ពីនេះ ពីនោះ
ព័ត៍មានសុខភាព
ចម្ងល់មិត្តអ្នកអាន៖ ធ្វើការជាប់រហូតដល់ភ្លេចគេង អាចនឹងមានអ្វីកើតឡើងទៅ?
× តើអ្នកមានដឹងទេថា គួរគេងប៉ុន្មានម៉ោងទៅទើបហៅថាគ្រប់គ្រាន់ និងល្អចំពោះសុខភាព? ការគេងលក់ស្កប់ស្កល់ដ៏ល្អមួយនៅពេលយប់ដើរតួនាទីដ៏សំខាន់សម្រាប់ប្រព័ន្ធការពាររាងកាយមនុស្សយើង។ យ៉ាងណាមិញ បើសិនជាអ្នកធ្វើការជាប់ដោយមិនបានគេងនោះ រាងកាយពិតជាពិបាកធ្វើការ ហើយនឿយហត់ខ្លាំងមិនខាន។ តាមការសិក្សាបានរកឃើញថា មនុស្សម្នាក់ដែលធ្វើការជាប់រយៈពេល ៤៨ម៉ោងដោយមិនបានគេងសោះ ធ្វើឲ្យកោសិកាគ្រាប់ឈាមសពួកគេថយចុះ ហើយវាក៏ជាការដំណាងឲ្យប្រព័ន្ធភាពស៊ាំចុះខ្សោយផងដែរ។ សំណាងដែរ ករណីបែបនេះវានឹងដោះស្រាយមកល្អវិញនៅពេល អ្នកគេងបានគ្រប់គ្រាន់ឡើងវិញ។
ដូច្នេះចូរព្យាយាមធ្វើយ៉ាងណាឲ្យរាងកាយគេងបានគ្រប់គ្រាន់ជាទៀងទាត់។ ចូរបង្កើតទម្លាប់នៃការគេងពេលយប់ជាមួយនឹងការចាក់តន្ត្រី និងការញ៉ាំទឹកដោះគោក្តៅឧណ្ហៗបន្ធូរអារម្មណ៍ជាដើម។ អ្នកក៏អាចប្រើវិធីគេងក្នុងបន្ទប់ដែលងងឹតរាល់យប់បានដែរ។ ជាទូទៅ ចូរកំណត់ពេលវេលាគេងយ៉ាងហោចណាស់ឲ្យបាន ៧ ទៅ៩ម៉ោង ជារៀងរាល់យប់។ បើសិនជាអ្នកគេងមិនបានគ្រប់ អ្នកនឹងស្ត្រេសច្រើន មិនអាចធ្វើការងារបាន ងងុយគេងពេលថ្ងៃ និងបំពេញការងារមិនបានគ្រប់គ្រាន់៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com