អន្តរជាតិ
នយោបាយអន្តរជាតិ
×![]()
ដោយ: តន ចាន់រិទ្ធារ៉ា
នាយករដ្ឋមន្ត្រីថៃ លោក ប្រាយុទ្ធ ចន្ទអូចា បានអំពាវនាវដល់កសិករថៃទាំងអស់ កុំពឹងផ្អែកខ្លាំងពេកលើជំនួយពីរដ្ឋាភិបាល ដើម្បីស្រោចស្រង់វិបត្តិស្រូវអង្ករដែលកំពុងធ្លាក់ថ្លៃយ៉ាងគំហុក។ នាយករដ្ឋមន្ត្រីថៃអះអាងថា ថវិការបស់រដ្ឋ ត្រូវប្រើសម្រាប់ជួយប្រជាជនទូទាំងប្រទេស មិនមែនតែកសិករនោះឡើយ ហើយការជួយនេះទៀតសោត ក៏មិនមានការរើសអើងអ្វីដែរ។
រដ្ឋាភិបាលថៃ បានបញ្ចេញទឹកប្រាក់កម្ចីរាប់សិបពាន់លានបាត ដើម្បីជួយកសិករដែលកំពុងប្រឈមមុខនឹងការធ្លាក់ថ្លៃនៃតម្លៃស្រូវអង្ករ ស្របពេលដែលរដូវកាលប្រមូលផលក៏មកដល់បណ្ដើរៗហើយនោះ។ កញ្ចប់ទឹកប្រាក់ទាំងនោះ ត្រូវបានប្រើសម្រាប់កសិករដែលត្រូវការប្រាក់ដើម្បីដោះស្រាយបញ្ហាស្តុកទុកស្រូវអង្ករ និងត្រូវបានបែងចែកជាកញ្ចប់ផ្សេងៗទៅតាមប្រភេទស្រូវអង្ករនីមួយៗ។
យ៉ាងណាមិញ នាយករដ្ឋមន្ត្រីថៃ លោក ប្រាយុទ្ធ ចន្ទអូចា បានប្រាប់កសិករទាំងអស់កុំពឹងអាស្រ័យលើជំនួយហិរញ្ញវត្ថុរបស់រដ្ឋខ្លាំងពេក ព្រោះរដ្ឋាភិបាលរបស់លោក ក៏ត្រូវជួយប្រជាជនផ្សេងដែរ។ នាយករដ្ឋមន្ត្រី ប្រាយុទ្ធ និយាយដូចនេះ នៅក្រោយជំនួបជាមួយគណៈកម្មាធិការស្រូវអង្ករ ដែលទើបបានសម្រេចបញ្ចេញទឹកប្រាក់១៨ពាន់លានបាត សម្រាប់ជួយកសិករដែលដាំដុះស្រូវប្រភេទម្លិះ។
បើតាមកាសែតបាងកកប៉ុស្តិ៍ កាលពីសប្ដាហ៍មុនបានជួយលុយច្រើនជាង២០ពាន់លានបាតរួចហើយ សម្រាប់កសិកររងគ្រោះដោយសារការធ្លាក់ថ្លៃ ដែលដាំដុះស្រូវម្លិះនៅតំបន់ភាគខាងជើង និងភាគឦសាន។ ការផ្ដល់លុយជំនួយនេះ ធ្វើឲ្យកសិករតំបន់ផ្សេងដែលដាំដុះស្រូវប្រភេទផ្សេង មិនសប្បាយចិត្តឡើយ ដោយពួកគេចង់បានជំនួយស្មើៗគ្នាទាំងអស់។
លោកនាយករដ្ឋមន្ត្រី ប្រាយុទ្ធ បញ្ជាក់ថា រដ្ឋាភិបាលចង់ជួយកសិករទាំងអស់ដែលរងគ្រោះដោយសារការធ្លាក់ថ្លៃតម្លៃស្រូវអង្ករ នៅទូទាំងប្រទេស ដោយមិនរើសអើងនោះទេ។ ប៉ុន្តែរដ្ឋាភិបាលគ្មានលទ្ធភាពប្រើថវិការដ្ឋទាំងអស់ ដើម្បីជួយកសិករឡើយ។ លោកបន្តថា កសិករត្រូវសហការជាមួយរដ្ឋាភិបាល ដើម្បីគិតពីរបៀបដាំដុះថ្មី ដូចជាប្រើប្រាស់ប្រភេទស្រូវផ្សេង ឬក៏ប្រើប្រាស់វិធីសាស្ត្រថ្មី ដែលអាចកាត់បន្ថយការពឹងផ្អែកលើរដ្ឋាភិបាល។
នាយករដ្ឋមន្ត្រីរូបនេះបញ្ជាក់ទៀតថា៖ «ពីមុនយើងដោះស្រាយបញ្ហានៅកម្រិតទាប តាមរយៈការផ្ដល់ប្រាក់កម្ចីឲ្យកសិករ ដែលរឿងនេះធ្វើឲ្យពួកគេពឹងផ្អែកតែរដ្ឋាភិបាល និងធ្វើឲ្យពិបាកដោះស្រាយបញ្ហាជាក់ស្ដែង។ តែពេលនេះយើងដោះស្រាយបញ្ហាពីខាងលើវិញ ដូចជាការផ្លាស់ប្ដូររបៀបនៃការដាំដុះ ការប្រើប្រាស់ទឹក ក៏ដូចជារបៀបនៃការប្រើប្រាស់ដីកសិកម្មជាដើម៕»
