ពីនេះ ពីនោះ
ពេលខ្លះ អក្សរ «វ» អាចប្រែរូបទៅជាអក្សរ «ព»
× នៅក្នុងភាសាខ្មែរ ពេលខ្លះ អក្សរ «វ» អាចផ្លាស់ប្តូរទៅជា អក្សរ «ព» បាន។ ពាក្យនោះ នៅមានអត្ថន័យដើម ដដែល ទោះបំលែងអក្សរ «វ» ទៅជាអក្សរ «ព» ក៏ដោយ។
ពាក្យទាំងនោះ មានដូចជា ទេវី ឬ ទេពី, ទេវតា ឬ ទេពតា, វង្ស ឬ ពង្ស, វានរ ឬ ពានរ, វានរី ឬ ពានរី, វិធី ឬ ពិធី, វិធុរ ឬ ពិធុរ, វិន័យ ឬ ពិន័យ, វិឃាត ឬ ពិឃាត, វិចិត្រ ឬ ពិចិត្រ, វិជ័យ ឬ ពិជ័យ, វិសាខ ឬ ពិសាខ, វិសាល ឬ ពិសាល, វិរុទ្ធ ឬ ពិរុទ្ធ, វិសុទ្ធិ ឬ ពិសុទ្ធិ, វិសិដ្ឋ ឬ ពិសិដ្ឋ, វិសេស ឬ ពិសេស, វិស្ណុ ឬ ពិស្ណុ, វិរោធ ឬ ពិរោធ ។ល។
ទោះពាក្យខាងលើ អាចសរសេរបានពីរបែប ពោលគឺ មួយ ប្រើអក្សរ «វ» ហើយមួយទៀត ប្រើអក្សរ «ព» ក៏ដោយ តែពាក្យទាំងនោះ នៅរក្សាអត្ថន័យតែមួយ។ ជាក់ស្តែង ដូចជាពាក្យ វង្ស ឬ ពង្ស នៅតែមានអត្ថន័យដូចគ្នាថា «ត្រកូល, ពូជ, អម្បូរ»។ ពាក្យ វង្ស ឬ ពង្ស មិនបានប្រែប្រួលអត្ថន័យ ដោយសារតែការសរសេរខុសគ្នានោះទេ។
ការបកស្រាយនេះ គឺពឹងផ្អែកលើវចនានុក្រម សម្តេច ជួន ណាត ជាគោល៕
Tag:
ពន្យល់
អក្សរ «វ និង ព»
© រក្សាសិទ្ធិដោយ thmeythmey.com