អន្តរជាតិ
នយោបាយអន្តរជាតិ
ប៉ាក ហ្គឺនហេ ដកនាយករដ្ឋមន្ត្រីថ្មីទាំងមិនទាន់បានកាន់តំណែង ដោយទុកឲ្យសភាជ្រើសរើសវិញ
ប្រធានាធិបតីកូរ៉េខាងត្បូង ប៉ាក ហ្គឺនហេ (រូបភាព Xinhua)
×![]()
ដោយ: តន ចាន់រិទ្ធារ៉ា
ប្រធានាធិបតីកូរ៉េខាងត្បូង លោកស្រី ប៉ាក ហ្គឺនហេ (Park Geun-hye) នៅថ្ងៃទី៨ ខែវិច្ឆិកា បានសម្រេចដកលោក Kim Byong-joon ពីតំណែងនាយករដ្ឋមន្ត្រីជ្រើសតាំងហើយ ក្រោយជំនួបជាមួយប្រធានសភារួចមក។ លោកស្រី ប៉ាក ហ្គឺនហេ បានជ្រើសរើសលោក Kim Byong-joon សម្រាប់តំណែងនាយករដ្ឋមន្ត្រី ដែលជាផ្នែកមួយនៃការរុះរើគណៈរដ្ឋមន្ត្រី ក្រោយលេចធ្លាយរឿងអាស្រូវលូកដៃចូលកិច្ចការរដ្ឋពីសំណាក់មនុស្សជំនិតលោកស្រី។
សូមស្ដាប់ព័ត៌មានលម្អិត៖
មិនទាន់ទាំងបានកាន់តំណែងផង លោក Kim Byong-joon ដែលត្រូវបានប្រធានាធិបតី ប៉ាក ហ្គឺនហេ ជ្រើសតាំងនាយករដ្ឋមន្ត្រីកាលថ្ងៃ ២វិច្ឆិកា ក៏ត្រូវអស់តំណែងវិញ ក្រោយពេលលោកស្រី ប៉ាក ហ្គឺនហេ សម្រេចដកតំណែងនេះ។ លោកស្រីប្រធានាធិបតីកំពុងរួបរឹតដោយរឿងអាស្រូវរូបនេះ ក៏សម្រេចឲ្យសភាជ្រើសរើសបេក្ខភាពថ្មីដើម្បីគ្រប់គ្រងរដ្ឋាភិបាល។ ហើយវាក៏ជាការទាមទាររបស់គណបក្សប្រឆាំងដែរ។
ថ្លែងអំឡុងពេលជួបជាមួយប្រធានសភា លោក Chung Sye-kyun នៅថ្ងៃទី៨ ខែវិច្ឆិកា លោកស្រី ប៉ាក ហ្គឺនហេ និយាយថា លោកស្រីមកជួបប្រធានសភា ព្រោះនេះជាកាតព្វកិច្ចរបស់លោកស្រី ដើម្បីរក្សាដំណើរការជាប្រក្រតីនៃកិច្ចការរដ្ឋ។ លោកស្រីបន្តថា ប្រសិនបើសភា លើកសំណើបេក្ខជននាយករដ្ឋមន្ត្រីថ្មី លោកស្រីនឹងតែងតាំងបេក្ខជនថ្មីនោះភ្លាម ដើម្បីដឹកនាំរដ្ឋាភិបាល។
សារព័ត៌មានកូរ៉េខាងត្បូង Yonhap ផ្សាយថា ជំនួបរវាងប្រធានាធិបតី ប៉ាក ហ្គឺនហេ និងប្រធានសភា ធ្វើឡើងតែប៉ុន្មាននាទីប៉ុណ្ណោះ ព្រោះវាត្រូវរំខានដោយសមាជិកសភាប្រឆាំង ដែលទាមទារឲ្យលោកស្រី ប៉ាក ចុះចេញពីតំណែងដោយសារតែរឿងអាស្រូវនយោបាយ។ សមាជិកសភាគណបក្សប្រឆាំង ក៏បានជំទាស់នឹងការជ្រើសតាំងលោក Kim Byong-joon ជានាយករដ្ឋមន្ត្រីផងដែរ ដ្បិតលោកស្រី ប៉ាក មិនបានពិភាក្សាជាមួយសភាជាមុន។
សូមរម្លឹកថា កាលពីថ្ងៃទី២ ខែវិច្ឆិកាលោកស្រីប្រធានាធិបតី ប៉ាក ហ្គឺនហេ បានតែងតាំងលោក Kim Byong-joon ជានាយករដ្ឋមន្ត្រីថ្មីជំនួសលោក Hwang Kyo-ahn។ លោក Kim Byong-joon គឺជាមន្ត្រីជាន់ខ្ពស់របស់រដ្ឋបាលអតីតប្រធានាធិបតី Roh Moo-hyun។ ការផ្លាស់ប្ដូរនាយករដ្ឋមន្ត្រីគួរឲ្យភ្ញាក់ផ្អើលនេះ គឺដើម្បីទាក់ទាញប្រជាប្រិយភាពរដ្ឋាភិបាលឡើងវិញ ដែលធ្លាក់ចុះដោយសាររឿងអាស្រូវរបស់លោកស្រី ប៉ាក ផ្ទាល់។
