អន្តរជាតិ
សម្ដេចប៉ាបគ្រិស្តកាតូលិក រិះគន់មីយ៉ាន់ម៉ារឿងធ្វើទុក្ខបុកម្នេញជនមូស្លីមរ៉ូហ៊ីងយ៉ា
×![]()
ដោយ: តន ចាន់រិទ្ធារ៉ា
ប្រមុខបុរីវ៉ាទីកង់ សម្ដេចប៉ាបហ្វ្រង់ស៊ីស បានថ្កោលទោសការធ្វើទុក្ខបុកម្នេញជនមូស្លីមភាគតិចរ៉ូហ៊ីងយ៉ាងពីសំណាក់កងទាហានមីយ៉ាន់ម៉ា ដែលបណ្ដាលឲ្យមនុស្សជាច្រើនបានស្លាប់ និងរាប់ម៉ឺននាក់ទៀតរត់ចោលផ្ទះសម្បែង។ ក្នុងកម្មវិធីជួបជុំថ្ងៃទី៨ ខែកុម្ភៈ ប្រមុខសាសនាគ្រិស្តកាតូលិកអង្គនេះ ក៏បានបន់ស្រន់សុំសេចក្ដីសុខសម្រាប់ជនជាតិរ៉ូហ៊ីងយ៉ាដែលរត់ភៀសខ្លួន និងអ្នកដែលរងការធ្វើបាបពីអាជ្ញាធរមីយ៉ាន់ម៉ា។
សម្ដេចប៉ាបហ្វ្រង់ស៊ីស បានរិះគន់ខ្លាំងលើរដ្ឋាភិបាលមីយ៉ាន់ម៉ា ជុំវិញការធ្វើបាបជនភាគតិចមូស្លីមរ៉ូហ៊ីងយ៉ា បន្ទាប់ពីអង្គការសហប្រជាជាតិបញ្ចេញរបាយការណ៍បង្ហាញថា កងកម្លាំងយោធាមីយ៉ាន់ម៉ា រំលោភបំពាន ធ្វើទុក្ខជនមូស្លីមរ៉ូហ៊ីងយ៉ាទាំងក្មេងចាស់ប្រុសស្រី។ របាយការណ៍ បានចាត់ទុកការរំលោភបំពាននេះថា អាចក្លាយជាបទល្មើសប្រឆាំងមនុស្សជាតិបាន ខណៈដែលរដ្ឋាភិបាលស៊ីវិល នៅមិនទាន់មាត់ករអ្វីលើរឿងនេះឡើយ។
ក្នុងពិធីជួបជុំប្រចាំសប្ដាហ៍នៅបុរីវ៉ាទីកង់ សម្ដេចប៉ាបដែលតែងចេញមុខរិះគន់សកម្មភាពរំលោភបំពានជុំវិញពិភពលោក មានហៅជនភាគតិចរ៉ូហ៊ីងយ៉ាថាជាមនុស្សល្អ ស្រឡាញ់សន្តិភាព បើទោះជាពួកគេមិនមែនជាគ្រិស្តសាសនិកក៏ដោយ។ សម្ដេចប៉ាបមានបន្ទូលប្រាប់អ្នកចូលរួមទៀតថា៖ «ពួកគេទាំងនោះជាបងប្អូនរបស់យើង ហើយជាច្រើនឆ្នាំមកនេះ ពួកគេរងទុក្ខយ៉ាងខ្លាំង។ ពួកគេត្រូវបានធ្វើទារុណកម្ម និងសម្លាប់ជាបន្តបន្ទាប់ ដោយសារពួកគេអនុវត្តតាមសាសនាឥស្លាម។»
បើតាមសារព័ត៌មាន The New York Times សម្ដេចប៉ាបហ្វ្រងស៊ីស ក៏បានស្នើឲ្យអ្នកចូលរួមទាំងអស់បន់ស្រន់ឲ្យ «បងប្អូនប្រុសស្រីរ៉ូហ៊ីងយ៉ា» ដែលកំពុងភៀសខ្លួនចេញពីមីយ៉ាន់ម៉ា រត់គេចពីកន្លែងមួយទៅកន្លែងមួយ ព្រោះគ្មាននរណាចង់បានពួកគេឡើយ។ សព្វថ្ងៃនេះ ជនភាគតិចរ៉ូហ៊ីងយ៉ា ត្រូវចាត់ទុកជាជនគ្មានរដ្ឋ គ្មានប្រទេស និងរងការធ្វើបាបយ៉ាងខ្លាំងពីសំណាក់កងកម្លាំងមីយ៉ាន់ម៉ា៊
