អន្តរជាតិ
កូរ៉េខាងត្បូងព្រមានកូរ៉េខាងជើង «វាជារឿងល្ងង់ខ្លៅ បើកូរ៉េខាងជើងសាកល្បងនុយក្លេអ៊ែរពេលនេះ»
ប្រធានាធិបតីថ្មីកូរ៉េខាងត្បូងលោក-មូន-ចេអ៊ីន-និងមេដឹកនាំកំពូលកូរ៉េខាងជើង-គីម-ជុងអ៊ុន
×![]()
ដោយ: តន ចាន់រិទ្ធារ៉ា
កូរ៉េខាងត្បូង នៅថ្ងៃទី១០ ខែឧសភា បានព្រមានកូរ៉េខាងជើង ដែលចង់សាកល្បងនុយក្លេអ៊ែរនៅកាលៈទេសៈបច្ចុប្បន្ន ខណៈដែលលោក មូន ចេអ៊ីន (Moon Jae-in) ទើបស្បថចូលកាន់តំណែងប្រធានាធិបតីថ្មីកូរ៉េខាងត្បូងនោះ។ កូរ៉េខាងត្បូងប្រាប់កូរ៉េខាងជើងកុំឲ្យធ្វើអំពើឆ្កួតឡប់របៀបនេះទៀតឡើយ ព្រោះកូរ៉េខាងត្បូងនឹងត្រូវបង្ខំចិត្តផ្អាករាល់ការសន្ទនាទាំងអស់ជាមួយកូរ៉េខាងជើង បើទោះជាប្រធានាធិបតីថ្មីមានជំហរមិនតឹងរ៉ឹងក៏ដោយ។
ជាថ្មីម្ដងទៀត កូរ៉េខាងជើងបានបង្ហាញបំណងសាកល្បងនុយក្លេអ៊ែរលើកទី៦ របស់ខ្លួន ចំពេលដែល កូរ៉េខាងត្បូងកំពុងផ្លាស់ប្ដូរអ្នកដឹកនាំដែរនោះ។ ស្របពេលលោក មូន ចេអ៊ីន ក្លាយជាប្រធានាធិបតីទី១៩ របស់កូរ៉េខាងត្បូង ប្រេសិតកូរ៉េខាងជើងប្រចាំងចក្រភពអង់គ្លេស Choe Il បានរំឮកម្ដងទៀតពីផែនការសាកល្បងនុយក្លេអ៊ែរនៅគ្រប់ពេលវេលា និងគ្រប់ទីកន្លែងតាមការចង់បានរបស់មេដឹកនាំកំពូលរបស់ខ្លួន។
តាមពិតទៅ នេះមិនមែនជារឿងចម្លែកឡើយ ព្រោះកូរ៉េខាងជើងចង់សាកល្បងនុយក្លេអ៊ែរជាយូរមកហើយ។ ប៉ុន្តែអ្វីដែលប្លែកនោះ ការរំឮករឿងសាកល្បងនេះ ធ្វើឡើងចំពេលកូរ៉េខាងត្បូងទើបមានប្រធានាធិបតីថ្មី ក្រោយទំនេរអស់ពេលច្រើនខែដោយសារការទម្លាក់លោកស្រី ប៉ាក ហ្គឺនហេ ។ ក្រសួងបង្រួបបង្រួមកូរ៉េរបស់កូរ៉េខាងត្បូងលើកឡើងថា វាជារឿងឡប់ៗ បើកូរ៉េខាងជើងពិតជាសាកល្បងនុយក្លេអ៊ែរពេលនេះ។
