អន្តរជាតិ
ប្រធានាធិបតីស៊ីរី Bashar al-Assad (រូបភាព Xinhua)
×![]()
ដោយ: តន ចាន់រិទ្ធារ៉ា
ប្រធានាធិបតីស៊ីរី លោក Bashar al-Assad បានអះអាងថា ជម្លោះបង្ហូរឈាមនៅស៊ីរីសព្វថ្ងៃនេះ អាចត្រូវចាត់ទុកជាសង្គ្រាមនៅចន្លោះ «សង្គ្រាមត្រជាក់ និងសង្គ្រាមលោក» ព្រោះមានប្រទេសជាច្រើនបានចូលរួមក្នុងជម្លោះរ៉ាំរ៉ៃនេះ។ ប្រធានាធិបតីស៊ីរីអះអាងដែរថា ប្រទេសទាំងនោះវាយសង្គ្រប់តែស៊ីរីមួយ ហើយកងកម្លាំងស៊ីរី បានត្រឹមតស៊ូតតាំង និងមិនសូវមានការគាំទ្រពីសហគមន៍អន្តរជាតិឡើយ។
ជម្លោះស៊ីរី បានឈានដល់ឆ្នាំទី៦ ដោយបានសម្លាប់មនុស្សអស់រាប់សែននាក់ និងជាច្រើនលាននាក់ទៀតរត់ភៀសខ្លួនទៅកាន់តំបន់មានសុវត្ថិភាព រួមទាំងរត់ទៅប្រទេសផ្សេងដែរ។ ប្រទេសជាច្រើន បានផ្ដល់ការគាំទ្រដល់ក្រុមឧទ្ទាម ដើម្បីប្រយុទ្ធតទល់នឹងកងកម្លាំងរដ្ឋាភិបាលក្នុងគោលដៅទម្លាក់លោក បាសា អាល់អាសាដ (Bashar al-Assad) ចេញពីតំណែងប្រធានាធិបតី។
នៅក្នុងបទសម្ភាសន៍ជាមួយសារព័ត៌មាន Sunday Times ដែលចេញផ្សាយនៅថ្ងៃទី៦ ខែតុលា ប្រធានាធិបតី បាសា អាល់អាសាដ បានហៅជម្លោះក្នងប្រទេសលោក ជាសង្គ្រាមលោក ដែលប្រឆាំងស៊ីរី ដ្បិតប្រទេសជាង១០ សហការគ្នាប្រឆាំងរបបស៊ីរីមួយ។ លោកបន្តថា៖ «ប្រទេសទាំងនោះ ផ្ដល់លុយ និងសម្ភារៈសឹកឲ្យក្រុមភេរវករ ខណៈកងទ័ពរបស់លោក សុទ្ធតែជាប្រជាជនស៊ីរីទាំងអស់ ហើយពួកគេកំពុងពុះពារយ៉ាងខ្លាំង។»
ស្របពេលដែលជម្លោះបង្ហូរឈាមនេះបន្តអូសបន្លាយ ប្រធានាធិបតីស៊ីរីអះអាងថា ពេលនេះនៅមិនទាន់ដំណោះស្រាយនៅឡើយទេ ដ្បិតភាគីជម្លោះទាំងសងខាង ទាំងរដ្ឋាភិបាលរបស់លោក និងក្រុមឧទ្ទាម សុទ្ធតែមានមហាអំណាចនៅពីក្រោយ ហើយមហាអំណាចទាំងនោះ តែងលូកលាន់កិច្ចការស៊ីរីរហូត។ លោកបញ្ជាក់ថា មិនទាន់មានអ្នកណាលើកដំណោះស្រាយមកឡើយ។
