ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
កីឡាអន្តរជាតិ
ជាតិ
លោក ថោង ខុន ចាត់ទុក Ultra Trail ជាចលនាបំផុសកីឡាដ៏ល្អនិងស្របតាមគោលដៅទេសចរណ៍ថ្មី
22, Jan 2017 ,
3:39 pm
រូបភាព
×
ដោយ:
ថ្មីៗ
ព្រឹត្តិការណ៍រត់ចម្ងាយឆ្ងាយ Ultra Trail Angkor លើកទី២នៅតំបន់អង្គរខេត្តសៀមរាមដែលទទួលបានអត្តពលិកប្រមាណជា៥០០នាក់មកពី៣៧ប្រទេសចូលរួម បានបញ្ចប់ជាស្ថាពរកាលពីថ្ងៃទី២១ ខែមករា។ ព្រឹត្តិការណ៍នេះទទួលបានការកោតសរសើរ និងវាយតម្លៃខ្ពស់ពីថ្នាក់ដឹកនាំក្រសួងទេសចរណ៍។ លើសពីនេះត្រូវបានចាត់ទុកជាចលនាបំផុសកីឡាទៅកាន់ពិភពលោកដ៏សំខាន់ និងស្របតាមយុទ្ធសាស្ត្រថ្មីរបស់ទេសចរណ៍។
ក្នុងថ្ងៃបិទការប្រកួតព្រឹត្តិការណ៍រត់ប្រណាំង Ultra Trail Angkor លើកទី២កាលពីថ្ងៃទី២១ ខែមករា លោករដ្ឋមន្ត្រីក្រសួងទេសចរណ៍ ថោង ខុន បន្ទាប់ពីកោតសរសើរ និងវាយតម្លៃខ្ពស់ថាបានដំណើរការល្អ និងទទួលបានការទាក់ទាញពីភ្ញៀវទេសចរណ៍។ លោកបានចាត់ទុកព្រឹត្តិការណ៍នេះជាចលនាបំផុសកីឡា និងវិស័យទេសចរណ៍របស់កម្ពុជាទៅកាន់ពិភពលោកមួយដ៏សំខាន់ ជាពិសេសស្របតាមគោលដៅទេសចរណ៍ថ្មីរបស់ពិភពលោក។
គោលដៅទេសចរណ៍ថ្មីមួយចំនួនដែលពិភពលោកបានដាក់ចេញកាលពីពេលថ្មីៗរួមមាន ទេសចរណ៍យុវជន, ទេសចរណ៍គ្រួសារ, ទេសចរណ៍ស្ត្រី និងទេសចរណ៍ដើរម្នាក់ឯងជាដើម។ ត្រង់ចំណុចនេះ លោក ថោង ខុន បានជំរុញថ្នាក់ដឹកនាំកីឡា ក៏ដូចជាខាងទេសចរណ៍ធ្វើយ៉ាងណារៀបចំព្រឹត្តិការណ៍ ដើម្បីទាក់ទាញក្រុមទេសចរណ៍នេះ ព្រោះព្រឹត្តិការណ៍កីឡាជាផលិតទេសចរណ៍មួយដ៏សំខាន់ក្នុងចំណោមទេចរណ៍វប្បធម៌។
មិនត្រឹមតែប៉ុណ្ណោះ ព្រឹត្តិការណ៍បែបទេសចរណ៍ និងមនុស្សធម៌នេះ អាចជួយទាក់ទាញភ្ញៀវទេសចរណ៍ជាតិ និងអន្តរជាតិឲ្យមកទស្សនា ក៏ដូចជាស្គាល់ពីតំបន់ទេសចរណ៍បែបវប្បធម៌របស់កម្ពុជាឲ្យកាន់ច្រើនទៀតផង។ លើសពីនេះ ថែមទាំងជួយដល់វិស័យសេដ្ឋកិច្ចកម្ពុជាតាមរយៈការជួយបង្កើនប្រាក់ចំណូលរបស់ប្រជាពលរដ្ឋនៅតំបន់នោះផងដែរ។ ដោយចំណូលទាំងនោះបានមកពីការចំណាយរបស់អត្តពលិក និងអ្នកលើកទឹកចិត្តរបស់ពួកគេ។
«ក្នុងចលនាកីឡាអ្នកដែលចូលរួមប្រកួតនិងអ្នកទស្សនាមួយចំនួនយើងហៅថា Solo Traveler គឺទេសចរណ៍ដើរម្នាក់ឯងដែលនេះជាចលនាទេចណ៍ថ្មី។ កាលពីពេលថ្មីៗនៅលើពិភពលោកគេដាក់ចេញចលនាទេសចរណ៍ចំនួន៦ដូច្នេះយើងធ្វើយ៉ាងណារៀបចំព្រឹត្តិការណ៍ឲ្យឆ្លើយតបទៅនឹងទេសចរណ៍ទាំងនេះ។ ទី១ គឺយុវជននិងយុវវ័យ, ទី២ទេសចរណ៍គ្រួសារ, ទី៣គឺទេសចរណ៍ក្រុមស្រី្ត និងទី៤ Solo Traveler ជាចលនាថ្មីដែលគេទើបបំផុស»។ នេះជាប្រសាសន៍របស់លោក ថោង ខុន រដ្ឋមន្ត្រីក្រសួងទេសចរណ៍។
លោកប្រធានគណៈកម្មាធិការជាតិអូឡាំពិករូបនេះបានបន្តទៀតថា៖«កីឡាទេសចរណ៍ដូចនឹងទេសចរណ៍អ៊ីចឹង គឺកីឡានាំមកនូវការយោគយល់គ្នា, សុខដមរម្យនា, មិត្តភាព និងសាមគ្គីភាពព្រោះព្រឹត្តិការណ៍កីឡាទេចរណ៍មានអ្នកចូលរួមមកពីគ្រប់ទិសទីទូទាំងពិភពលោក។ គេអាចកសាងពិភពលោកមួយដ៏ល្អតាមរយៈវិស័យកីឡា បើនិយាយពីសេដ្ឋកិច្ចមកចូលរួមគឺត្រូវចំណាយ ដូចជាការស្នាក់នៅ ហូបចុក ហើយអ្នកមកចូលរួមមិនមែនមកម្នាក់ឯងនោះទេ គឺមានអ្នកគាំទ្រ ឬជាគ្រួសារៗ។ ដូច្នេះព្រឹត្តិការណ៍កីឡាទេសចរណ៍គេហៅថាព្រឹត្តិការណ៍ទេសចរណ៍ដែលផ្តល់ប្រាក់ចំណេញច្រើនដល់វិស័យសេដ្ឋកិច្ច»៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ថោង ខុន
Ultra Trail Angkor
© រក្សាសិទ្ធិដោយ thmeythmey.com
អត្ថបទពេញនិយម
សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម
6 ថ្ងៃ
«ប្រទានកម្ម»មានន័យដូចម្តេច?
10 ម៉ោង
«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!
1 សប្តាហ៍
តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?
1 ថ្ងៃ
«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?
2 ថ្ងៃ
អត្ថបទពេញនិយមបន្ថែម