«លោក មូន ចេអ៊ីន បានព្រមានរួចហើយថា ក្នុងករណីកូរ៉េខាងជើងសាកល្បងនុយក្លេអ៊ែរបន្ថែមទៀត គ្រប់យ៉ាងទាំងអស់រួមទាំងកិច្ចសន្ទនាអន្តរកូរ៉េ នឹងមិនដំណើរការឡើយ»។ នេះជាសម្ដីព្រមានរបស់អ្នកនាំពាក្យក្រសួងបង្រួបបង្រួមកូរ៉េ នៅថ្ងៃទី១០ ខែឧសភា ដែលផ្សាយដោយទីភ្នាក់ងារព័ត៌មាន Yonhap ។ នេះក៏មានន័យថា ខណៈលោក មូន ចេអ៊ីន ចង់ដោះស្រាយបញ្ហាដោយការចរចាទៅហើយនោះ កូរ៉េខាងជើង ក៏ត្រូវបង្ហាញអាកប្បកិរិយាវិជ្ជមានវិញដែរ។
កាលពីពេលឃោសនារកសំឡេងឆ្នោត លោក មូន ចេអ៊ីន បានលើកឡើងដំណោះស្របគ្នាពីរ ដើម្បីដោះស្រាយបញ្ហានុយក្លេអ៊ែកូរ៉េខាងជើង គឺជំរុញការលុបបំបាត់នុយក្លេអ៊ែរ និងការចរចាជាមួយក្រុងព្យុងយ៉ាង។ ប្រធានាធិបតីរូបនេះ ក៏ថែមទាំងចង់ដំណើរការតំបន់ឧស្សាហកម្មពិសេស Kaesong និងដំណើរទេសចរណ៍ភ្នំ Kumgang ទៀតផង ប៉ុន្តែលោកដាក់លក្ខខណ្ឌថា អ្វីៗនឹងដំណើរការទៅមុខ បើកូរ៉េខាងជើងផ្អាកកម្មវិធីនុយក្លេអ៊ែរ។
សូមរំឮកបន្តិចទៅ កូរ៉េខាងជើង បានសាកល្បងនុយក្លេអ៊ែរចំនួន៥ដងហើយ។ កាលពីខែមុន រដ្ឋកុម្មុយនីស្តមួយនេះ ក៏គំរាមសាកល្បងនុយក្លេអ៊ែម្ដងទៀតដែរ ប៉ុន្តែក៏សម្រេចចិត្តមិនសាកល្បងវិញ។ នេះ ទំនងជាក្រុងព្យុងយ៉ាង មិនចង់សាកល្បងការអត់ធ្មត់របស់អាមេរិក ដែលបានបញ្ជូននាវាដឹកយន្តហោះ និងនាវាមុជទឹកមកក្បែរឧបទ្វីបកូរ៉េជាបន្តបន្ទាប់។ រដ្ឋបាលអាមេរិក ក៏អះអាងដែរថា ការប្រើប្រាស់កម្លាំងយោធា មិនត្រូវបានបោះបង់ចោលឡើយ៕
ជាថ្មីម្ដងទៀត កូរ៉េខាងជើងបានបង្ហាញបំណងសាកល្បងនុយក្លេអ៊ែរលើកទី៦ របស់ខ្លួន ចំពេលដែល កូរ៉េខាងត្បូងកំពុងផ្លាស់ប្ដូរអ្នកដឹកនាំដែរនោះ។ ស្របពេលលោក មូន ចេអ៊ីន ក្លាយជាប្រធានាធិបតីទី១៩ របស់កូរ៉េខាងត្បូង ប្រេសិតកូរ៉េខាងជើងប្រចាំងចក្រភពអង់គ្លេស Choe Il បានរំឮកម្ដងទៀតពីផែនការសាកល្បងនុយក្លេអ៊ែរនៅគ្រប់ពេលវេលា និងគ្រប់ទីកន្លែងតាមការចង់បានរបស់មេដឹកនាំកំពូលរបស់ខ្លួន។
