ជាតិ
×![]()
ដោយ: ថ្មីៗ
លោក ងួន ញ៉ិល អនុប្រធានទីពីររដ្ឋសភា តាមរយៈទំព័រហ្វេសប៊ុករបស់ខ្លួន (ឯកឧត្តមបណ្ឌិត ងួន ញ៉ិល - H.E Nguon Nhel) បានបកស្រាយទាក់ទងនឹងការបើកបររថយន្តបញ្ច្រាសទិសចរាចរណ៍កាលពីព្រឹកថ្ងៃទី២៣ ខែវិច្ឆិកា ឆ្នាំ២០១៦ ។ មូលហេតុ គឺដោយសារការកកស្ទះចរាចរណ៍៣កន្លែង ដែលធ្វើឲ្យលោកយឺតពេល១០នាទី ក្នុងដំណើរទៅជួបសម្តេច សាយ ឈុំ ដើម្បីរាយការណ៍ទាក់ទងនឹងមហាសន្និបាតសភាតំបន់អាស៊ី (APA) លើកទី៩។
«កាលពីថ្ងៃម្សិលមិញ ក្នុងគណនី Facebook របស់ក្មួយប្រុសឈ្មោះ Sovath Chhay-Andy បាន Post រថយន្តរបស់ខ្ញុំបើកបរបញ្ច្រាស់ទិសចរាចរណ៍ ។ ចំពោះបញ្ហានេះ ខ្ញុំបញ្ជាក់ជូនថា ខ្ញុំមានកិច្ចការ ចាំបាច់ក្នុងដំណើរទៅជួប សម្តេចវិបុលសេនាភក្តី សាយ ឈុំ ដើម្បីរាយការណ៍ជូន អំពីមហាសន្និបាត សភាតំបន់អាស៊ី (APA) លើកទី៩ វេលាម៉ោង ៨.០០ ព្រឹក នៅវិមានព្រឹទ្ធសភា» ។ នេះជាការសរសេររៀបរាប់ក្នុងទំព័រហ្វេសប៊ុក «ឯកឧត្តមបណ្ឌិត ងួន ញ៉ិល - H.E Nguon Nhel»។
លោក ងួន ញ៉ិល បានបញ្ជាក់ថា ដោយសារការកកស្ទះចរាចរណ៍ចំនួន ៣កន្លែង នៅកំណាត់ផ្លូវពីព្រែកប្រាទៅច្បារអំពៅ ១កន្លែង ១កន្លែងទៀតនៅគល់ស្ពាន ព្រះមុនីវង្សខាងកើត ក្នុងខណ្ឌច្បារអំពៅ និងមួយកន្លែងទៀតចាប់តាំងពីសណ្ឋាគារតាយម៉េង រហូតដល់ ភ្លើងស្តុបខាងជើងក្រសួងមហាផ្ទៃ នាំឲ្យលោកលើសម៉ោងកំណត់ ១០នាទី ដូច្នេះអង្គរក្សក្រសួងមហាផ្ទៃដែលការពារលោកនៅក្នុងឡាន ឈ្មោះ ចាន់ ប៊ុនធឿន បានអន្តរាគមន៍សម្រួលទៅ នគបាលចរាចរណ៍ខណ្ឌច្បារអំពៅ និងបន្តទាក់ទងទៅនគរបាលចរាចរណ៍ ដែលមានភារកិច្ចសម្រួលចរាចរណ៍នៅមុខក្រសួងមហាផ្ទៃ ទើបលោកបានចេញរួចពីកន្លែងកកស្ទះដោយសារនគរបាលចរាចរណ៍អន្តរាគមន៍ ។
អនុប្រធានរដ្ឋសភា បានអះអាងថា៖ «ក្នុងនាមខ្ញុំជាថ្នាក់ដឹកនាំជាន់ខ្ពស់នៅស្ថាប័នរដ្ឋសភា និងជាអ្នកពិភាក្សានិងអនុម័តច្បាប់នោះ ខ្ញុំមិនបំពានច្បាប់ចរាចរណ៍នេះទេ»។ អំណះអំណាងរបស់លោក គឺយោងតាម ច្បាប់ចរាចរណ៍ជើងគោក មាត្រា៦ អំពីបញ្ហាសិទ្ធអាទិភាពចំណុចទី៣ បានចែងថា «សញ្ញាបញ្ជារបស់ភ្នាក់ងារចរាចរណ៍មានសិទ្ធិអាទិភាពលើភ្លើងសញ្ញាចរាចរណ៍ គំនូសសញ្ញាចរាចរណ៍ នៅលើទ្រូងផ្លូវ ផ្លាកសញ្ញាចរាចរណ៍នៅតាមដងផ្លូវ និងបទប្បញ្ញត្តិចរាចរណ៍ទាំងឡាយ»៕
