អន្តរជាតិ
នយោបាយអន្តរជាតិ
បើលោកស្រី ហ៊ីឡារី គ្លីនតុន ឈ្នះឆ្នោត គួរហៅលោក ប៊ីល គ្លីនតុន ថា «បុរសទីមួយ»?
លោក ប៊ីល គ្លីនតុន និងលោកស្រី ហ៊ីឡារី គ្លីនតុន (រូបភាព Xinhua)
×![]()
ដោយ: តន ចាន់រិទ្ធារ៉ា
ក្នុងស្ទាបស្ទង់ចុងក្រោយបង្ហាញថា បេក្ខជនប្រធានាធិបតីបក្សប្រជាធិបតេយ្យ លោកស្រី ហ៊ីឡារី គ្លីនតុន សង្ឃឹមឈ្នះឆ្នោតច្រើនជាងបេក្ខជនបក្សសាធារណរដ្ឋ លោក ដូណាល់ ត្រាំ ។ បើលោកស្រី គ្លីនតុន ពិតជាឈ្នះឆ្នោតមែននោះ លោកស្រី នឹងក្លាយជាប្រមុខរដ្ឋរបស់អាមេរិក មានងារជា «ប្រធានាធិបតី»។ តែគេគួរហៅស្វាមីលោកស្រី គឺលោក ប៊ីល គ្លីនតុន ដែលជាអតីតប្រធានាធិបតីនោះ ថា «បុរសទីមួយ» ដែរឬយ៉ាងណា?
លោកស្រី ហ៊ីឡារី គ្លីនតុន មានសង្ឃឹមខ្ពស់ជាងលោក ដូណាល់ ត្រាំ ក្នុងការស្នងតំណែងលោក បារ៉ាក់ អូបាម៉ា ដើម្បីការក្លាយជាប្រធានាធិបតីទី៤៥ និងជាប្រធានាធិបតីស្ត្រីទីមួយរបស់អាមេរិក។ ប៉ុន្តែអ្វីដែលជាបញ្ហានោះ គឺការហៅឈ្មោះស្វាមី លោកស្រី គឺលោក ប៊ីល គ្លីនតុន។ ការហៅឈ្មោះនេះទំនងជាបញ្ហា ដ្បិតវាជាករណីកម្រដែលមានប្រធានាធិបតីជាស្ត្រីណាស់។
ចំពោះករណីលោក ប៊ីល គ្លីនតុន អតីតប្រធានាធិបតីរូបនេះ នឹងក្លាយជាស្វាមីរបស់ប្រធានាធិបតីស្ត្រីទីមួយ ដែលអាចត្រឡប់ទៅកាន់សេតវិមានវិញ។ លោក ប៊ីល គ្លីនតុន ធ្វើជាប្រធានាធិបតីពីរអាណត្តិ គឺនៅឆ្នាំ១៩៩២ និងម្ដងទៀតនៅឆ្នាំ១៩៩៦។ ហើយវាក៏ជារឿងសាមញ្ញក្នុងការប្រើប្រាស់ងារ «ប្រធានាធិបតី» ចំពោះអតីតប្រធានាធិបតីអាមេរិក បើទោះជាអស់តំណែងក៏ដោយចុះ។
យោងទៅតាមការហៅរបៀបនេះ នៅពេលលោកស្រី គ្លីនតុន ឈ្នះឆ្នោតមែន គេមិនអាចហៅលោក ប៊ីលគ្លីតុន ជាប្រធានាធិបតី (President Clinton) បានទៀតឡើយ ព្រោះអាចធ្វើឲ្យច្រឡំជាមួយភរិយារបស់លោក។ អ្នកជំនាញផ្នែកពិធីការម្នាក់ និយាយថា បញ្ហារបៀបនេះ ក៏ធ្លាប់ត្រូវបានដោះស្រាយនៅកម្រិតរដ្ឋរបស់អាមេរិករួចហើយ។ នៅអាមេរិក មានរដ្ឋចំនួន៦ មានអភិបាលរដ្ឋជាស្ត្រី ហើយស្វាមីរបស់ពួកគេ ក៏ត្រូវបានហៅដោយមិនផ្លូវការថា «បុរសទីមួយ (First Gentlemen)។ ប៉ុន្តែករណីប្រធានាធិបតីវិញ មិនដែលមានឡើយ។
យ៉ាងណាក្ដី លោកស្រី Allida Black ដែលមានជំនាញលើបញ្ហានេះដែរ អះអាងថា ការហៅឈ្មោះនេះ មិនមែនជារឿងធំដុំឡើយលើបរិបទពិធីការនោះ។ ដូច្នេះការហៅឈ្មោះលោក ប៊ីល គ្លីនតុន នឹងនៅតែត្រូវបានរក្សាដូចដើម នៅពេលដែលលោក និងលោកស្រី ហ៊ីឡារី ចូលរួមកម្មវិធីរួមគ្នា។ លោកស្រី Black បញ្ជាក់ថា៖ «គេត្រូវហៅថា ប្រធានាធិបតី គ្លីនតុន និងអតីតប្រធានាធិបតី គ្លីនតុន»។
បើតាមទីភ្នាក់ងារ AFP អ្នកជំនាញដដែលបន្តថា រឿងនេះក៏ធ្លាប់កើតឡើងកាលពីជំនាន់គ្រួសារ Bush ផងដែរ។ លោក George H.W. Bush ដែលជាឪពុក ជាប្រធានាធិបតីទី៤១ ចំណែកលោក George W. Bush ជាកូនវិញ ជាប្រធានាធិបតីទី៤៣។ មានន័យថាពេលអ្នកទាំងពីរចូលកម្មវិធីជាមួយគ្នា គេហៅថា «ប្រធានាធិបតី Bush (កូន) និងអតីតប្រធានាធិបតី Bush (ឪពុក)។
