អន្តរជាតិ
Brexit៖ សភាអង់គ្លេស អនុម័តច្បាប់បើកផ្លូវដល់ការចរចាចាកចេញជាមួយសហភាពអឺរ៉ុប
×![]()
ដោយ: តន ចាន់រិទ្ធារ៉ា
សភាចក្រភពអង់គ្លេស បោះឆ្នោតដោយសំឡេងគាំទ្រលើសលប់លើសេចក្ដីព្រាងច្បាប់មួយសំដៅផ្ដល់អំណាចឲ្យរដ្ឋាភិបាលចាប់ផ្ដើមដំណើរការចាកចេញពីសហភាពអឺរ៉ុប។ ក្នុងកិច្ចប្រជុំថ្ងៃទី៨ ខែកុម្ភៈ សមាជិកសភាមកពីស្កុតឡែន និងសមាជិកសភាខ្លះរបស់បក្សពលករ បានបោះឆ្នោតប្រឆាំង តែមិនអាចយកឈ្នះសំឡេងភាគច្រើននៃបក្សអភិរក្សរបស់នាយករដ្ឋមន្ត្រី Theresa May ឡើយ។ បន្ទាប់ពីនេះ សេចក្ដីព្រាងច្បាប់នេះនឹងបញ្ជូនបន្តទៅសភាជាន់ខ្ពស់ មុនចេញឲ្យអនុវត្តផ្លូវការ។
សមាជិកសភាចក្រភពអង់គ្លេសចំនួន៤៩៤នាក់ បានបោះឆ្នោតយល់ព្រមលើសេចក្ដីព្រាងច្បាប់ស្ដីពីការជូនដំណឹងនៃការចាកចេញពីសហភាពអឺរ៉ុប ដែលនឹងផ្ដល់សិទ្ធិឲ្យនាយករដ្ឋមន្ត្រី Theresa May ចាប់ផ្ដើមដំណើរការចរចាជាមួយសហភាពអឺរ៉ុប។ សមាជិកសភាចំនួន១២២នាក់ ដែលភាគច្រើនជាអ្នកគាំទ្រការបន្តជាសមាជិកអឺរ៉ុបមកពីស្កុតឡែន និងសមាជិកបក្សពលករ បានជំទាស់សេចក្ដីព្រាងច្បាប់នេះ។
ជំហានបន្ទាប់នោះ សេចក្ដីព្រាងច្បាប់ដែលមានត្រឹមពីរមាត្រានេះ នឹងបញ្ជូនទៅជជែកដេញដោលនៅសភាជាន់ខ្ពស់ ជាទីដែលគណបក្សអភិរក្សរបស់នាយករដ្ឋមន្ត្រី May មិនមានសំឡេងភាគច្រើន។ បើទោះជាកាលបរិច្ឆេទការចរចាមិនបានចែងក្នុងសេចក្ដីព្រាងច្បាប់នេះ លោកស្រី May ក៏បញ្ជាក់រួចហើយថា លោកស្រី នឹងចាប់ផ្ដើមអនុវត្តតាមមាត្រា៥០ សន្ធិសញ្ញា Lisbon នៅដំណាច់ខែមីនា ដើម្បីចរចាការលែងលះជាមួយសហភាពអឺរ៉ុប ដែលអាចប្រើពេល២ឆ្នាំ។
បើតាមសារព័ត៌មាន BBC មុននឹងចាប់ផ្ដើមការចរចានេះ លោកស្រីនាយករដ្ឋមន្ត្រី May ក៏ត្រូវសុំការយល់ព្រមពីសភាជាមុនសិនដែរ ដ្បិតតុលាការកំពូលអង់គ្លេសសម្រេចហើយថា សភាជាអ្នកសម្រេចចុងក្រោយលើរឿងចាកចេញពីប្លុកអង្គការ២៨ប្រទេសនេះ។ ក្រោយការបោះឆ្នោតនេះ រដ្ឋមន្ត្រីទទួលបន្ទុកការចរចាចាកចេញ David Davis បានហៅការបោះឆ្នោតលើកនេះជារឿងប្រវត្តិសាស្ត្រ និងជាពេលដែលគ្រប់គ្នារួមគ្នាដើម្បីជោគជ័យប្រទេសជាតិ។
អំឡុងពេលជជែកដេញដោល សមាជិកសភាបក្សពលករ និងបក្សជាតិនិយមស្កុតឡែន បានស្នើឲ្យមានការកែប្រែសេចក្ដីព្រាងច្បាប់នេះ។ ពួកគេទទូចឲ្យបញ្ចូលចំណុចជាច្រើនទៅក្នុងសេចក្ដីព្រាងច្បាប់រួមមានការធានាពីការប្រើប្រាស់ទីផ្សាររួមរបស់អឺរ៉ុបពេលចាកចេញ សិទ្ធិកម្មករ ក៏ដូចជាសិទ្ធិរបស់ប្រជាជនរដ្ឋសមាជិកសហភាពអឺរ៉ុបរស់នៅទឹកដីអង់គ្លេសជាដើម។
