ជាតិ
លោក នេត សាវឿន រម្លឹកនគរបាលឲ្យលុបបំបាត់ប៉ុស្តិ៍ត្រួតពិនិត្យអនាធិបតេយ្យ
× ភ្នំពេញ៖ អគ្គស្នងការនគរបាលជាតិ លោក នេត សាវឿន បានក្រើនរម្លឹកស្នងការនគរបាលទាំង ២៥ រាជធានីខេត្តទាំងអស់ ត្រូវរឹតបន្តឹងការត្រួតពិនិត្យ និងលុបបំបាត់ប៉ុស្តិ៍ត្រួតពិនិត្យអនាធិបតេយ្យ។
ថ្លែងក្នុងកិច្ចប្រជុំការពង្រឹងការត្រួតពិនិត្យប៉ុស្តិ៍អនាធិបតេយ្យ នាអគ្គស្នងការដ្ឋាននគរបាលជាតិ លោកបានបញ្ជាក់ស្នងការដ្ឋាននគរបាលទូទាំងប្រទេស ត្រូវត្រួតពិនិត្យលុបបំបាត់ប៉ុស្តិ៍អនាធិបតេយ្យ ជាពិសេស ប៉ុស្តិ៍យកលុយតាមដងផ្លូវ ។
លោកបានបន្តណែនាំឲ្យស្នងការដ្ឋាននគរបាលទាំងអស់ ក្នុងកិច្ចប្រជុំថ្ងៃទី១៥ ខែកុម្ភៈនេះ ត្រូវបែងចែកកម្លាំងចុះរឹតបន្តឹងបទល្មើសនានាឲ្យបានត្រឹមត្រូវ និងច្បាស់លាស់។ «បើមានកងកម្លាំងនគរបាលរូបណាបានប្រព្រឹត្តនូវអំពើខុសច្បាប់ត្រូវអនុវត្តតាមនីតិវិធីច្បាប់»។ នេះបើតាមអគ្គស្នងការដ្ឋាននគរបាលជាតិ ស្រង់ប្រសាសន៍លោក នេត សាវឿន៕
© រក្សាសិទ្ធិដោយ thmeythmey.com