អន្តរជាតិ
×![]()
ដោយ: តន ចាន់រិទ្ធារ៉ា
ប្រធានាធិបតី ដូណាល់ ត្រាំ បាននិយាយទូរសព្ទជាមួយនាយករដ្ឋមន្ត្រីអូស្ត្រាលី Malcolm Turnbull កាលពីថ្ងៃទី៣១ ខែមករា ជាការពិភាក្សាដែលគេរំពឹងថា នឹងជួយដោះស្រាយបញ្ហាជនភៀសខ្លួន។ យ៉ាងណាមិញ ការពិភាក្សាតាមទូរសព្ទនេះ មិនបានសម្រេចអ្វីឡើយ ដោយលោកប្រធានាធិបតី ត្រាំ និងនាយករដ្ឋមន្ត្រីអូស្ត្រាលី បែរជាទាស់សម្ដីគ្នាដោយសារបញ្ហាជនភៀសខ្លួននេះទៅវិញ ដែលរឿងនេះធ្វើឲ្យគេបារម្ភថា ទំនាក់ទំនងសម្ព័ន្ធមិត្តទាំងពីរនេះ ឈានដល់ផ្លូវរង្គោះរង្គើហើយ។
ប្រធានាធិបតីអាមេរិក ដូណាល់ ត្រាំ បានហៅការនិយាយទូរសព្ទជាមួយនាយករដ្ឋមន្ត្រីអូស្ត្រាលី Malcolm Turnbull ជា «ការនិយាយទូរសព្ទអាក្រក់បំផុត» ក្នុងចំណោមការនិយាយទូរសព្ទជាមួយមេដឹកនាំពិភពលោកផ្សេងទៀត។ លោកប្រធានាធិបតី ត្រាំ និងលោកនាយករដ្ឋមន្ត្រី Turnbull បាននិយាយប៉ះពាល់សម្ដីគ្នាខ្លះអំឡុងពេលការពិភាក្សាតាមទូរសព្ទកាលពីចុងសប្ដាហ៍មុន។ បញ្ហាដែលមិនត្រូវគ្នានោះ គឺគ្មានអ្វីក្រៅពីបញ្ហាជនភៀសខ្លួនឡើយ។
យោងតាមសារព័ត៌មាន The Washington Post ក្នុងកិច្ចសន្ទនារយៈពេល២៥នាទី ប្រធានាធិបតីអាមេរិករូបនេះ ចាត់ទុកកិច្ចព្រមព្រៀងទទួលយកជនភៀសខ្លួនពីអូស្ត្រាលីមកកាន់អាមេរិកដែលសម្រេចដោយអតីតប្រធានាធិបតី បារ៉ាក់ អូបាម៉ា ជាកិច្ចព្រមព្រៀងអាក្រក់បំផុត។ លោក ក៏បានចោទប្រកាន់នាយករដ្ឋមន្ត្រីអូស្ត្រាលី Turnbull ថា ចង់នាំចូលអ្នកបំផ្ទុះគ្រាប់បែកមកកាន់ទឹកដីអាមេរិកទៀតផង ហើយលោកក៏មិនចង់ឃើញជនភៀសខ្លួនទាំងនោះដែរ។
ប្រធានាធិបតី ត្រាំ បាននិយាយដូចនេះ ខណៈដែលនាយករដ្ឋមន្ត្រី Turnbull បានលើកឡើងពីកិច្ចព្រមព្រៀងមួយដែលសំដៅបញ្ជូនជនភៀសខ្លួនចំនួន១២៥០នាក់ទៅកាន់អាមេរិក។ យ៉ាងណាក្ដី លោក Turnbull ក៏បានបញ្ជាក់ដែរថា ប្រធានាធិបតីអាមេរិក មិនបានផ្លាស់ប្ដូរជំហរក្នុងការអនុវត្តកិច្ចព្រមព្រៀងនេះឡើយ ចំណែកមន្ត្រីរដ្ឋបាលលោក ត្រាំ ក៏ដូចជាស្ថានទូតអាមេរិកប្រចាំអូស្ត្រាលី ក៏បានបង្ហាញជំហរដូចគ្នាដែរ។
ទាក់ទងនឹងការនិយាយទូរសព្ទវិញ បើទោះជាមានការទើសទាល់សម្ដីខ្លះ នាយករដ្ឋមន្ត្រីអូស្ត្រាលីនៅតែអះអាងថា ជាការសន្ទនាដែលស្មោះត្រង់ មិនលាក់លៀម និងធ្វើជាលក្ខណៈឯកជន។ ប្រភពព័ត៌មានខាងលើបន្តថា បន្ទាប់ពីនិយាយគ្នារឿងជនភៀសខ្លួនរួចរាល់ លោក Turnbull ចង់ប្ដូរប្រធានបទទៅពិភាក្សារឿងជម្លោះស៊ីរី និងបញ្ហាអន្តរជាតិដទៃទៀត ប៉ុន្តែលោក ត្រាំ មិនព្រម រួចក៏បិទទូរសព្ទតែម្ដងទៅ។
អាចនិយាយបានថា នេះជារឿងកម្រមានដែលមានមេដឹកនាំអាមេរិក និងអូស្ត្រាលីទាស់សម្ដីគ្នាខ្លាំង។ នរណាក៏ដឹងដែរថា អូស្ត្រាលីជាសម្ព័ន្ធមិត្តជិតស្និទ្ធបំផុតរបស់អាមេរិកនៅតំបន់អាស៊ី និងបានជួយអាមេរិកជាច្រើនក្នុងពេលកន្លងមក។ ប៉ុន្តែប្រធានាធិបតី ដូណាល់ ត្រាំ ហាក់បែរខ្នងដាក់សម្ព័ន្ធមិត្តចាស់វស្សារបស់ខ្លួន និងងាកទៅពង្រឹងមិត្តភាពជាមួយគូប្រជែងរបស់ខ្លួនទៅវិញ។ ប្រធានាធិបតីរូបនេះនិយាយថា គោលនយោបាយរបស់លោក គឺ «អាមេរិកជាអាទិភាព»៕