អ្វីដែលគួរកត់សម្គាល់នោះ ប្រធានបក្សពលករ Jeremy Corbyn ដែលគាំទ្រការចាកចេញ បានគំរាមដាក់ពិន័យសមាជិកសភាដែលហ៊ានបោះឆ្នោតប្រឆាំងសេចក្ដីព្រាងច្បាប់នេះ។ ប៉ុន្តែបើទោះជាមានការគំរាមក្ដីពីសំណាក់ប្រធានបក្សក្ដី សមាជិកសភាបក្សនេះចំនួន៥២នាក់ បានបោះឆ្នោតប្រឆាំង ខណៈដែលសមាជិក២ភាគ៣ បានធ្វើតាមការទាមទាររបស់លោក Corbyn ។ ដោយសារមិនពេញចិត្តរឿងនេះ រដ្ឋមន្ត្រីពាណិជ្ជកម្មស្រមោល Clive Lewis ក៏បានលាលែងពីតំណែងតែម្ដង៕
សមាជិកសភាចក្រភពអង់គ្លេសចំនួន៤៩៤នាក់ បានបោះឆ្នោតយល់ព្រមលើសេចក្ដីព្រាងច្បាប់ស្ដីពីការជូនដំណឹងនៃការចាកចេញពីសហភាពអឺរ៉ុប ដែលនឹងផ្ដល់សិទ្ធិឲ្យនាយករដ្ឋមន្ត្រី Theresa May ចាប់ផ្ដើមដំណើរការចរចាជាមួយសហភាពអឺរ៉ុប។ សមាជិកសភាចំនួន១២២នាក់ ដែលភាគច្រើនជាអ្នកគាំទ្រការបន្តជាសមាជិកអឺរ៉ុបមកពីស្កុតឡែន និងសមាជិកបក្សពលករ បានជំទាស់សេចក្ដីព្រាងច្បាប់នេះ។
ជំហានបន្ទាប់នោះ សេចក្ដីព្រាងច្បាប់ដែលមានត្រឹមពីរមាត្រានេះ នឹងបញ្ជូនទៅជជែកដេញដោលនៅសភាជាន់ខ្ពស់ ជាទីដែលគណបក្សអភិរក្សរបស់នាយករដ្ឋមន្ត្រី May មិនមានសំឡេងភាគច្រើន។ បើទោះជាកាលបរិច្ឆេទការចរចាមិនបានចែងក្នុងសេចក្ដីព្រាងច្បាប់នេះ លោកស្រី May ក៏បញ្ជាក់រួចហើយថា លោកស្រី នឹងចាប់ផ្ដើមអនុវត្តតាមមាត្រា៥០ សន្ធិសញ្ញា Lisbon នៅដំណាច់ខែមីនា ដើម្បីចរចាការលែងលះជាមួយសហភាពអឺរ៉ុប ដែលអាចប្រើពេល២ឆ្នាំ។
បើតាមសារព័ត៌មាន BBC មុននឹងចាប់ផ្ដើមការចរចានេះ លោកស្រីនាយករដ្ឋមន្ត្រី May ក៏ត្រូវសុំការយល់ព្រមពីសភាជាមុនសិនដែរ ដ្បិតតុលាការកំពូលអង់គ្លេសសម្រេចហើយថា សភាជាអ្នកសម្រេចចុងក្រោយលើរឿងចាកចេញពីប្លុកអង្គការ២៨ប្រទេសនេះ។ ក្រោយការបោះឆ្នោតនេះ រដ្ឋមន្ត្រីទទួលបន្ទុកការចរចាចាកចេញ David Davis បានហៅការបោះឆ្នោតលើកនេះជារឿងប្រវត្តិសាស្ត្រ និងជាពេលដែលគ្រប់គ្នារួមគ្នាដើម្បីជោគជ័យប្រទេសជាតិ។
អំឡុងពេលជជែកដេញដោល សមាជិកសភាបក្សពលករ និងបក្សជាតិនិយមស្កុតឡែន បានស្នើឲ្យមានការកែប្រែសេចក្ដីព្រាងច្បាប់នេះ។ ពួកគេទទូចឲ្យបញ្ចូលចំណុចជាច្រើនទៅក្នុងសេចក្ដីព្រាងច្បាប់រួមមានការធានាពីការប្រើប្រាស់ទីផ្សាររួមរបស់អឺរ៉ុបពេលចាកចេញ សិទ្ធិកម្មករ ក៏ដូចជាសិទ្ធិរបស់ប្រជាជនរដ្ឋសមាជិកសហភាពអឺរ៉ុបរស់នៅទឹកដីអង់គ្លេសជាដើម។
អ្វីដែលគួរកត់សម្គាល់នោះ ប្រធានបក្សពលករ Jeremy Corbyn ដែលគាំទ្រការចាកចេញ បានគំរាមដាក់ពិន័យសមាជិកសភាដែលហ៊ានបោះឆ្នោតប្រឆាំងសេចក្ដីព្រាងច្បាប់នេះ។ ប៉ុន្តែបើទោះជាមានការគំរាមក្ដីពីសំណាក់ប្រធានបក្សក្ដី សមាជិកសភាបក្សនេះចំនួន៥២នាក់ បានបោះឆ្នោតប្រឆាំង ខណៈដែលសមាជិក២ភាគ៣ បានធ្វើតាមការទាមទាររបស់លោក Corbyn ។ ដោយសារមិនពេញចិត្តរឿងនេះ រដ្ឋមន្ត្រីពាណិជ្ជកម្មស្រមោល Clive Lewis ក៏បានលាលែងពីតំណែងតែម្ដង៕
Tag:
Brexit
អឺរ៉ុប
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
3 ថ្ងៃ
