ប្រធានាធិបតី ប៉ាក ហ្គឺនហេ ធ្វើឡើងតែមួយថ្ងៃ ក្រោយលោក Kim Byong-joon ដែលទើបត្រូវបានជ្រើសតាំងជានាយករដ្ឋមន្ត្រីថ្មីនោះ និយាយថា ការសាកសួរលោកស្រីប្រធានាធិបតី ប៉ាក ហ្គឺនហេ គឺអាចធ្វើបាន។ យ៉ាងណាក្ដី ដំណើរការនេះ ត្រូវធ្វើឲ្យប្រុងប្រយ័ត្ន ខណៈលោកស្រី ប៉ាក ហ្គឺនហេ គឺជាប្រធានាធិបតីក្នុងតំណែង ហើយការស៊ើបអង្កេតប្រធានាធិបតីលើករណីចោទប្រកាន់ណាមួយ ក៏មិនដែលមានពីមុនមកឡើយ។
ថ្លែងទៅកាន់ក្រុមអ្នកកាសែតជាលើកដំបូងនៅថ្ងៃទី៣ ខែវិច្ឆិកា នាយករដ្ឋមន្ត្រីទើបជ្រើសតាំងរូបនេះបញ្ជាក់ថា លោកជឿថាសមត្ថកិច្ចកូរ៉េខាងត្បូង អាចបើកការស៊ើបអង្កេតលើលោកស្រីប្រធានាធិបតីបាន ព្រោះមនុស្សទាំងអស់ មានសិទ្ធិស្មើចំពោះមុខច្បាប់។ ដោយសារលោកស្រី ប៉ាក ហ្គឺនហេ ជាប្រធានាធិបតី គេត្រូវប្រយ័ត្នទាំងនីតិវិធី និងដំណើរការស៊ើបអង្កេតករណីនេះ៕
ប្រធានាធិបតីកូរ៉េខាងត្បូងចោមរោមដោយរឿងអាស្រូវ លោកស្រី ប៉ាក ហ្គឺនហេ នៅថ្ងៃទី៤ ខែវិច្ឆិកា ប្រកាសថា លោកស្រី នឹងទទួលយកការស៊ើបអង្កេតជុំវិញរឿងអាស្រូវពុករលួយពាក់ព័ន្ធមនុស្សជំនិតរបស់លោកស្រី ក្នុងករណីចាំបាច់នោះ។ ប្រសិនបើរឿងនេះកើតឡើងមែន លោកស្រី ប៉ាក ហ្គឺនហេ នឹងក្លាយជាប្រធានាធិបតីក្នុងតំណែងដំបូងគេរបស់កូរ៉េខាងត្បូង ដែលត្រូវស៊ើបអង្កេតដោយរដ្ឋអាជ្ញា។
ក្នុងសុន្ទរកថាតាមទូរទស្សន៍ ប្រធានាធិបតី ប៉ាក ហ្គឺនហេ ក៏បានសុំទោសប្រជាជនកូរ៉េខាងត្បូងម្ដងទៀត ចំពោះបញ្ហានយោបាយក្នុងស្រុកដែលកំពុងរង្គោះរង្គើខ្លាំង។ កាលពីថ្ងៃទី២៥ ខែតុលា លោកស្រី ប៉ាក ហ្គឺនហេ បានចេញមកសុំទោសម្ដងរួចហើយ ក្រោយរឿងអាស្រូវចាប់ផ្ដើមផ្ទុះចេញជាសាធារណៈមកនោះ។ ប្រជាជនរាប់ពាន់នាក់ ក៏ដូចជាសមាជិកសភាប្រឆាំង បានទាមទារឲ្យលោកស្រី លាលែងពីតំណែងដើម្បីបង្ហាញការទទួលខុសត្រូវ។
ប្រធានាធិបតី ប៉ាក ហ្គឺនហេ ត្រូវបានចោទប្រកាន់ថា បើកដៃឲ្យលោកស្រី Choi Soon-sil ជាមនុស្សជំនិតលោកស្រី កកូរកការកិច្ចការរដ្ឋ និងប្រើឥទ្ធិពលនៃទំនាក់ទំនងនេះ ដើម្បីទាញយកផលប្រយោជន៍ផ្ទាល់ខ្លួន។ បើតាមសារព័ត៌មាន Yonhap លោកស្រី ប៉ាក ក៏បានសារភាពដែរថា លោកស្រីបានអនុញ្ញាតឲ្យលោកស្រី Choi ពិនិត្យសុន្ទរកថា និងឯកសារប្រធានាធិបតីមួយចំនួនទៀត ហើយលោកស្រី ក៏បានទទួលយកយោបល់ផ្សេងៗដែរ។
ការលើកឡើងរបស់ប្រធានាធិបតី ប៉ាក ហ្គឺនហេ ធ្វើឡើងតែមួយថ្ងៃ ក្រោយលោក Kim Byong-joon ដែលទើបត្រូវបានជ្រើសតាំងជានាយករដ្ឋមន្ត្រីថ្មីនោះ និយាយថា ការសាកសួរលោកស្រីប្រធានាធិបតី ប៉ាក ហ្គឺនហេ គឺអាចធ្វើបាន។ យ៉ាងណាក្ដី ដំណើរការនេះ ត្រូវធ្វើឲ្យប្រុងប្រយ័ត្ន ខណៈលោកស្រី ប៉ាក ហ្គឺនហេ គឺជាប្រធានាធិបតីក្នុងតំណែង ហើយការស៊ើបអង្កេតប្រធានាធិបតីលើករណីចោទប្រកាន់ណាមួយ ក៏មិនដែលមានពីមុនមកឡើយ។
ថ្លែងទៅកាន់ក្រុមអ្នកកាសែតជាលើកដំបូងនៅថ្ងៃទី៣ ខែវិច្ឆិកា នាយករដ្ឋមន្ត្រីទើបជ្រើសតាំងរូបនេះបញ្ជាក់ថា លោកជឿថាសមត្ថកិច្ចកូរ៉េខាងត្បូង អាចបើកការស៊ើបអង្កេតលើលោកស្រីប្រធានាធិបតីបាន ព្រោះមនុស្សទាំងអស់ មានសិទ្ធិស្មើចំពោះមុខច្បាប់។ ដោយសារលោកស្រី ប៉ាក ហ្គឺនហេ ជាប្រធានាធិបតី គេត្រូវប្រយ័ត្នទាំងនីតិវិធី និងដំណើរការស៊ើបអង្កេតករណីនេះ៕
Tag:
កូរ៉េខាងត្បូង
Park Geun-hye
© រក្សាសិទ្ធិដោយ thmeythmey.com
