តារាល្បីៗ
អន្តរជាតិ
ប៉ូលិសអូស្ត្រាលីចាប់ខ្លួនបុរសម្នាក់ ដែលក្លែងជា Justin Bieber ពីបទរួមភេទជាមួយក្មេងជាង៩០០លើក
× បុរសម្នាក់ដែលបានក្លែងខ្លួន ដូចតារាចម្រៀង Justin Beiber ត្រូវបានប៉ូលីសអូស្ត្រាលីចាប់ខ្លួនកាលពីថ្ងៃទី៩មីនា ពាក់ព័ន្ធនឹងករណីលួងលោមអនីតិជនរួមភេទជាង៩០០លើក។ នេះបើតាមការចុះផ្សាយរបស់សារព័ត៌មាន BBC។
មន្ត្រីប៉ូលីសអូស្ត្រាលី បានឲ្យដឹងថា បុរសដែលត្រូវចាប់ខ្លួននេះ មានអាយុ៤២ឆ្នាំ បានពាក់ស្បែកមុខដូចតារាចម្រៀង Pop សញ្ជាតិកាណាដា Justin Beiber រួចបានបង្ហោះរូបភាពនោះនៅលើ Online ដើម្បីបញ្ឆោតក្មេងស្រីយកទៅរួមភេទ ខណៈដែលតារាចម្រៀង Justin Beiber កំពុងធ្វើដំណើរកម្សាន្តនៅក្នុងប្រទេសអូស្ត្រាលីនេះ។
ក្រោយពីឃាត់ខ្លួនជនសង្ស័យរូបនេះហើយ ប៉ូលិសក៏បានស្រាវជ្រាវរកឃើញថា បុរសដែលក្លែងខ្លួនជា Justin Beiber នេះ ធ្លាប់បានប្រព្រឹត្តបទល្មើសរួមភេទជាមួយកុមារីអាយុក្រោម១៦ឆ្នាំ ចំនួន៩៣១ករណី ដោយក្នុងនោះមានករណីរំលោភចំនួន៣ និងករណី១៥៧ទៀត ពាក់ព័ន្ធនឹងការរួមភេទជាមួយកុមារីរងគ្រោះនៅតាមបណ្ដាប្រទេសផ្សេងទៀត ក្រៅពីប្រទេសអូស្ត្រាលីផងដែរ។
បើតាមរបាយការណ៍ស៊ើបអង្កេតរបស់អាជ្ញាធរអន្តរជាតិនោះ Justin Beiber ក្លែងក្លាយរូបនេះ បានរួមភេទជាអនិតិជនរងគ្រោះចំនួន៥០នាក់ នៅក្នុងសហរដ្ឋអាមេរិក, អង់គ្លេសចំនួន ២០នាក់ និងនៅអូស្ត្រាលី៦នាក់ ។ ចំណែករបាយការណ៍ឆ្នាំ២០០៧ ក៏បានបង្ហាញថា បុរសវ័យ៤២ឆ្នាំនេះ បានរំលោភកុមារីចំនួន៣នាក់ និងប្រព្រឹត្តរូបភាពមិនសមរម្យលើក្មេងស្រីរងគ្រោះអាយុក្រោម១២ឆ្នាំផងដែរ។ នេះជាការបញ្ជាក់របស់ប៉ូលិសអូស្ត្រាលី ដែលបានស្រង់របាយការណ៍ពីប៉ូលិសអាមេរិក និងអាល្លឺម៉ង់ ដែលបានបន្ថែមថា បទល្មើសរួមភេទជាមួយក្មេងស្រីរបស់ជនសង្ស័យខាងលើ អាចនៅមានជាច្រើនករណីទៀត។
ប៉ូលិសបានបន្តថា បុរសខាងលើនេះ បានប្រើប្រាស់បណ្ដាញសង្គម Facebook និងSkype ដើម្បីទំនាក់ទំនងបញ្ឆោតលួងលោមក្មេងស្រី យកទៅរួមភេទ។ អធិការស៊ើបអង្កេតសម្ងាត់អូស្ត្រាលី បាននិយាយថា៖«ការណ៍នោះមកពីក្មេងស្រីជាច្រើនជឿជាក់ថា រូបគេបានទំនាក់ទំនាក់ផ្ទាល់ជាមួយមនុស្សល្បីពិតមែន។ ដូច្នេះបញ្ហានេះយើងត្រូវការណែនាំឲ្យក្មេងស្រីទាំងនោះ ឲ្យគិតសារជាថ្មីវិញអំពីរបៀបអ្វី ដែលយើងត្រូវប្រើប្រាស់ចំណេះដឹងក្នុងសង្គម និងអំពីសុវត្ថិភាពនៃការប្រើប្រាស់បណ្ដាញOnline ទៅដល់ក្មេងស្រីផងដែរ»។
ករណីជនជាប់ចោទនេះ នឹងត្រូវប្រឈមមុខជាមួយតុលាការតាមផ្លូវច្បាប់ នៅថ្ងៃទី០៦ មេសាខាងមុខនេះ៕
Tag:
Justin Bieber
អនីតិជន
© រក្សាសិទ្ធិដោយ thmeythmey.com