ការរិះគន់ខ្លាំងៗរបស់ប្រមុខបុរីវ៉ាទីកង់ ធ្វើឡើងមិនដល់មួយសប្ដាហ៍ផង ក្រោយការិយាល័យនៃឧត្តមស្នងការទទួលសិទ្ធិមនុស្ស (OHCHR) ផ្សព្វផ្សាយរបាយការណ៍ស្ដីពីស្ថានភាពសិទ្ធិមនុស្សនៅរដ្ឋ Rakhine ។ របាយការណ៍នេះបានប្រមូលចម្លើយពីកិច្ចសម្ភាសជាមួយនឹងប្រជាជនដែលភៀសខ្លួនពីមីយ៉ាន់ម៉ា ក្រោយការវាយប្រហារនៅដើមខែតុលាឆ្នាំមុន និងបានបង្ហាញថា មានការករណីរំលោភ សម្លាប់រាប់បញ្ចូលទាំងទារក និងកុមារ ការធ្វើទារុណកម្មព្រៃផ្សៃ និងសកម្មភាពរំលោភសិទ្ធិមនុស្ស។
តាមចម្លើយដែលផ្សាយចេញតាមរបាយការណ៍នោះ កងកម្លាំងមីយ៉ាន់ម៉ា មិនត្រឹមតែប្រព្រឹត្តបទល្មើសប៉ុន្មានខាងលើនោះទេ តែពួកគេក៏បានដុតផ្ទះសម្បែង សាលារៀន ផ្សារ វិហារ និងដីស្រែជនជាតិភាគតិចទាំងនោះ និងថែមទាំងមានឃាត់ក្រុមទាំងនោះនៅក្នុងផ្ទះ ហើយដុតសម្លាប់ពួកគេតែម្តង។ ចំណែកស្ត្រីច្រើនជាងពាក់កណ្តាល ដែលបានផ្តល់កិច្ចសម្ភាសន៍នោះ បានអះអាងថា ពួកគេសុទ្ធសឹងតែរងការឈឺចាប់ដោយសារការរំលោភ និងហិង្សាផ្លូវភេទជាច្រើនទម្រង់ផ្សេងទៀត។
ចំណែកឯរដ្ឋាភិបាលស៊ីវិលរបស់លោកស្រីទីប្រឹក្សារដ្ឋ អ៊ុងសាន ស៊ូជី មិនបានចេញវិធានការទប់ស្កាត់រំលោភបំពាននេះឡើយ។ ខណៈដែលស្ថានការ៍កើនកម្ដៅខ្លាំង លោកស្រី បានហៅអគ្គលេខាធិការអាស៊ាន និងប្រមុខការទូតអាស៊ានទាំងប្រាំបួនផ្សេងទៀត និងបានត្រឹមពន្យល់ពីការប្រឹងប្រែងរបស់រដ្ឋាភិបាលមីយ៉ាន់ម៉ា ក្នុងការផ្តល់ជំនួយមនុស្សធម៌ទាំងទៅកាន់សហគមន៍នៅរដ្ឋ Rakhine ក្នុងកិច្ចសហប្រតិបត្តិការជាមួយនឹងភ្នាក់ងារអង្គការសហប្រជាជាតិ៕
សម្ដេចប៉ាបហ្វ្រង់ស៊ីស បានរិះគន់ខ្លាំងលើរដ្ឋាភិបាលមីយ៉ាន់ម៉ា ជុំវិញការធ្វើបាបជនភាគតិចមូស្លីមរ៉ូហ៊ីងយ៉ា បន្ទាប់ពីអង្គការសហប្រជាជាតិបញ្ចេញរបាយការណ៍បង្ហាញថា កងកម្លាំងយោធាមីយ៉ាន់ម៉ា រំលោភបំពាន ធ្វើទុក្ខជនមូស្លីមរ៉ូហ៊ីងយ៉ាទាំងក្មេងចាស់ប្រុសស្រី។ របាយការណ៍ បានចាត់ទុកការរំលោភបំពាននេះថា អាចក្លាយជាបទល្មើសប្រឆាំងមនុស្សជាតិបាន ខណៈដែលរដ្ឋាភិបាលស៊ីវិល នៅមិនទាន់មាត់ករអ្វីលើរឿងនេះឡើយ។
ក្នុងពិធីជួបជុំប្រចាំសប្ដាហ៍នៅបុរីវ៉ាទីកង់ សម្ដេចប៉ាបដែលតែងចេញមុខរិះគន់សកម្មភាពរំលោភបំពានជុំវិញពិភពលោក មានហៅជនភាគតិចរ៉ូហ៊ីងយ៉ាថាជាមនុស្សល្អ ស្រឡាញ់សន្តិភាព បើទោះជាពួកគេមិនមែនជាគ្រិស្តសាសនិកក៏ដោយ។ សម្ដេចប៉ាបមានបន្ទូលប្រាប់អ្នកចូលរួមទៀតថា៖ «ពួកគេទាំងនោះជាបងប្អូនរបស់យើង ហើយជាច្រើនឆ្នាំមកនេះ ពួកគេរងទុក្ខយ៉ាងខ្លាំង។ ពួកគេត្រូវបានធ្វើទារុណកម្ម និងសម្លាប់ជាបន្តបន្ទាប់ ដោយសារពួកគេអនុវត្តតាមសាសនាឥស្លាម។»