ទាក់ទងនឹងការហៅឈ្មោះលោក ប៊ីល គ្លីនតុន វិញ ការិយាល័យពិធីការប្រធានាធិបតីអាមេរិក នឹងពិភាក្សាជាមួយគ្រួសារគ្លីនតុន លើករណីនេះ៕
លោកស្រី ហ៊ីឡារី គ្លីនតុន មានសង្ឃឹមខ្ពស់ជាងលោក ដូណាល់ ត្រាំ ក្នុងការស្នងតំណែងលោក បារ៉ាក់ អូបាម៉ា ដើម្បីការក្លាយជាប្រធានាធិបតីទី៤៥ និងជាប្រធានាធិបតីស្ត្រីទីមួយរបស់អាមេរិក។ ប៉ុន្តែអ្វីដែលជាបញ្ហានោះ គឺការហៅឈ្មោះស្វាមី លោកស្រី គឺលោក ប៊ីល គ្លីនតុន។ ការហៅឈ្មោះនេះទំនងជាបញ្ហា ដ្បិតវាជាករណីកម្រដែលមានប្រធានាធិបតីជាស្ត្រីណាស់។
ចំពោះករណីលោក ប៊ីល គ្លីនតុន អតីតប្រធានាធិបតីរូបនេះ នឹងក្លាយជាស្វាមីរបស់ប្រធានាធិបតីស្ត្រីទីមួយ ដែលអាចត្រឡប់ទៅកាន់សេតវិមានវិញ។ លោក ប៊ីល គ្លីនតុន ធ្វើជាប្រធានាធិបតីពីរអាណត្តិ គឺនៅឆ្នាំ១៩៩២ និងម្ដងទៀតនៅឆ្នាំ១៩៩៦។ ហើយវាក៏ជារឿងសាមញ្ញក្នុងការប្រើប្រាស់ងារ «ប្រធានាធិបតី» ចំពោះអតីតប្រធានាធិបតីអាមេរិក បើទោះជាអស់តំណែងក៏ដោយចុះ។
យោងទៅតាមការហៅរបៀបនេះ នៅពេលលោកស្រី គ្លីនតុន ឈ្នះឆ្នោតមែន គេមិនអាចហៅលោក ប៊ីលគ្លីតុន ជាប្រធានាធិបតី (President Clinton) បានទៀតឡើយ ព្រោះអាចធ្វើឲ្យច្រឡំជាមួយភរិយារបស់លោក។ អ្នកជំនាញផ្នែកពិធីការម្នាក់ និយាយថា បញ្ហារបៀបនេះ ក៏ធ្លាប់ត្រូវបានដោះស្រាយនៅកម្រិតរដ្ឋរបស់អាមេរិករួចហើយ។ នៅអាមេរិក មានរដ្ឋចំនួន៦ មានអភិបាលរដ្ឋជាស្ត្រី ហើយស្វាមីរបស់ពួកគេ ក៏ត្រូវបានហៅដោយមិនផ្លូវការថា «បុរសទីមួយ (First Gentlemen)។ ប៉ុន្តែករណីប្រធានាធិបតីវិញ មិនដែលមានឡើយ។
យ៉ាងណាក្ដី លោកស្រី Allida Black ដែលមានជំនាញលើបញ្ហានេះដែរ អះអាងថា ការហៅឈ្មោះនេះ មិនមែនជារឿងធំដុំឡើយលើបរិបទពិធីការនោះ។ ដូច្នេះការហៅឈ្មោះលោក ប៊ីល គ្លីនតុន នឹងនៅតែត្រូវបានរក្សាដូចដើម នៅពេលដែលលោក និងលោកស្រី ហ៊ីឡារី ចូលរួមកម្មវិធីរួមគ្នា។ លោកស្រី Black បញ្ជាក់ថា៖ «គេត្រូវហៅថា ប្រធានាធិបតី គ្លីនតុន និងអតីតប្រធានាធិបតី គ្លីនតុន»។
បើតាមទីភ្នាក់ងារ AFP អ្នកជំនាញដដែលបន្តថា រឿងនេះក៏ធ្លាប់កើតឡើងកាលពីជំនាន់គ្រួសារ Bush ផងដែរ។ លោក George H.W. Bush ដែលជាឪពុក ជាប្រធានាធិបតីទី៤១ ចំណែកលោក George W. Bush ជាកូនវិញ ជាប្រធានាធិបតីទី៤៣។ មានន័យថាពេលអ្នកទាំងពីរចូលកម្មវិធីជាមួយគ្នា គេហៅថា «ប្រធានាធិបតី Bush (កូន) និងអតីតប្រធានាធិបតី Bush (ឪពុក)។
ទាក់ទងនឹងការហៅឈ្មោះលោក ប៊ីល គ្លីនតុន វិញ ការិយាល័យពិធីការប្រធានាធិបតីអាមេរិក នឹងពិភាក្សាជាមួយគ្រួសារគ្លីនតុន លើករណីនេះ៕
Tag:
អាមេរិក
© រក្សាសិទ្ធិដោយ thmeythmey.com