តាមពិតទៅ នេះមិនមែនជារឿងចម្លែកឡើយ ព្រោះកូរ៉េខាងជើងចង់សាកល្បងនុយក្លេអ៊ែរជាយូរមកហើយ។ ប៉ុន្តែអ្វីដែលប្លែកនោះ ការរំឮករឿងសាកល្បងនេះ ធ្វើឡើងចំពេលកូរ៉េខាងត្បូងទើបមានប្រធានាធិបតីថ្មី ក្រោយទំនេរអស់ពេលច្រើនខែដោយសារការទម្លាក់លោកស្រី ប៉ាក ហ្គឺនហេ ។ ក្រសួងបង្រួបបង្រួមកូរ៉េរបស់កូរ៉េខាងត្បូងលើកឡើងថា វាជារឿងឡប់ៗ បើកូរ៉េខាងជើងពិតជាសាកល្បងនុយក្លេអ៊ែរពេលនេះ។
«លោក មូន ចេអ៊ីន បានព្រមានរួចហើយថា ក្នុងករណីកូរ៉េខាងជើងសាកល្បងនុយក្លេអ៊ែរបន្ថែមទៀត គ្រប់យ៉ាងទាំងអស់រួមទាំងកិច្ចសន្ទនាអន្តរកូរ៉េ នឹងមិនដំណើរការឡើយ»។ នេះជាសម្ដីព្រមានរបស់អ្នកនាំពាក្យក្រសួងបង្រួបបង្រួមកូរ៉េ នៅថ្ងៃទី១០ ខែឧសភា ដែលផ្សាយដោយទីភ្នាក់ងារព័ត៌មាន Yonhap ។ នេះក៏មានន័យថា ខណៈលោក មូន ចេអ៊ីន ចង់ដោះស្រាយបញ្ហាដោយការចរចាទៅហើយនោះ កូរ៉េខាងជើង ក៏ត្រូវបង្ហាញអាកប្បកិរិយាវិជ្ជមានវិញដែរ។
កាលពីពេលឃោសនារកសំឡេងឆ្នោត លោក មូន ចេអ៊ីន បានលើកឡើងដំណោះស្របគ្នាពីរ ដើម្បីដោះស្រាយបញ្ហានុយក្លេអ៊ែកូរ៉េខាងជើង គឺជំរុញការលុបបំបាត់នុយក្លេអ៊ែរ និងការចរចាជាមួយក្រុងព្យុងយ៉ាង។ ប្រធានាធិបតីរូបនេះ ក៏ថែមទាំងចង់ដំណើរការតំបន់ឧស្សាហកម្មពិសេស Kaesong និងដំណើរទេសចរណ៍ភ្នំ Kumgang ទៀតផង ប៉ុន្តែលោកដាក់លក្ខខណ្ឌថា អ្វីៗនឹងដំណើរការទៅមុខ បើកូរ៉េខាងជើងផ្អាកកម្មវិធីនុយក្លេអ៊ែរ។
សូមរំឮកបន្តិចទៅ កូរ៉េខាងជើង បានសាកល្បងនុយក្លេអ៊ែរចំនួន៥ដងហើយ។ កាលពីខែមុន រដ្ឋកុម្មុយនីស្តមួយនេះ ក៏គំរាមសាកល្បងនុយក្លេអ៊ែម្ដងទៀតដែរ ប៉ុន្តែក៏សម្រេចចិត្តមិនសាកល្បងវិញ។ នេះ ទំនងជាក្រុងព្យុងយ៉ាង មិនចង់សាកល្បងការអត់ធ្មត់របស់អាមេរិក ដែលបានបញ្ជូននាវាដឹកយន្តហោះ និងនាវាមុជទឹកមកក្បែរឧបទ្វីបកូរ៉េជាបន្តបន្ទាប់។ រដ្ឋបាលអាមេរិក ក៏អះអាងដែរថា ការប្រើប្រាស់កម្លាំងយោធា មិនត្រូវបានបោះបង់ចោលឡើយ៕
Tag:
កូរ៉េខាងត្បូង
កូរ៉េខាងជើង
Moon Jae-in
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
8 ម៉ោង
