សម្ដេច ហ៊ុន សែន ព្រមានមន្ត្រីNGO ម្នាក់ថា កុំឲ្យនិយាយប៉ះពាល់រឿងនយោបាយច្រើនពេក

ជាតិ

សម្ដេច ហ៊ុន សែន ព្រមានមន្ត្រីNGO ម្នាក់ថា កុំឲ្យនិយាយប៉ះពាល់រឿងនយោបាយច្រើនពេក

06, Mar 2017 , 9:12 am

រូបភាព

ដោយ: ធឿន បញ្ញាឬទិ្ធ

ភ្នំពេញ៖ សម្ដេចនាយករដ្ឋមន្ត្រី ហ៊ុន សែន បានព្រមានមន្ត្រីអង្គការសង្គមស៊ីវិលម្នាក់ កុំឲ្យនិយាយប៉ះពាល់ដល់រឿងនយោបាយច្រើនពេក។ ថ្លែងដោយមិនបញ្ចេញឈ្មោះ សម្ដេច ហ៊ុន សែន បានសង្កេតឃើញថា មន្ត្រីអង្គការសង្គមស៊ីវិលរូបនេះ តែងតែបកស្រាយបញ្ហានយោបាយ ដើម្បីរិះគន់រដ្ឋាភិបាល ដោយគ្មានមូលដ្ឋានច្បាស់លាស់។

ថ្លែងក្នុងពិធីបើកការដ្ឋានសាងសង់ផ្លូវក្រវ៉ាត់ក្រុងខ្សែទី២ កំណាត់ទី២ និងសម្ពោធដាក់ឲ្យប្រើប្រាស់ផ្លូវក្រុងខ្សែទី២ កំណាត់ទី១ សម្ដេច ហ៊ុន សែន បានព្រមានមន្ត្រីរូបនោះថា កុំអាងខ្លួនជាមន្ត្រីសង្គមស៊ីវិល(NGO) ហើយចេះតែនិយាយប៉ះពាល់ដល់សិទ្ធិអ្នកដទៃ ។ ដូច្នេះបើសិនជាមានការឃាត់ខ្លួន អនុវត្តតាមច្បាប់នោះ កុំខឹងរដ្ឋាភិបាល។

ក្រៅពីព្រមានមន្ត្រីអង្គការក្រៅរដ្ឋាភិបាលហើយ លោកនាយករដ្ឋមន្ត្រី ក៏បានព្រមានដល់អ្នកសារព័ត៌មាននានា កុំឲ្យចូលរួមចុះផ្សាយអ្វីដែលប៉ះពាល់ដល់សិទ្ធិអ្នកដទៃ ដែលនាំឲ្យមានការប្ដឹងផ្ដល់ពីភាគីម្ខាងទៀតផងដែរ៕

សូមស្ដាប់ប្រសាសន៍ប្រមុខរដ្ឋាភិបាល៖