យ៉ាងណាមិញ ការតែងតាំងលោក Kim Byong-joon ជានាយករដ្ឋមន្ត្រី ដោយគ្មានការពិភាក្សាជាមួយគណបក្សដទៃ ធ្វើឲ្យលោកស្រី ប៉ាក រងការររិះគន់យ៉ាងខ្លាំង ជាពិសេសពីសំណាក់គណបក្សប្រឆាំង។ ក្រុមបក្សប្រឆាំង ចង់ឲ្យការជ្រើសរើសនាយករដ្ឋមន្ត្រី ផ្អែកតាមការព្រមព្រៀងរវាងគណបក្សពីរ ជាជាងជ្រើសតាំងដោយបក្សតែមួយ។ វាទំនងដោយសារបញ្ហានេះ ទើបប្រធានាធិបតី ប៉ាក ហ្គឺនហេ ទៅជួបប្រធានសភា និងទុកសិទ្ធិឲ្យសភាជាអ្នកជ្រើសរើសនាយករដ្ឋមន្ត្រីថ្មីវិញ៕
សូមស្ដាប់ព័ត៌មានលម្អិត៖
មិនទាន់ទាំងបានកាន់តំណែងផង លោក Kim Byong-joon ដែលត្រូវបានប្រធានាធិបតី ប៉ាក ហ្គឺនហេ ជ្រើសតាំងនាយករដ្ឋមន្ត្រីកាលថ្ងៃ ២វិច្ឆិកា ក៏ត្រូវអស់តំណែងវិញ ក្រោយពេលលោកស្រី ប៉ាក ហ្គឺនហេ សម្រេចដកតំណែងនេះ។ លោកស្រីប្រធានាធិបតីកំពុងរួបរឹតដោយរឿងអាស្រូវរូបនេះ ក៏សម្រេចឲ្យសភាជ្រើសរើសបេក្ខភាពថ្មីដើម្បីគ្រប់គ្រងរដ្ឋាភិបាល។ ហើយវាក៏ជាការទាមទាររបស់គណបក្សប្រឆាំងដែរ។
ថ្លែងអំឡុងពេលជួបជាមួយប្រធានសភា លោក Chung Sye-kyun នៅថ្ងៃទី៨ ខែវិច្ឆិកា លោកស្រី ប៉ាក ហ្គឺនហេ និយាយថា លោកស្រីមកជួបប្រធានសភា ព្រោះនេះជាកាតព្វកិច្ចរបស់លោកស្រី ដើម្បីរក្សាដំណើរការជាប្រក្រតីនៃកិច្ចការរដ្ឋ។ លោកស្រីបន្តថា ប្រសិនបើសភា លើកសំណើបេក្ខជននាយករដ្ឋមន្ត្រីថ្មី លោកស្រីនឹងតែងតាំងបេក្ខជនថ្មីនោះភ្លាម ដើម្បីដឹកនាំរដ្ឋាភិបាល។
សារព័ត៌មានកូរ៉េខាងត្បូង Yonhap ផ្សាយថា ជំនួបរវាងប្រធានាធិបតី ប៉ាក ហ្គឺនហេ និងប្រធានសភា ធ្វើឡើងតែប៉ុន្មាននាទីប៉ុណ្ណោះ ព្រោះវាត្រូវរំខានដោយសមាជិកសភាប្រឆាំង ដែលទាមទារឲ្យលោកស្រី ប៉ាក ចុះចេញពីតំណែងដោយសារតែរឿងអាស្រូវនយោបាយ។ សមាជិកសភាគណបក្សប្រឆាំង ក៏បានជំទាស់នឹងការជ្រើសតាំងលោក Kim Byong-joon ជានាយករដ្ឋមន្ត្រីផងដែរ ដ្បិតលោកស្រី ប៉ាក មិនបានពិភាក្សាជាមួយសភាជាមុន។
សូមរម្លឹកថា កាលពីថ្ងៃទី២ ខែវិច្ឆិកាលោកស្រីប្រធានាធិបតី ប៉ាក ហ្គឺនហេ បានតែងតាំងលោក Kim Byong-joon ជានាយករដ្ឋមន្ត្រីថ្មីជំនួសលោក Hwang Kyo-ahn។ លោក Kim Byong-joon គឺជាមន្ត្រីជាន់ខ្ពស់របស់រដ្ឋបាលអតីតប្រធានាធិបតី Roh Moo-hyun។ ការផ្លាស់ប្ដូរនាយករដ្ឋមន្ត្រីគួរឲ្យភ្ញាក់ផ្អើលនេះ គឺដើម្បីទាក់ទាញប្រជាប្រិយភាពរដ្ឋាភិបាលឡើងវិញ ដែលធ្លាក់ចុះដោយសាររឿងអាស្រូវរបស់លោកស្រី ប៉ាក ផ្ទាល់។
យ៉ាងណាមិញ ការតែងតាំងលោក Kim Byong-joon ជានាយករដ្ឋមន្ត្រី ដោយគ្មានការពិភាក្សាជាមួយគណបក្សដទៃ ធ្វើឲ្យលោកស្រី ប៉ាក រងការររិះគន់យ៉ាងខ្លាំង ជាពិសេសពីសំណាក់គណបក្សប្រឆាំង។ ក្រុមបក្សប្រឆាំង ចង់ឲ្យការជ្រើសរើសនាយករដ្ឋមន្ត្រី ផ្អែកតាមការព្រមព្រៀងរវាងគណបក្សពីរ ជាជាងជ្រើសតាំងដោយបក្សតែមួយ។ វាទំនងដោយសារបញ្ហានេះ ទើបប្រធានាធិបតី ប៉ាក ហ្គឺនហេ ទៅជួបប្រធានសភា និងទុកសិទ្ធិឲ្យសភាជាអ្នកជ្រើសរើសនាយករដ្ឋមន្ត្រីថ្មីវិញ៕
Tag:
កូរ៉េខាងត្បូង
ប៉ាក ហ្គឺនហេ
© រក្សាសិទ្ធិដោយ thmeythmey.com