«ការនិយាយពីដំណោះស្រាយនយោបាយ ខណៈភាគីឧទ្ទាម ត្រូវបានគ្រប់គ្រងដោយមេកើយនៅអារ៉ាប៊ីសាអូឌីត តួកគី ចក្រភពអង់គ្លេស អាមេរិក និងបារាំងនោះ គឺមិនមែនជារឿងប្រាកដប្រជាឡើយ។» នេះជាការលើកឡើងរបស់លោក បាសា អាល់អាសាដ មុននឹងបន្តថា បញ្ហាស្នូល គឺការលូកដៃរបស់មហាអំណាច។ បើពួកគេឈប់លូកដៃ ក្រុមភេរវករនឹងចុះខ្សោយ ហើយភាគីជម្លោះជាជនជាតិស៊ីរី នឹងចូលតុចរចារកដំណោះស្រាយមិនខាន។
ប្រធានាធិបតីស៊ីរីពន្យល់ដែរថា ក្រុមឧទ្ទាម បានទទួលជំនួយយ៉ាងច្រើន គឺច្រើនជាងតម្រូវការទៅទៀត ស្របពេលដែលកងកម្លាំងរបស់លោកពុះពារតែឯង។ លោកប្រាប់ទៀតថា តាមពិត ស៊ីរីក៏ទទួលបានជំនួយដែរ មានពីក្រុម Hezbollah តែក្នុងបរិមាណតិចតួច ហើយអ៊ីរ៉ង់វិញ មិនបានបញ្ជូនទ័ពអ្វីទេ គឺមានត្រឹមតែមន្ត្រីប៉ុណ្ណោះ ខណៈដែលរុស្សី ក៏បានបញ្ជូនសព្វាវុធមកជួយដែរ ដែលធ្វើឲ្យកងកម្លាំងរបស់លោក អាចទប់ទល់ស្ថានការណ៍បាន។
មិនតែប៉ុណ្ណោះ ក្នុងកិច្ចសម្ភាសន៍ដដែល លោក បាសា អាល់អាសាដ ក៏បានសរសើររុស្សី ដោយចាត់ទុករុស្សីជាសម្ព័ន្ធមិត្តគួរឲ្យទុកចិត្ត និងស្មោះត្រង់របស់ស៊ីរី និងមិនដែលដាក់សម្ពាធលើប្រទេសណាដែរ។ លោកអះអាងថា គោលនយោបាយរបស់រុស្សី គឺផ្អែកលើសីលធម៌ និងច្បាប់អន្តរជាតិ ហើយរុស្សី ក៏មិនចង់បានអ្វីពីស៊ីរី ព្រមទាំងមិនចង់ឲ្យលោកក្លាយជាអាយ៉ងរបស់រុស្សីដែរ៕
ជម្លោះស៊ីរី បានឈានដល់ឆ្នាំទី៦ ដោយបានសម្លាប់មនុស្សអស់រាប់សែននាក់ និងជាច្រើនលាននាក់ទៀតរត់ភៀសខ្លួនទៅកាន់តំបន់មានសុវត្ថិភាព រួមទាំងរត់ទៅប្រទេសផ្សេងដែរ។ ប្រទេសជាច្រើន បានផ្ដល់ការគាំទ្រដល់ក្រុមឧទ្ទាម ដើម្បីប្រយុទ្ធតទល់នឹងកងកម្លាំងរដ្ឋាភិបាលក្នុងគោលដៅទម្លាក់លោក បាសា អាល់អាសាដ (Bashar al-Assad) ចេញពីតំណែងប្រធានាធិបតី។
នៅក្នុងបទសម្ភាសន៍ជាមួយសារព័ត៌មាន Sunday Times ដែលចេញផ្សាយនៅថ្ងៃទី៦ ខែតុលា ប្រធានាធិបតី បាសា អាល់អាសាដ បានហៅជម្លោះក្នងប្រទេសលោក ជាសង្គ្រាមលោក ដែលប្រឆាំងស៊ីរី ដ្បិតប្រទេសជាង១០ សហការគ្នាប្រឆាំងរបបស៊ីរីមួយ។ លោកបន្តថា៖ «ប្រទេសទាំងនោះ ផ្ដល់លុយ និងសម្ភារៈសឹកឲ្យក្រុមភេរវករ ខណៈកងទ័ពរបស់លោក សុទ្ធតែជាប្រជាជនស៊ីរីទាំងអស់ ហើយពួកគេកំពុងពុះពារយ៉ាងខ្លាំង។»