ប្រធានាធិបតីអាមេរិក ដូណាល់ ត្រាំ បានហៅការនិយាយទូរសព្ទជាមួយនាយករដ្ឋមន្ត្រីអូស្ត្រាលី Malcolm Turnbull ជា «ការនិយាយទូរសព្ទអាក្រក់បំផុត» ក្នុងចំណោមការនិយាយទូរសព្ទជាមួយមេដឹកនាំពិភពលោកផ្សេងទៀត។ លោកប្រធានាធិបតី ត្រាំ និងលោកនាយករដ្ឋមន្ត្រី Turnbull បាននិយាយប៉ះពាល់សម្ដីគ្នាខ្លះអំឡុងពេលការពិភាក្សាតាមទូរសព្ទកាលពីចុងសប្ដាហ៍មុន។ បញ្ហាដែលមិនត្រូវគ្នានោះ គឺគ្មានអ្វីក្រៅពីបញ្ហាជនភៀសខ្លួនឡើយ។
យោងតាមសារព័ត៌មាន The Washington Post ក្នុងកិច្ចសន្ទនារយៈពេល២៥នាទី ប្រធានាធិបតីអាមេរិករូបនេះ ចាត់ទុកកិច្ចព្រមព្រៀងទទួលយកជនភៀសខ្លួនពីអូស្ត្រាលីមកកាន់អាមេរិកដែលសម្រេចដោយអតីតប្រធានាធិបតី បារ៉ាក់ អូបាម៉ា ជាកិច្ចព្រមព្រៀងអាក្រក់បំផុត។ លោក ក៏បានចោទប្រកាន់នាយករដ្ឋមន្ត្រីអូស្ត្រាលី Turnbull ថា ចង់នាំចូលអ្នកបំផ្ទុះគ្រាប់បែកមកកាន់ទឹកដីអាមេរិកទៀតផង ហើយលោកក៏មិនចង់ឃើញជនភៀសខ្លួនទាំងនោះដែរ។
ប្រធានាធិបតី ត្រាំ បាននិយាយដូចនេះ ខណៈដែលនាយករដ្ឋមន្ត្រី Turnbull បានលើកឡើងពីកិច្ចព្រមព្រៀងមួយដែលសំដៅបញ្ជូនជនភៀសខ្លួនចំនួន១២៥០នាក់ទៅកាន់អាមេរិក។ យ៉ាងណាក្ដី លោក Turnbull ក៏បានបញ្ជាក់ដែរថា ប្រធានាធិបតីអាមេរិក មិនបានផ្លាស់ប្ដូរជំហរក្នុងការអនុវត្តកិច្ចព្រមព្រៀងនេះឡើយ ចំណែកមន្ត្រីរដ្ឋបាលលោក ត្រាំ ក៏ដូចជាស្ថានទូតអាមេរិកប្រចាំអូស្ត្រាលី ក៏បានបង្ហាញជំហរដូចគ្នាដែរ។
ទាក់ទងនឹងការនិយាយទូរសព្ទវិញ បើទោះជាមានការទើសទាល់សម្ដីខ្លះ នាយករដ្ឋមន្ត្រីអូស្ត្រាលីនៅតែអះអាងថា ជាការសន្ទនាដែលស្មោះត្រង់ មិនលាក់លៀម និងធ្វើជាលក្ខណៈឯកជន។ ប្រភពព័ត៌មានខាងលើបន្តថា បន្ទាប់ពីនិយាយគ្នារឿងជនភៀសខ្លួនរួចរាល់ លោក Turnbull ចង់ប្ដូរប្រធានបទទៅពិភាក្សារឿងជម្លោះស៊ីរី និងបញ្ហាអន្តរជាតិដទៃទៀត ប៉ុន្តែលោក ត្រាំ មិនព្រម រួចក៏បិទទូរសព្ទតែម្ដងទៅ។
អាចនិយាយបានថា នេះជារឿងកម្រមានដែលមានមេដឹកនាំអាមេរិក និងអូស្ត្រាលីទាស់សម្ដីគ្នាខ្លាំង។ នរណាក៏ដឹងដែរថា អូស្ត្រាលីជាសម្ព័ន្ធមិត្តជិតស្និទ្ធបំផុតរបស់អាមេរិកនៅតំបន់អាស៊ី និងបានជួយអាមេរិកជាច្រើនក្នុងពេលកន្លងមក។ ប៉ុន្តែប្រធានាធិបតី ដូណាល់ ត្រាំ ហាក់បែរខ្នងដាក់សម្ព័ន្ធមិត្តចាស់វស្សារបស់ខ្លួន និងងាកទៅពង្រឹងមិត្តភាពជាមួយគូប្រជែងរបស់ខ្លួនទៅវិញ។ ប្រធានាធិបតីរូបនេះនិយាយថា គោលនយោបាយរបស់លោក គឺ «អាមេរិកជាអាទិភាព»៕
Tag:
ដូណាល់ ត្រាំ
Malcolm Turnbull
អូស្ត្រាលី
ជនភៀសខ្លួន
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
