ជាតិ
×![]()
ដោយ: ធឿន បញ្ញាឬទិ្ធ
ភ្នំពេញ៖ ពីពិធីបើកសម្ពោធផ្លូវជាតិលេខ៧៦ តភ្ជាប់រវាងខេត្តមណ្ឌលគិរី និងខេត្តរតនគិរី ព្រឹកនេះ សម្ដេចនាយករដ្ឋមន្ត្រី ហ៊ុន សែន បានបញ្ជាឲ្យសមត្ថកិច្ចចាប់ឡានធុនធ្ងន់ ដែលកែច្នៃតទ្រុងខុសទម្រង់ដើមនោះ យកមករក្សាទុក ឫកាត់ផ្នែកណាមួយនៃទ្រុងនោះចោល ដើម្បីបញ្ចៀសការបំផ្លាញផ្លូវ និងបង្កគ្រោះថ្នាក់ដល់អាយុជីវិតប្រជាពលរដ្ឋ។
លោកនាយករដ្ឋមន្ត្រី ហ៊ុន សែន បានបង្គាប់យ៉ាងដូច្នេះថា៖« បានផ្លូវហើយ កុំបំផ្លាញផ្លូវចោល តាមរយៈនៃការដឹកជញ្ជូនលើសទម្ងន់។ រឿងនេះមិនមែនជារឿងថ្មីទេ ប៉ុន្តែភ្លេចខ្លួនជំងឺចាស់វារើ រឿងដឹកលើសទម្ងន់ម្ខាងហើយ តែរឿងឡានតទ្រុង…ឥឡូវចាប់កាត់(ផ្នែកទ្រុង)តទៅទៀត មិនទាន់កាត់មិនឲ្យបើកលើផ្លូវ ។ វាមិនដែលឡានគេធ្វើស្ដង់ដាពីរោងចក្រមក១២ម៉ែត្រ តែយកទៅត១៥ម៉ែត្រវាខុសក្បួន វាគ្រោះថ្នាក់…។ ឥឡូវចាប់ឲ្យអស់ប្រមូលឡានទាំងនេះ កុំឲ្យមានលើផ្លូវ សហការជាមួយនគរបាល ដើម្បីប្រមូលឡាននេះហើយយកទៅកាត់។ បើមិនកាត់ទេ ទុកចោលតែម្ដង កុំទៅធ្វើខ្វល់។ មកបំផ្លាញផ្លូវយ៉ាងម៉េច»។
គួរបញ្ជាក់ថា នៅតាមដងផ្លូវមួយចំនួនដែលមានការស្ថាបនាហេដ្ឋារចនាសម្ព័នហើយនោះ តែងតែរងការខូចផ្លូវវិញ ដោយសារតែការបើកបរល្មើសដោយរថយន្តលើសទម្ងន់កំណត់ និងរថយន្តតទ្រុងជាដើម ដែលបង្កអសុវត្ថិភាពដល់ប្រជាពលរដ្ឋធ្វើដំណើរតាមផ្លូវផងដែរ៕
Tag:
ហ៊ុន សែន
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
14 ម៉ោង
