អន្តរជាតិ
ស៊ី ជិនពីង សាទរ ដូណាល់ ត្រាំ និងរំពឹងថា ទំនាក់ទំនងចិន-អាមេរិក នឹងកាន់តែប្រសើរ
×![]()
ដោយ: តន ចាន់រិទ្ធារ៉ា
ប្រធានាធិបតីចិន លោក ស៊ី ជិនពីង នៅថ្ងៃទី៩ ខែវិច្ឆិកា បានផ្ញើសារអបអរសាទរប្រធានាធិបតីជាប់ឆ្នោតថ្មីអាមេរិក លោក ដូណាល់ ត្រាំ ។ នៅក្នុងសារនោះ ប្រធានាធិបតីចិននិយាយថា លោករំពឹងធ្វើការជាមួយលោក ដូណាល់ ត្រាំ ដើម្បីជំរុញទំនាក់ទំនងទ្វេភាគីចិន-អាមេរិក ដោយផ្ដើមពី «ចំណុចចាប់ផ្ដើមថ្មី» ។
បើទោះជាចិន និងអាមេរិក ជាគូប្រជែងលើឆាកអន្តរជាតិក៏ដោយ មេដឹកនាំកំពូលចិន ក៏បានបង្ហាញការសាទរចំពោះលោក ដូណាល់ ត្រាំ ដែលក្លាយជាប្រធានាធិបតីជាប់ឆ្នោតថ្មីរបស់មហាអំណាចទីមួយរបស់ពិភពលោក។ ប្រធានាធិបតីចិន ស៊ី ជិនពីង និយាយថា ចិន-អាមេរិក ត្រូវទទួលខុសត្រូវលើការថែរក្សាសន្តិភាព និងស្ថិរភាពពិភពលោក ព្រមទាំងការជំរុញការអភិវឌ្ឍសកលលោក ដ្បិតភាគីទាំងពីរ ក៏មានផលប្រយោជន៍រួមគ្នាដែរ។
យោងតាមសារព័ត៌មានចិន China Daily ក្នុងសារអបអរផ្ញើទៅឲ្យលោក ត្រាំ ប្រធានាធិបតីចិនបន្តថា លោកឲ្យតម្លៃខ្ពស់លើទំនាក់ទំនងចិន-អាមេរិក ហើយលោក នឹងរង់ចាំធ្វើការជាមួយលោក ត្រាំ ដើម្បីពង្រីកទំនាក់ទំនងលើគ្រប់វិស័យទាំងអស់ ទាំងកម្រិតទ្វេភាគី កម្រិតតំបន់ និងពិភពលោក។ លោកបញ្ជាក់ថា៖ «ទំនាក់ទំនងនេះ ពឹងផ្អែកលើគោលការណ៍មិនបង្កជម្លោះ មិនប្រឈមមុខ គោរពគ្នាទៅវិញទៅមក និងកិច្ចសហប្រតិបត្តិការឈ្នះ-ឈ្នះ។
នៅក្នុងសន្និសីទកាសែតប្រចាំថ្ងៃទី៩ ខែវិច្ឆិកា អ្នកនាំពាក្យក្រសួងការបរទេសចិន Lu Kang ក៏អះអាងដែរថា ក្រុងប៉េកាំងនឹងធ្វើការជាមួយរដ្ឋបាលថ្មីក្រុងវ៉ាស៊ីនតោន ក្រោយពេលលោក ដូណាល់ ត្រាំ ចូលកាន់តំណែងផ្លូវការនៅខែមករា ឆ្នាំ២០១៧។ អ្នកនាំពាក្យដដែលបន្តថា ចិន និងអាមេរិក នឹងពង្រឹងទំនាក់ទំនងទ្វេភាគី ដែលកំពុងរីកចម្រើនស្រាប់ ដើម្បីជាប្រយោជន៍ដល់ប្រជាជនប្រទេសទាំងពីរ និងពិភពលោកដែរ។
កាលពីអំឡុងពេលយុទ្ធនាការរកសំឡេងឆ្នោត លោក ដូណាល់ ត្រាំ ធ្លាប់ប្រកាសកំណត់ពន្ធនាំចូល៤៥ភាគរយលើទំនិញនាំចូលពីចិន ព្រមទាំងទាមទារឲ្យចិនផ្ដល់សម្បទានផ្នែកសេដ្ឋកិច្ចដល់អាមេរិកទៀតផង។ គោលនយោបាយបែបនេះ ធ្វើឲ្យគេបារម្ភថា ទំនាក់ទំនងអាមេរិក និងចិន អាចប្រឈមមុខស្ថានភាពមិនច្បាស់លាស់ ដ្បិតលោក ត្រាំ ហាក់មិនមាននិន្នាការស្របជាមួយចិនឡើយ។