«កាលពីថ្ងៃម្សិលមិញ ក្នុងគណនី Facebook របស់ក្មួយប្រុសឈ្មោះ Sovath Chhay-Andy បាន Post រថយន្តរបស់ខ្ញុំបើកបរបញ្ច្រាស់ទិសចរាចរណ៍ ។ ចំពោះបញ្ហានេះ ខ្ញុំបញ្ជាក់ជូនថា ខ្ញុំមានកិច្ចការ ចាំបាច់ក្នុងដំណើរទៅជួប សម្តេចវិបុលសេនាភក្តី សាយ ឈុំ ដើម្បីរាយការណ៍ជូន អំពីមហាសន្និបាត សភាតំបន់អាស៊ី (APA) លើកទី៩ វេលាម៉ោង ៨.០០ ព្រឹក នៅវិមានព្រឹទ្ធសភា» ។ នេះជាការសរសេររៀបរាប់ក្នុងទំព័រហ្វេសប៊ុក «ឯកឧត្តមបណ្ឌិត ងួន ញ៉ិល - H.E Nguon Nhel»។
លោក ងួន ញ៉ិល បានបញ្ជាក់ថា ដោយសារការកកស្ទះចរាចរណ៍ចំនួន ៣កន្លែង នៅកំណាត់ផ្លូវពីព្រែកប្រាទៅច្បារអំពៅ ១កន្លែង ១កន្លែងទៀតនៅគល់ស្ពាន ព្រះមុនីវង្សខាងកើត ក្នុងខណ្ឌច្បារអំពៅ និងមួយកន្លែងទៀតចាប់តាំងពីសណ្ឋាគារតាយម៉េង រហូតដល់ ភ្លើងស្តុបខាងជើងក្រសួងមហាផ្ទៃ នាំឲ្យលោកលើសម៉ោងកំណត់ ១០នាទី ដូច្នេះអង្គរក្សក្រសួងមហាផ្ទៃដែលការពារលោកនៅក្នុងឡាន ឈ្មោះ ចាន់ ប៊ុនធឿន បានអន្តរាគមន៍សម្រួលទៅ នគបាលចរាចរណ៍ខណ្ឌច្បារអំពៅ និងបន្តទាក់ទងទៅនគរបាលចរាចរណ៍ ដែលមានភារកិច្ចសម្រួលចរាចរណ៍នៅមុខក្រសួងមហាផ្ទៃ ទើបលោកបានចេញរួចពីកន្លែងកកស្ទះដោយសារនគរបាលចរាចរណ៍អន្តរាគមន៍ ។
អនុប្រធានរដ្ឋសភា បានអះអាងថា៖ «ក្នុងនាមខ្ញុំជាថ្នាក់ដឹកនាំជាន់ខ្ពស់នៅស្ថាប័នរដ្ឋសភា និងជាអ្នកពិភាក្សានិងអនុម័តច្បាប់នោះ ខ្ញុំមិនបំពានច្បាប់ចរាចរណ៍នេះទេ»។ អំណះអំណាងរបស់លោក គឺយោងតាម ច្បាប់ចរាចរណ៍ជើងគោក មាត្រា៦ អំពីបញ្ហាសិទ្ធអាទិភាពចំណុចទី៣ បានចែងថា «សញ្ញាបញ្ជារបស់ភ្នាក់ងារចរាចរណ៍មានសិទ្ធិអាទិភាពលើភ្លើងសញ្ញាចរាចរណ៍ គំនូសសញ្ញាចរាចរណ៍ នៅលើទ្រូងផ្លូវ ផ្លាកសញ្ញាចរាចរណ៍នៅតាមដងផ្លូវ និងបទប្បញ្ញត្តិចរាចរណ៍ទាំងឡាយ»៕
© រក្សាសិទ្ធិដោយ thmeythmey.com
«គូលី»មានន័យច្បាស់លាស់ដូចម្តេច?
1 សប្តាហ៍
