ជាតិ
×![]()
ភ្នំពេញ៖ អតីតអភិបាលក្រុងបាវិត លោក ឈូក បណ្ឌិត ដែលបាញ់កម្មកររោងចក្រចំនួន៣នាក់ កាលពីឆ្នាំ២០១២នោះ ត្រូវបានដោះលែងចេញពីពន្ធនាគារវិញហើយ ក្រោយពីអនុវត្តទោសតាមអំណាចសាលក្រមតុលាការ អស់រយៈពេល១៨ខែ។
អ្នកនាំពាក្យអគ្គនាយកដ្ឋានពន្ធនាគារនៃក្រសួងមហាផ្ទៃលោក នុត សាវនា បាននិយាយថា ការដោះលែងលោក ឈូក បណ្ឌិត ឲ្យមានសេរីភាពវិញនេះ គឺមិនមែនជាការលើកលែងទោសមុនការកំណត់នោះទេ ពោលគឺលោក ឈូក បណ្ឌិត បានអនុវត្តទោសត្រឹមត្រូវតាមការកំណត់។ ថ្លែងប្រាប់សារព័ត៌មានថ្មីៗ លោក នុត សាវនា បានបញ្ជាក់ដូច្នេះថា៖«បើតាមខ្ញុំដឹង គាត់(ឈូក បណ្ឌិត) បានផុតទោសហើយ ។ ហើយយើងក៏មិនបានដោះលែងគាត់មុនការកំណត់ដែរ»។
លោក ឈូក បណ្ឌិត ត្រូវបានតុលាការសម្រេចឲ្យជាប់ពន្ធនាគារចំនួន ១ឆ្នាំកន្លះ និងបង់ប្រាក់សងជំងឺចិត្តចំនួន ៣៨លានរៀល ដល់ជនរងគ្រោះទាំង៣នាក់នោះ កាលពីថ្ងៃទី២៥ ខែមិថុនា ឆ្នាំ២០១៣ ។ ប៉ុន្តែក្រោយពីរត់គេចខ្លួនអស់រយៈពេលជាង ៣ឆ្នាំ លោក ឈូក បណ្ឌិត សម្រេចដើរចូលស្នងការដ្ឋាននគរបាលរាជធានីភ្នំពេញ ដើម្បីសារភាពដោយស្មគ្រចិត្ត កាលពីថ្ងៃទី៨ ខែសីហា ឆ្នាំ២០១៥ ។ ការចូលខ្លួនមកសារភាពរបស់លោក ឈូក បណ្ឌិត នៅគ្រានោះ បន្ទាប់ពីសម្ដេចនាយករដ្ឋមន្ត្រី ហ៊ុន សែន និងរដ្ឋមន្ត្រីក្រសួងមហាផ្ទៃ សម្ដេច ស ខេង ប្រកាសឲ្យតាមចាប់ខ្លួន ។
សូមរំឭកថា លោក ឈូក បណ្ឌិត អតីតអភិបាលក្រុងបាវិត បានបាញ់កម្មការិនីរោងចក្រកៅរ៉េ ក្នុងតំបន់សេដ្ឋកិច្ចពិសេសនៅខេត្តស្វាយរៀង ចំនួន៣នាក់ឲ្យរងរបួសធ្ងន់ធ្ងរ កាលពីថ្ងៃទី២០ កុម្ភៈឆ្នាំ២០១២ នៅគ្រាដែលកម្មករទាំងនោះ បានចូលរួមធ្វើកូដកម្មទាមទារអត្ថប្រយោជន៍ពីថៅកែរោងចក្រ។ កម្មការិនីទាំង៣នាក់នោះគឺ កញ្ញា នុត សាខន កញ្ញា កែវ នា និងកញ្ញា ប៊ុន ចិន្តា៕
អ្នកនាំពាក្យអគ្គនាយកដ្ឋានពន្ធនាគារនៃក្រសួងមហាផ្ទៃលោក នុត សាវនា បាននិយាយថា ការដោះលែងលោក ឈូក បណ្ឌិត ឲ្យមានសេរីភាពវិញនេះ គឺមិនមែនជាការលើកលែងទោសមុនការកំណត់នោះទេ ពោលគឺលោក ឈូក បណ្ឌិត បានអនុវត្តទោសត្រឹមត្រូវតាមការកំណត់។ ថ្លែងប្រាប់សារព័ត៌មានថ្មីៗ លោក នុត សាវនា បានបញ្ជាក់ដូច្នេះថា៖«បើតាមខ្ញុំដឹង គាត់(ឈូក បណ្ឌិត) បានផុតទោសហើយ ។ ហើយយើងក៏មិនបានដោះលែងគាត់មុនការកំណត់ដែរ»។
លោក ឈូក បណ្ឌិត ត្រូវបានតុលាការសម្រេចឲ្យជាប់ពន្ធនាគារចំនួន ១ឆ្នាំកន្លះ និងបង់ប្រាក់សងជំងឺចិត្តចំនួន ៣៨លានរៀល ដល់ជនរងគ្រោះទាំង៣នាក់នោះ កាលពីថ្ងៃទី២៥ ខែមិថុនា ឆ្នាំ២០១៣ ។ ប៉ុន្តែក្រោយពីរត់គេចខ្លួនអស់រយៈពេលជាង ៣ឆ្នាំ លោក ឈូក បណ្ឌិត សម្រេចដើរចូលស្នងការដ្ឋាននគរបាលរាជធានីភ្នំពេញ ដើម្បីសារភាពដោយស្មគ្រចិត្ត កាលពីថ្ងៃទី៨ ខែសីហា ឆ្នាំ២០១៥ ។ ការចូលខ្លួនមកសារភាពរបស់លោក ឈូក បណ្ឌិត នៅគ្រានោះ បន្ទាប់ពីសម្ដេចនាយករដ្ឋមន្ត្រី ហ៊ុន សែន និងរដ្ឋមន្ត្រីក្រសួងមហាផ្ទៃ សម្ដេច ស ខេង ប្រកាសឲ្យតាមចាប់ខ្លួន ។
សូមរំឭកថា លោក ឈូក បណ្ឌិត អតីតអភិបាលក្រុងបាវិត បានបាញ់កម្មការិនីរោងចក្រកៅរ៉េ ក្នុងតំបន់សេដ្ឋកិច្ចពិសេសនៅខេត្តស្វាយរៀង ចំនួន៣នាក់ឲ្យរងរបួសធ្ងន់ធ្ងរ កាលពីថ្ងៃទី២០ កុម្ភៈឆ្នាំ២០១២ នៅគ្រាដែលកម្មករទាំងនោះ បានចូលរួមធ្វើកូដកម្មទាមទារអត្ថប្រយោជន៍ពីថៅកែរោងចក្រ។ កម្មការិនីទាំង៣នាក់នោះគឺ កញ្ញា នុត សាខន កញ្ញា កែវ នា និងកញ្ញា ប៊ុន ចិន្តា៕
Tag:
ឈូក បណ្ឌិត
© រក្សាសិទ្ធិដោយ thmeythmey.com
