អន្តរជាតិ
×![]()
ដោយ: តន ចាន់រិទ្ធារ៉ា
ប្រធានាធិបតី ដូណាល់ ត្រាំ បានរិះគន់ខ្លាំងៗដាក់ប្រព័ន្ធផ្សព្វផ្សាយដែលផ្សាយព័ត៌មានមិនពិត និងសរសេរវាយប្រហាររដ្ឋបាលថ្មីរបស់លោក ជាពិសេសទំនាក់ទំនងជាមួយរុស្ស៊ីតែម្ដង។ ក្នុងសន្និសីទកាសែតនៅសេតវិមានថ្ងៃទី១៦ ខែកុម្ភៈ ធ្វើឡើងដើម្បីបង្ហាញបេក្ខភាពរដ្ឋមន្ត្រីការងារថ្មី លោក ត្រាំ បានបង្ហាញអាកប្បកិរិយាខឹងច្រឡោតខ្លាំងដែលមិនធ្លាប់មាន។ ហើយលោកក៏ថែមទាំងការពាររដ្ឋបាលលោក ដែលទទួលមរតកដ៏រញ៉េរញ៉ៃពីរដ្ឋបាលចាស់។
កាន់តំណែងមិនទាន់បានមួយខែស្រួលបួលផង រដ្ឋបាលថ្មីប្រធានាធិបតី ដូណាល់ ត្រាំ ជួបប្រទះរឿងរ៉ាវជាច្រើន ដែលសារព័ត៌មានអាមេរិកសរសរថា រដ្ឋបាលថ្មី កំពុងជួបបញ្ហាហើយ។ ទំនងទ្រាំនឹងសារព័ត៌មានមិនបាន លោកប្រធានាធិបតី ត្រាំ ក៏ព្រលះប្រព័ន្ធផ្សព្វផ្សាយធ្ងន់ៗ និងចោទប្រកាន់បណ្ដាញសារព័ត៌មានថាគ្រប់គ្រងលែងបានហើយ។ ហើយលោកក៏បានប្រកាសផ្ដល់ព័ត៌មានដោយត្រង់ទៅកាន់ប្រជាជន ដោយមិនចាំបាច់ឆ្លងអ្នកកាសែតឡើយ។
ក្នុងសន្និសីទកាសែតរយៈពេលជាង១ម៉ោងនៅសេតវិមាន ប្រធានាធិបតីរូបនេះអួតអាងថា រយៈពេលជិត១ខែនេះ រដ្ឋបាលថ្មីរបស់លោក ដំណើរការទៅមុខល្អប្រសើរ ព្រោះស្ថានភាពរកស៊ីមានអំណោយផល ហើយទីផ្សារភាគហ៊ុនក៏មានកើនឡើងដែរ។ លោក បានទាត់ចោលការរបាយការណ៍ជាច្រើនបង្ហាញថា រដ្ឋបាលថ្មីរបស់លោក មានបញ្ហាដោយសារការចេញបញ្ជាហាមឃាត់ជនអន្តោប្រវេសន៍ និងការលាលែងរបស់ទីប្រឹក្សាសន្តិសុខជាតិ Michael Flynn ដែលជាប់ទាក់ទិននឹងរុស្ស៊ីនោះ។
ឧត្តមសេនីយ៍ Flynn ចុះចេញពីតំណែង ក៏ព្រោះតែការបែកធ្លាយព័ត៌មាននិយាយទូរសព្ទជាមួយអគ្គរដ្ឋទូតរុស្ស៊ីរឿងទណ្ឌកម្ម តាំងពីពេលលោក ត្រាំ មិនទាន់ចូលកាន់តំណែងទៅទៀត។ បើតាមសារព័ត៌មាន CNN លោក ត្រាំ ក៏រិះគន់ការបែកធ្លាយព័ត៌មាននេះ ដោយលោកនិយាយថា៖ «ការបែកធ្លាយព័ត៌មានជារឿងពិត។ ប៉ុន្តែព័ត៌មានទាំងនោះជារឿងក្លែងក្លាយ ហើយខ្ញុំមិនដែលឃើញសារព័ត៌មានមិនស្មោះត្រង់ច្រើនដូចពេលនេះឡើយ»។
ឆ្លើយតបនឹងរបាយការណ៍ថារដ្ឋបាលថ្មីជួបបញ្ហា លោកប្រធានាធិបតី ត្រាំ បែរជាលើកឡើងថា លោកបានទទួលមរតកដ៏រញ៉ៃរញ៉ៃពីរដ្ឋបាលចាស់ទៅវិញ។ ក្នុងសន្និសីទដែលមិនបានព្រាងទុកមុន លោកបានទម្លាក់កំហុសទៅរដ្ឋបាលចាស់ថា បន្សល់ទុកបញ្ហាច្រើនណាស់ទាំងក្នុងរដ្ឋាភិបាល ទាំងវិស័យសេដ្ឋកិច្ច ព្រមទាំងលើឆាកអន្តរជាតិទៀតផង។ ច្បាស់ណាស់ថា រដ្ឋបាលចាស់ដែលលោក ត្រាំ និយាយ គឺរដ្ឋបាលលោក បារ៉ាក់់ អូបាម៉ា តែម្ដង។
