អន្តរជាតិ
អធិការបតីអាល្លឺម៉ង់៖ ចរចារឿងចាកចេញសិន ចាំនិយាយរឿងទំនាក់ទំនងទ្វេភាគី EU-UK
អធិការបតីអាល្លឺម៉ង់ Angela Merkel ជំទាស់គំនិតរបស់នាយករដ្ឋមន្ត្រី Theresa May ដែលចង់ចរចាលែងលះផង និងចង់ចរចារឿងទំនាក់ទំនងពាណិជ្ជកម្មផង (រូបភាព Xinhua)
×![]()
ដោយ: តន ចាន់រិទ្ធារ៉ា
អធិការបតីអាល្លឺម៉ង់ Angela Merkel បានទាត់ចោលលក្ខខណ្ឌសំខាន់នៃការចរចាលើការចាកចេញពីសហភាពអឺរ៉ុប ដែលទាមទារដោយនាយករដ្ឋមន្ត្រីចក្រភពអង់គ្លេស Theresa May ក្នុងលិខិតជូនដំណឹងចាកចេញផ្ញើឲ្យប្រធានក្រុមប្រឹក្សាអឺរ៉ុប។ នាយករដ្ឋមន្ត្រី May ចង់បានការចរចាលែងលះនេះ ធ្វើឡើងព្រមគ្នាជាមួយនឹងការកំណត់វាសនាទំនាក់ទំនងទ្វេភាគីអង់គ្លេស និងសហភាពអឺរ៉ុបតែម្ដង។ ប៉ុន្តែលោកស្រី Merkel មិនព្រមឡើយ ដោយចង់ឲ្យផ្ដោតតែលើរឿងការចរចាចែកផ្លូវគ្នាជាមុនសិន។
ភ្លាមៗបន្ទាប់ពីរដ្ឋាភិបាលចក្រភពអង់គ្លេសអនុវត្តតាមមាត្រា៥០ សន្ធិសញ្ញា Lisbon អធិការបតីអាល្លឺម៉ង់ Angela Merkel ក៏ចេញមកបដិសេធការទាមទាររបស់នាយករដ្ឋមន្ត្រី Theresa May ដែលចង់ចរចាលែងលះគ្នាផង និងចង់ចរចាលើទំនាក់ទំនងទ្វេភាគីចក្រភពអង់គ្លេស និងសហភាពអឺរ៉ុបផងក្នុងពេលដំណាលគ្នា។ អធិការបតីអាល្លឺម៉ង់ ចង់ឲ្យសហភាពអឺរ៉ុប និងអង់គ្លេស ផ្ដោតតែលើរឿងលែងលះគ្នាសិន ចាំនិយាយរឿងផ្សេងទៀតតាមក្រោយ។
ក្នុងលិខិតជូនដំណឹងកម្រាស់៦ទំព័រផ្ញើជូនលោក Donald Tusk ប្រធានក្រុមប្រឹក្សាអឺរ៉ុប នាយករដ្ឋមន្ត្រី May លើកឡើងថា វាជារឿងចំបាច់ដែលភាគីទាំងពីរចរចាលើទំនាក់ទំនងទ្វេភាគីនៅពេលអនាគត ទន្ទឹមគ្នានឹងការចរចាស្ដីពីការដកខ្លួនរបស់ចក្រភពអង់គ្លេស។ កិច្ចព្រមព្រៀងពាណិជ្ជកម្មរវាងអឺរ៉ុប និងអង់គ្លេស គឺជាចំណុចសំខាន់នៃរឿងលែងលះនេះ ដ្បិតអង់គ្លេសនៅតែចង់បន្តប្រើប្រាស់ទីផ្សារអឺរ៉ុប ដែលមានអតិថិជនយ៉ាងច្រើន។