បើតាមសារព័ត៌មាន The New York Times សម្ដេចប៉ាបហ្វ្រងស៊ីស ក៏បានស្នើឲ្យអ្នកចូលរួមទាំងអស់បន់ស្រន់ឲ្យ «បងប្អូនប្រុសស្រីរ៉ូហ៊ីងយ៉ា» ដែលកំពុងភៀសខ្លួនចេញពីមីយ៉ាន់ម៉ា រត់គេចពីកន្លែងមួយទៅកន្លែងមួយ ព្រោះគ្មាននរណាចង់បានពួកគេឡើយ។ សព្វថ្ងៃនេះ ជនភាគតិចរ៉ូហ៊ីងយ៉ា ត្រូវចាត់ទុកជាជនគ្មានរដ្ឋ គ្មានប្រទេស និងរងការធ្វើបាបយ៉ាងខ្លាំងពីសំណាក់កងកម្លាំងមីយ៉ាន់ម៉ា៊
ការរិះគន់ខ្លាំងៗរបស់ប្រមុខបុរីវ៉ាទីកង់ ធ្វើឡើងមិនដល់មួយសប្ដាហ៍ផង ក្រោយការិយាល័យនៃឧត្តមស្នងការទទួលសិទ្ធិមនុស្ស (OHCHR) ផ្សព្វផ្សាយរបាយការណ៍ស្ដីពីស្ថានភាពសិទ្ធិមនុស្សនៅរដ្ឋ Rakhine ។ របាយការណ៍នេះបានប្រមូលចម្លើយពីកិច្ចសម្ភាសជាមួយនឹងប្រជាជនដែលភៀសខ្លួនពីមីយ៉ាន់ម៉ា ក្រោយការវាយប្រហារនៅដើមខែតុលាឆ្នាំមុន និងបានបង្ហាញថា មានការករណីរំលោភ សម្លាប់រាប់បញ្ចូលទាំងទារក និងកុមារ ការធ្វើទារុណកម្មព្រៃផ្សៃ និងសកម្មភាពរំលោភសិទ្ធិមនុស្ស។
តាមចម្លើយដែលផ្សាយចេញតាមរបាយការណ៍នោះ កងកម្លាំងមីយ៉ាន់ម៉ា មិនត្រឹមតែប្រព្រឹត្តបទល្មើសប៉ុន្មានខាងលើនោះទេ តែពួកគេក៏បានដុតផ្ទះសម្បែង សាលារៀន ផ្សារ វិហារ និងដីស្រែជនជាតិភាគតិចទាំងនោះ និងថែមទាំងមានឃាត់ក្រុមទាំងនោះនៅក្នុងផ្ទះ ហើយដុតសម្លាប់ពួកគេតែម្តង។ ចំណែកស្ត្រីច្រើនជាងពាក់កណ្តាល ដែលបានផ្តល់កិច្ចសម្ភាសន៍នោះ បានអះអាងថា ពួកគេសុទ្ធសឹងតែរងការឈឺចាប់ដោយសារការរំលោភ និងហិង្សាផ្លូវភេទជាច្រើនទម្រង់ផ្សេងទៀត។
ចំណែកឯរដ្ឋាភិបាលស៊ីវិលរបស់លោកស្រីទីប្រឹក្សារដ្ឋ អ៊ុងសាន ស៊ូជី មិនបានចេញវិធានការទប់ស្កាត់រំលោភបំពាននេះឡើយ។ ខណៈដែលស្ថានការ៍កើនកម្ដៅខ្លាំង លោកស្រី បានហៅអគ្គលេខាធិការអាស៊ាន និងប្រមុខការទូតអាស៊ានទាំងប្រាំបួនផ្សេងទៀត និងបានត្រឹមពន្យល់ពីការប្រឹងប្រែងរបស់រដ្ឋាភិបាលមីយ៉ាន់ម៉ា ក្នុងការផ្តល់ជំនួយមនុស្សធម៌ទាំងទៅកាន់សហគមន៍នៅរដ្ឋ Rakhine ក្នុងកិច្ចសហប្រតិបត្តិការជាមួយនឹងភ្នាក់ងារអង្គការសហប្រជាជាតិ៕
Tag:
Francis
រ៉ូហ៊ីងយ៉ា
មីយ៉ាន់ម៉ា
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
3 ថ្ងៃ