អាមេរិក និងចិន ត្រូវបានចាត់ទុកជាតួអង្គសំខាន់ក្នុងកិច្ចការពិភពលោកបច្ចុប្បន្ននេះ។ ប៉ុន្តែមហាប្រទេសទាំងពីរ នៅបន្តខ្វែងគំនិតគ្នាលើបញ្ហាជាច្រើន ដែលជាការព្រួយបារម្ភរបស់ប្រទេសដទៃទៀត។ ហើយទំនាក់ទំនងរវាងអាមេរិក និងចិន ក៏ជាកូនសោរសម្រាប់សន្តិភាព ស្ថិរភាព និងការអភិវឌ្ឍពិភពលោកផងដែរ៕
បើទោះជាចិន និងអាមេរិក ជាគូប្រជែងលើឆាកអន្តរជាតិក៏ដោយ មេដឹកនាំកំពូលចិន ក៏បានបង្ហាញការសាទរចំពោះលោក ដូណាល់ ត្រាំ ដែលក្លាយជាប្រធានាធិបតីជាប់ឆ្នោតថ្មីរបស់មហាអំណាចទីមួយរបស់ពិភពលោក។ ប្រធានាធិបតីចិន ស៊ី ជិនពីង និយាយថា ចិន-អាមេរិក ត្រូវទទួលខុសត្រូវលើការថែរក្សាសន្តិភាព និងស្ថិរភាពពិភពលោក ព្រមទាំងការជំរុញការអភិវឌ្ឍសកលលោក ដ្បិតភាគីទាំងពីរ ក៏មានផលប្រយោជន៍រួមគ្នាដែរ។
យោងតាមសារព័ត៌មានចិន China Daily ក្នុងសារអបអរផ្ញើទៅឲ្យលោក ត្រាំ ប្រធានាធិបតីចិនបន្តថា លោកឲ្យតម្លៃខ្ពស់លើទំនាក់ទំនងចិន-អាមេរិក ហើយលោក នឹងរង់ចាំធ្វើការជាមួយលោក ត្រាំ ដើម្បីពង្រីកទំនាក់ទំនងលើគ្រប់វិស័យទាំងអស់ ទាំងកម្រិតទ្វេភាគី កម្រិតតំបន់ និងពិភពលោក។ លោកបញ្ជាក់ថា៖ «ទំនាក់ទំនងនេះ ពឹងផ្អែកលើគោលការណ៍មិនបង្កជម្លោះ មិនប្រឈមមុខ គោរពគ្នាទៅវិញទៅមក និងកិច្ចសហប្រតិបត្តិការឈ្នះ-ឈ្នះ។
នៅក្នុងសន្និសីទកាសែតប្រចាំថ្ងៃទី៩ ខែវិច្ឆិកា អ្នកនាំពាក្យក្រសួងការបរទេសចិន Lu Kang ក៏អះអាងដែរថា ក្រុងប៉េកាំងនឹងធ្វើការជាមួយរដ្ឋបាលថ្មីក្រុងវ៉ាស៊ីនតោន ក្រោយពេលលោក ដូណាល់ ត្រាំ ចូលកាន់តំណែងផ្លូវការនៅខែមករា ឆ្នាំ២០១៧។ អ្នកនាំពាក្យដដែលបន្តថា ចិន និងអាមេរិក នឹងពង្រឹងទំនាក់ទំនងទ្វេភាគី ដែលកំពុងរីកចម្រើនស្រាប់ ដើម្បីជាប្រយោជន៍ដល់ប្រជាជនប្រទេសទាំងពីរ និងពិភពលោកដែរ។
កាលពីអំឡុងពេលយុទ្ធនាការរកសំឡេងឆ្នោត លោក ដូណាល់ ត្រាំ ធ្លាប់ប្រកាសកំណត់ពន្ធនាំចូល៤៥ភាគរយលើទំនិញនាំចូលពីចិន ព្រមទាំងទាមទារឲ្យចិនផ្ដល់សម្បទានផ្នែកសេដ្ឋកិច្ចដល់អាមេរិកទៀតផង។ គោលនយោបាយបែបនេះ ធ្វើឲ្យគេបារម្ភថា ទំនាក់ទំនងអាមេរិក និងចិន អាចប្រឈមមុខស្ថានភាពមិនច្បាស់លាស់ ដ្បិតលោក ត្រាំ ហាក់មិនមាននិន្នាការស្របជាមួយចិនឡើយ។
អាមេរិក និងចិន ត្រូវបានចាត់ទុកជាតួអង្គសំខាន់ក្នុងកិច្ចការពិភពលោកបច្ចុប្បន្ននេះ។ ប៉ុន្តែមហាប្រទេសទាំងពីរ នៅបន្តខ្វែងគំនិតគ្នាលើបញ្ហាជាច្រើន ដែលជាការព្រួយបារម្ភរបស់ប្រទេសដទៃទៀត។ ហើយទំនាក់ទំនងរវាងអាមេរិក និងចិន ក៏ជាកូនសោរសម្រាប់សន្តិភាព ស្ថិរភាព និងការអភិវឌ្ឍពិភពលោកផងដែរ៕
Tag:
ចិន
អាមេរិក
© រក្សាសិទ្ធិដោយ thmeythmey.com