យ៉ាងណាមិញ អធិការបតី Merkel និយាយថា ការចរចាលើលក្ខខណ្ឌលែងលះដែលអនុវត្តតាមមាត្រា៥០ សន្ធិសញ្ញា Lisbon ត្រូវធ្វើដំណើរទៅមុនការចរចានៃទំនាក់ទំនងពាណិជ្ជកម្ម ដែលអាចធ្វើឡើងភ្លាមៗក្រោយការចរចាលែងលះចេញលទ្ធផល។ បើតាម Guardian ពីរដ្ឋធានីបែរឡាំង លោកស្រី Merkel បញ្ជាក់ថា ការចរចា នឹងផ្ដោតសំខាន់លើលក្ខខណ្ឌដើម្បីផ្ដាច់ទំនាក់ទំនងជាមួយអង់គ្លេស បន្ទាប់មកត្រូវរកពេលវេលាដើម្បីផ្ដើមការចរចាសម្រាប់រឿងអនាគតបន្តទៀត។
តាមពិតទៅ ការចាកចេញរបស់ចក្រភអង់គ្លេស មិនមែនជារឿងដែលគេឯងចង់ឲ្យកើតឡើងឡើយ។ ប្រធានក្រុមប្រឹក្សាអឺរ៉ុប Donald Tusk ព្រមានថា មិនមានអ្នកណាឈ្នះក្នុងការលែងលះនេះឡើយ ហើយ២ឆ្នាំនៃការចរចា គឺជាពេលវេលាដែលមិនច្បាស់លាស់ និងពិបាកគ្រប់គ្រង។ ជាមួយការសោកស្ដាយពេលទទួលលិខិតលែងលះ លោក Tusk បន្តថា មិនចាំបាច់ធ្វើជាសប្បាយចិត្តអ្វីឡើយ ហើយប្រជាជនអឺរ៉ុបភាគច្រើន និងប្រជជនអង់គ្លេសជិតពាក់កណ្ដាល សុទ្ធតែមិនចង់ចែកផ្លូវគ្នាទេ។
យ៉ងណាក្ដី អង់គ្លេសអនុវត្តតាមមាត្រា៥០ សន្ធិសញ្ញា Lisbon ទៅហើយ។ ២ឆ្នាំបន្ទាប់ពីនេះ គឺជារយៈពេលចរចាដើម្បីលទ្ធផលដែលគ្រប់គ្នាសុទ្ធតែអាចទទួលយកបាន។ លទ្ធផលនៃការចរចានេះ នឹងកំណត់វាសនាចក្រភពអង់គ្លេស ដែលមានទំហំសេដ្ឋកិច្ច២,៦ ទ្រីលានដុល្លារ និងជាមហាអំណាចនុយក្លេអ៊ែរទៀតផង។ នេះ ក៏ជាការវាយប្រហារយ៉ាងខ្លាំងលើសហភាពអឺរ៉ុបផងដែរ ខណៈដែលនាយករដ្ឋមន្ត្រី May ប្រកាសហើយថា មកដល់ចំណុចនេះ គឺគ្មានផ្លូវបកក្រោយឡើយ៕
ភ្លាមៗបន្ទាប់ពីរដ្ឋាភិបាលចក្រភពអង់គ្លេសអនុវត្តតាមមាត្រា៥០ សន្ធិសញ្ញា Lisbon អធិការបតីអាល្លឺម៉ង់ Angela Merkel ក៏ចេញមកបដិសេធការទាមទាររបស់នាយករដ្ឋមន្ត្រី Theresa May ដែលចង់ចរចាលែងលះគ្នាផង និងចង់ចរចាលើទំនាក់ទំនងទ្វេភាគីចក្រភពអង់គ្លេស និងសហភាពអឺរ៉ុបផងក្នុងពេលដំណាលគ្នា។ អធិការបតីអាល្លឺម៉ង់ ចង់ឲ្យសហភាពអឺរ៉ុប និងអង់គ្លេស ផ្ដោតតែលើរឿងលែងលះគ្នាសិន ចាំនិយាយរឿងផ្សេងទៀតតាមក្រោយ។