តាំងតែពីដើមមកនោះ ប្រធានាធិបតីមានសាវតារជាអ្នកជំនួញរូបនេះ មិនដែលចូលចិត្តប្រព័ន្ធផ្សព្វផ្សាយទេ ហើយជានិច្ចកាលនោះ លោកតែងនិយាយរិះគន់ខ្លាំងៗលើសារព័ត៌មានទាំងនោះ។ សារព័ត៌មានល្បីៗដូចជា CNN និង The New York Times ជាដើមសុទ្ធតែធ្លាប់ត្រូវបានលោក ត្រាំ ហៅជាសារព័ត៌មានក្លែងក្លាយទាំងអស់ ដោយសារផ្សាយព័ត៌មានរបៀបរិះគន់លោកខ្លាំងៗពេកនាពេលកន្លងមក៕
កាន់តំណែងមិនទាន់បានមួយខែស្រួលបួលផង រដ្ឋបាលថ្មីប្រធានាធិបតី ដូណាល់ ត្រាំ ជួបប្រទះរឿងរ៉ាវជាច្រើន ដែលសារព័ត៌មានអាមេរិកសរសរថា រដ្ឋបាលថ្មី កំពុងជួបបញ្ហាហើយ។ ទំនងទ្រាំនឹងសារព័ត៌មានមិនបាន លោកប្រធានាធិបតី ត្រាំ ក៏ព្រលះប្រព័ន្ធផ្សព្វផ្សាយធ្ងន់ៗ និងចោទប្រកាន់បណ្ដាញសារព័ត៌មានថាគ្រប់គ្រងលែងបានហើយ។ ហើយលោកក៏បានប្រកាសផ្ដល់ព័ត៌មានដោយត្រង់ទៅកាន់ប្រជាជន ដោយមិនចាំបាច់ឆ្លងអ្នកកាសែតឡើយ។
ក្នុងសន្និសីទកាសែតរយៈពេលជាង១ម៉ោងនៅសេតវិមាន ប្រធានាធិបតីរូបនេះអួតអាងថា រយៈពេលជិត១ខែនេះ រដ្ឋបាលថ្មីរបស់លោក ដំណើរការទៅមុខល្អប្រសើរ ព្រោះស្ថានភាពរកស៊ីមានអំណោយផល ហើយទីផ្សារភាគហ៊ុនក៏មានកើនឡើងដែរ។ លោក បានទាត់ចោលការរបាយការណ៍ជាច្រើនបង្ហាញថា រដ្ឋបាលថ្មីរបស់លោក មានបញ្ហាដោយសារការចេញបញ្ជាហាមឃាត់ជនអន្តោប្រវេសន៍ និងការលាលែងរបស់ទីប្រឹក្សាសន្តិសុខជាតិ Michael Flynn ដែលជាប់ទាក់ទិននឹងរុស្ស៊ីនោះ។
ឧត្តមសេនីយ៍ Flynn ចុះចេញពីតំណែង ក៏ព្រោះតែការបែកធ្លាយព័ត៌មាននិយាយទូរសព្ទជាមួយអគ្គរដ្ឋទូតរុស្ស៊ីរឿងទណ្ឌកម្ម តាំងពីពេលលោក ត្រាំ មិនទាន់ចូលកាន់តំណែងទៅទៀត។ បើតាមសារព័ត៌មាន CNN លោក ត្រាំ ក៏រិះគន់ការបែកធ្លាយព័ត៌មាននេះ ដោយលោកនិយាយថា៖ «ការបែកធ្លាយព័ត៌មានជារឿងពិត។ ប៉ុន្តែព័ត៌មានទាំងនោះជារឿងក្លែងក្លាយ ហើយខ្ញុំមិនដែលឃើញសារព័ត៌មានមិនស្មោះត្រង់ច្រើនដូចពេលនេះឡើយ»។
ឆ្លើយតបនឹងរបាយការណ៍ថារដ្ឋបាលថ្មីជួបបញ្ហា លោកប្រធានាធិបតី ត្រាំ បែរជាលើកឡើងថា លោកបានទទួលមរតកដ៏រញ៉ៃរញ៉ៃពីរដ្ឋបាលចាស់ទៅវិញ។ ក្នុងសន្និសីទដែលមិនបានព្រាងទុកមុន លោកបានទម្លាក់កំហុសទៅរដ្ឋបាលចាស់ថា បន្សល់ទុកបញ្ហាច្រើនណាស់ទាំងក្នុងរដ្ឋាភិបាល ទាំងវិស័យសេដ្ឋកិច្ច ព្រមទាំងលើឆាកអន្តរជាតិទៀតផង។ ច្បាស់ណាស់ថា រដ្ឋបាលចាស់ដែលលោក ត្រាំ និយាយ គឺរដ្ឋបាលលោក បារ៉ាក់់ អូបាម៉ា តែម្ដង។
តាំងតែពីដើមមកនោះ ប្រធានាធិបតីមានសាវតារជាអ្នកជំនួញរូបនេះ មិនដែលចូលចិត្តប្រព័ន្ធផ្សព្វផ្សាយទេ ហើយជានិច្ចកាលនោះ លោកតែងនិយាយរិះគន់ខ្លាំងៗលើសារព័ត៌មានទាំងនោះ។ សារព័ត៌មានល្បីៗដូចជា CNN និង The New York Times ជាដើមសុទ្ធតែធ្លាប់ត្រូវបានលោក ត្រាំ ហៅជាសារព័ត៌មានក្លែងក្លាយទាំងអស់ ដោយសារផ្សាយព័ត៌មានរបៀបរិះគន់លោកខ្លាំងៗពេកនាពេលកន្លងមក៕
Tag:
ដូណាល់ ត្រាំ
សារព័ត៌មាន
អាមេរិក
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
7 ម៉ោង