ស្របពេលដែលជម្លោះបង្ហូរឈាមនេះបន្តអូសបន្លាយ ប្រធានាធិបតីស៊ីរីអះអាងថា ពេលនេះនៅមិនទាន់ដំណោះស្រាយនៅឡើយទេ ដ្បិតភាគីជម្លោះទាំងសងខាង ទាំងរដ្ឋាភិបាលរបស់លោក និងក្រុមឧទ្ទាម សុទ្ធតែមានមហាអំណាចនៅពីក្រោយ ហើយមហាអំណាចទាំងនោះ តែងលូកលាន់កិច្ចការស៊ីរីរហូត។ លោកបញ្ជាក់ថា មិនទាន់មានអ្នកណាលើកដំណោះស្រាយមកឡើយ។
«ការនិយាយពីដំណោះស្រាយនយោបាយ ខណៈភាគីឧទ្ទាម ត្រូវបានគ្រប់គ្រងដោយមេកើយនៅអារ៉ាប៊ីសាអូឌីត តួកគី ចក្រភពអង់គ្លេស អាមេរិក និងបារាំងនោះ គឺមិនមែនជារឿងប្រាកដប្រជាឡើយ។» នេះជាការលើកឡើងរបស់លោក បាសា អាល់អាសាដ មុននឹងបន្តថា បញ្ហាស្នូល គឺការលូកដៃរបស់មហាអំណាច។ បើពួកគេឈប់លូកដៃ ក្រុមភេរវករនឹងចុះខ្សោយ ហើយភាគីជម្លោះជាជនជាតិស៊ីរី នឹងចូលតុចរចារកដំណោះស្រាយមិនខាន។
ប្រធានាធិបតីស៊ីរីពន្យល់ដែរថា ក្រុមឧទ្ទាម បានទទួលជំនួយយ៉ាងច្រើន គឺច្រើនជាងតម្រូវការទៅទៀត ស្របពេលដែលកងកម្លាំងរបស់លោកពុះពារតែឯង។ លោកប្រាប់ទៀតថា តាមពិត ស៊ីរីក៏ទទួលបានជំនួយដែរ មានពីក្រុម Hezbollah តែក្នុងបរិមាណតិចតួច ហើយអ៊ីរ៉ង់វិញ មិនបានបញ្ជូនទ័ពអ្វីទេ គឺមានត្រឹមតែមន្ត្រីប៉ុណ្ណោះ ខណៈដែលរុស្សី ក៏បានបញ្ជូនសព្វាវុធមកជួយដែរ ដែលធ្វើឲ្យកងកម្លាំងរបស់លោក អាចទប់ទល់ស្ថានការណ៍បាន។
មិនតែប៉ុណ្ណោះ ក្នុងកិច្ចសម្ភាសន៍ដដែល លោក បាសា អាល់អាសាដ ក៏បានសរសើររុស្សី ដោយចាត់ទុករុស្សីជាសម្ព័ន្ធមិត្តគួរឲ្យទុកចិត្ត និងស្មោះត្រង់របស់ស៊ីរី និងមិនដែលដាក់សម្ពាធលើប្រទេសណាដែរ។ លោកអះអាងថា គោលនយោបាយរបស់រុស្សី គឺផ្អែកលើសីលធម៌ និងច្បាប់អន្តរជាតិ ហើយរុស្សី ក៏មិនចង់បានអ្វីពីស៊ីរី ព្រមទាំងមិនចង់ឲ្យលោកក្លាយជាអាយ៉ងរបស់រុស្សីដែរ៕
Tag:
ស៊ីរី
បាសា អាល់អាសាដ
© រក្សាសិទ្ធិដោយ thmeythmey.com
