ជាតិ
សម្ដេច ហ៊ុន សែន ស្នើឲ្យស្ដេចប្រដាល់ Pacquiao មកកម្ពុជាម្ដងទៀត ដើម្បីជួយរដ្ឋាភិបាលលើបញ្ហា២ចំណុច
×
ភ្នំពេញ៖ សម្ដេចនាយករដ្ឋមន្ត្រី ហ៊ុន សែន បានស្នើឲ្យស្ដេចប្រដាល់ពិភពលោក Manny Pacquiao ត្រឡប់មកកម្ពុជាវិញម្ដងទៀត ដើម្បីជួយរដ្ឋាភិបាលចំនួនពីរចំណុច ដោយផ្ដោតលើការផ្សព្វផ្សាយបញ្ឈប់ការប្រើប្រាស់គ្រឿងញៀន និងការគោរពច្បាប់ចរាចរណ៍។ រដ្ឋាភិបាលស្នើស្ដេចប្រដាល់ Pacquiao នេះ នៅចំពោះមុខប្រធានាធិបតីហ្វីលីពីន លោក Rodrigo Duterte នាជំនួបរវាងថ្នាក់ដឹកនាំទាំងពីរកាលពីថ្ងៃទី១៤ ធ្នូ។
ជាមួយគ្នានេះសម្ដេច ហ៊ុន សែន ក៏នៅតែរំឮកពីការប្រកួតរវាង Pacquiao និង Floyd Mayweather ដែរ ដោយសម្ដេចសរសើរពីថ្វៃដៃរបស់ស្ដេចប្រដាល់ Pacquiao ដែលបានវាយសង្គ្រប់យ៉ាងខ្លាំងទៅលើ Floyd កាលពីឆ្នាំ២០១៥កន្លងមកផងដែរ។ ប៉ុន្តែលទ្ធផលពេលនោះ គឺកីឡាករ Floyd ទទួលបានជ័យជម្នះទៅវិញ ។
សូមស្ដាប់ប្រសាសន៍សម្ដេច ហ៊ុន សែន ក្នុងពិធីសម្ពោធដាក់ឱ្យប្រើប្រាស់អគារថ្មីរបស់ក្រសួងប្រៃសណីយ៍ និងទូរគមនាគមន៍ នៅព្រឹកថ្ងៃទី១៥ ធ្នូនេះ៖
នៅក្នុងដំណើរទស្សនកិច្ចនៅកម្ពុជាពីរថ្ងៃ ស្ដេចប្រដាល់ពិភពលោក Manny Pacquiao បានសន្យាថាលោកនឹងត្រឡប់កម្ពុជាវិញម្ដងទៀត ដើម្បីមកបង្វឹកក្បាច់ប្រដាល់ដល់កីឡាករកម្ពុជាផងដែរ៕
© រក្សាសិទ្ធិដោយ thmeythmey.com