ក្នុងលិខិតជូនដំណឹងកម្រាស់៦ទំព័រផ្ញើជូនលោក Donald Tusk ប្រធានក្រុមប្រឹក្សាអឺរ៉ុប នាយករដ្ឋមន្ត្រី May លើកឡើងថា វាជារឿងចំបាច់ដែលភាគីទាំងពីរចរចាលើទំនាក់ទំនងទ្វេភាគីនៅពេលអនាគត ទន្ទឹមគ្នានឹងការចរចាស្ដីពីការដកខ្លួនរបស់ចក្រភពអង់គ្លេស។ កិច្ចព្រមព្រៀងពាណិជ្ជកម្មរវាងអឺរ៉ុប និងអង់គ្លេស គឺជាចំណុចសំខាន់នៃរឿងលែងលះនេះ ដ្បិតអង់គ្លេសនៅតែចង់បន្តប្រើប្រាស់ទីផ្សារអឺរ៉ុប ដែលមានអតិថិជនយ៉ាងច្រើន។
យ៉ាងណាមិញ អធិការបតី Merkel និយាយថា ការចរចាលើលក្ខខណ្ឌលែងលះដែលអនុវត្តតាមមាត្រា៥០ សន្ធិសញ្ញា Lisbon ត្រូវធ្វើដំណើរទៅមុនការចរចានៃទំនាក់ទំនងពាណិជ្ជកម្ម ដែលអាចធ្វើឡើងភ្លាមៗក្រោយការចរចាលែងលះចេញលទ្ធផល។ បើតាម Guardian ពីរដ្ឋធានីបែរឡាំង លោកស្រី Merkel បញ្ជាក់ថា ការចរចា នឹងផ្ដោតសំខាន់លើលក្ខខណ្ឌដើម្បីផ្ដាច់ទំនាក់ទំនងជាមួយអង់គ្លេស បន្ទាប់មកត្រូវរកពេលវេលាដើម្បីផ្ដើមការចរចាសម្រាប់រឿងអនាគតបន្តទៀត។
តាមពិតទៅ ការចាកចេញរបស់ចក្រភអង់គ្លេស មិនមែនជារឿងដែលគេឯងចង់ឲ្យកើតឡើងឡើយ។ ប្រធានក្រុមប្រឹក្សាអឺរ៉ុប Donald Tusk ព្រមានថា មិនមានអ្នកណាឈ្នះក្នុងការលែងលះនេះឡើយ ហើយ២ឆ្នាំនៃការចរចា គឺជាពេលវេលាដែលមិនច្បាស់លាស់ និងពិបាកគ្រប់គ្រង។ ជាមួយការសោកស្ដាយពេលទទួលលិខិតលែងលះ លោក Tusk បន្តថា មិនចាំបាច់ធ្វើជាសប្បាយចិត្តអ្វីឡើយ ហើយប្រជាជនអឺរ៉ុបភាគច្រើន និងប្រជជនអង់គ្លេសជិតពាក់កណ្ដាល សុទ្ធតែមិនចង់ចែកផ្លូវគ្នាទេ។
យ៉ងណាក្ដី អង់គ្លេសអនុវត្តតាមមាត្រា៥០ សន្ធិសញ្ញា Lisbon ទៅហើយ។ ២ឆ្នាំបន្ទាប់ពីនេះ គឺជារយៈពេលចរចាដើម្បីលទ្ធផលដែលគ្រប់គ្នាសុទ្ធតែអាចទទួលយកបាន។ លទ្ធផលនៃការចរចានេះ នឹងកំណត់វាសនាចក្រភពអង់គ្លេស ដែលមានទំហំសេដ្ឋកិច្ច២,៦ ទ្រីលានដុល្លារ និងជាមហាអំណាចនុយក្លេអ៊ែរទៀតផង។ នេះ ក៏ជាការវាយប្រហារយ៉ាងខ្លាំងលើសហភាពអឺរ៉ុបផងដែរ ខណៈដែលនាយករដ្ឋមន្ត្រី May ប្រកាសហើយថា មកដល់ចំណុចនេះ គឺគ្មានផ្លូវបកក្រោយឡើយ៕
Tag:
Brexit
អឺរ៉ុប
អាល្លឺម៉ង់
Angela Merkel
Theresa May
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
9 ម៉ោង