រដ្ឋាភិបាលថៃ បានបញ្ចេញទឹកប្រាក់កម្ចីរាប់សិបពាន់លានបាត ដើម្បីជួយកសិករដែលកំពុងប្រឈមមុខនឹងការធ្លាក់ថ្លៃនៃតម្លៃស្រូវអង្ករ ស្របពេលដែលរដូវកាលប្រមូលផលក៏មកដល់បណ្ដើរៗហើយនោះ។ កញ្ចប់ទឹកប្រាក់ទាំងនោះ ត្រូវបានប្រើសម្រាប់កសិករដែលត្រូវការប្រាក់ដើម្បីដោះស្រាយបញ្ហាស្តុកទុកស្រូវអង្ករ និងត្រូវបានបែងចែកជាកញ្ចប់ផ្សេងៗទៅតាមប្រភេទស្រូវអង្ករនីមួយៗ។
យ៉ាងណាមិញ នាយករដ្ឋមន្ត្រីថៃ លោក ប្រាយុទ្ធ ចន្ទអូចា បានប្រាប់កសិករទាំងអស់កុំពឹងអាស្រ័យលើជំនួយហិរញ្ញវត្ថុរបស់រដ្ឋខ្លាំងពេក ព្រោះរដ្ឋាភិបាលរបស់លោក ក៏ត្រូវជួយប្រជាជនផ្សេងដែរ។ នាយករដ្ឋមន្ត្រី ប្រាយុទ្ធ និយាយដូចនេះ នៅក្រោយជំនួបជាមួយគណៈកម្មាធិការស្រូវអង្ករ ដែលទើបបានសម្រេចបញ្ចេញទឹកប្រាក់១៨ពាន់លានបាត សម្រាប់ជួយកសិករដែលដាំដុះស្រូវប្រភេទម្លិះ។
បើតាមកាសែតបាងកកប៉ុស្តិ៍ កាលពីសប្ដាហ៍មុនបានជួយលុយច្រើនជាង២០ពាន់លានបាតរួចហើយ សម្រាប់កសិកររងគ្រោះដោយសារការធ្លាក់ថ្លៃ ដែលដាំដុះស្រូវម្លិះនៅតំបន់ភាគខាងជើង និងភាគឦសាន។ ការផ្ដល់លុយជំនួយនេះ ធ្វើឲ្យកសិករតំបន់ផ្សេងដែលដាំដុះស្រូវប្រភេទផ្សេង មិនសប្បាយចិត្តឡើយ ដោយពួកគេចង់បានជំនួយស្មើៗគ្នាទាំងអស់។
លោកនាយករដ្ឋមន្ត្រី ប្រាយុទ្ធ បញ្ជាក់ថា រដ្ឋាភិបាលចង់ជួយកសិករទាំងអស់ដែលរងគ្រោះដោយសារការធ្លាក់ថ្លៃតម្លៃស្រូវអង្ករ នៅទូទាំងប្រទេស ដោយមិនរើសអើងនោះទេ។ ប៉ុន្តែរដ្ឋាភិបាលគ្មានលទ្ធភាពប្រើថវិការដ្ឋទាំងអស់ ដើម្បីជួយកសិករឡើយ។ លោកបន្តថា កសិករត្រូវសហការជាមួយរដ្ឋាភិបាល ដើម្បីគិតពីរបៀបដាំដុះថ្មី ដូចជាប្រើប្រាស់ប្រភេទស្រូវផ្សេង ឬក៏ប្រើប្រាស់វិធីសាស្ត្រថ្មី ដែលអាចកាត់បន្ថយការពឹងផ្អែកលើរដ្ឋាភិបាល។
នាយករដ្ឋមន្ត្រីរូបនេះបញ្ជាក់ទៀតថា៖ «ពីមុនយើងដោះស្រាយបញ្ហានៅកម្រិតទាប តាមរយៈការផ្ដល់ប្រាក់កម្ចីឲ្យកសិករ ដែលរឿងនេះធ្វើឲ្យពួកគេពឹងផ្អែកតែរដ្ឋាភិបាល និងធ្វើឲ្យពិបាកដោះស្រាយបញ្ហាជាក់ស្ដែង។ តែពេលនេះយើងដោះស្រាយបញ្ហាពីខាងលើវិញ ដូចជាការផ្លាស់ប្ដូររបៀបនៃការដាំដុះ ការប្រើប្រាស់ទឹក ក៏ដូចជារបៀបនៃការប្រើប្រាស់ដីកសិកម្មជាដើម៕»
Tag:
ថៃ
ប្រាយុទ្ធ ចន្ទអូចា
© រក្សាសិទ្ធិដោយ thmeythmey.com
