អន្តរជាតិ
ប្រធានាធិបតីរុស្ស៊ី វ្ល៉ាឌីមៀ ពូទីន កំពុងអង្គុយលេងព្យ៉ាណូ (រូបភាព Sputnik)
×![]()
ដោយ: តន ចាន់រិទ្ធារ៉ា
មិនត្រឹមតែជាមេដឹកនាំប្រទេសមហាអំណាចនិងមានសមត្ថភាពកីឡាឡើយ ប្រធានាធិបតីរុស្ស៊ី វ្ល៉ាឌីមៀ ពូទីន ក៏មានសមត្ថភាពពិសេសខាងសិល្បៈដែរ។ នៅថ្ងៃទី១៤ ខែឧសភា ខណៈកំពុងរង់ចាំជួបប្រធានាធិបតីចិន ស៊ី ជីនភីង ដែលជាម្ចាស់ផ្ទះវេទិកា «ខ្សែក្រវ៉ាត់មួយ វិថីមួយ» លោក ពូទីន ក៏បានលេងឧបករណ៍ភ្លេងព្យ៉ាណូសិន ព្រោះលោក ស៊ី ជីនភីង កំពុងរវល់ជួបជជែកជាមួយមេដឹកនាំបរទេសជាភ្ញៀវដូចគ្នា។
ចម្រៀង Moscow Windows និង The City Over the Free Neva គឺជាបទចម្រៀងចំនួន២ ដែលប្រធានាធិបតីរុស្ស៊ី វ្ល៉ាឌីមៀ ប្រគំលេងដោយប្រើព្យ៉ាណូ ពេលលោកកំពុងរង់ចាំជួបសមភាគីចិន ស៊ី ជីនភីង ក្នុងរដ្ឋធានីប៉េកាំង។ លោក ពូទីន កំពុងស្ថិតនៅចិន ដើម្បីចូលរួមវេទិកាអន្តរជាតិស្ដីពីខ្សែក្រវ៉ាត់មួយ វិថីមួយ ដែលចិនជាម្ចាស់ផ្ទះ។
បើតាមទីភ្នាក់ងារព័ត៌មាន TASS លោក ពូទីន មានគម្រោងថ្លែងសុន្ទកថាក្នុងពិធីបើកវេទិកាអន្តរជាតិដ៏ធំមួយនេះ។ ប៉ុន្តែ លោកបានឆ្លៀតជួបជាមួយមេដឹកនាំបរទេសមួយចំនួនសិន មុនកម្មវិធីចាប់ផ្ដើមផ្លូវការ។ លោក បានធ្វើដំណើរទៅកាន់ផ្ទះសំណាក់ភ្ញៀវរដ្ឋ Diaoyutai ក្នុងរដ្ឋធានីប៉េកាំង ដើម្បីជួបសមភាគីបរទេស រួមទាំងប្រធានាធិបតីចិន ស៊ី ជីនភីង ផងដែរ។ ពេលរង់ចាំជួបប្រធានាធិបតីចិន លោកក៏អង្គុយលេងព្យ៉ាណូតែម្ដង។
យ៉ាងណាក្ដី នេះមិនមែនជាលើកទី១ ទេ ដែលប្រធានាធិបតីរុស្ស៊ីបង្ហាញសមត្ថភាពលេងព្យ៉ាណូជាសាធារណៈ។ កាលពីឆ្នាំ២០១០ លោក ពូទីន ដែលជានាយករដ្ឋមន្ត្រី បានលេងបទ From Where Does the Motherland Begin ដើម្បីរៃអង្គាសប្រាក់សម្រាប់ប្រយុទ្ធប្រឆាំងជំងឺមហារីក និងជំងឺភ្នែកដែលកើតលើកុមារ។ មកទល់ឆ្នាំ២០១៤ លោក ពូទីន ក៏បានលេងបទ Moscow Windows ដែរ៕
ចម្រៀង Moscow Windows និង The City Over the Free Neva គឺជាបទចម្រៀងចំនួន២ ដែលប្រធានាធិបតីរុស្ស៊ី វ្ល៉ាឌីមៀ ប្រគំលេងដោយប្រើព្យ៉ាណូ ពេលលោកកំពុងរង់ចាំជួបសមភាគីចិន ស៊ី ជីនភីង ក្នុងរដ្ឋធានីប៉េកាំង។ លោក ពូទីន កំពុងស្ថិតនៅចិន ដើម្បីចូលរួមវេទិកាអន្តរជាតិស្ដីពីខ្សែក្រវ៉ាត់មួយ វិថីមួយ ដែលចិនជាម្ចាស់ផ្ទះ។
បើតាមទីភ្នាក់ងារព័ត៌មាន TASS លោក ពូទីន មានគម្រោងថ្លែងសុន្ទកថាក្នុងពិធីបើកវេទិកាអន្តរជាតិដ៏ធំមួយនេះ។ ប៉ុន្តែ លោកបានឆ្លៀតជួបជាមួយមេដឹកនាំបរទេសមួយចំនួនសិន មុនកម្មវិធីចាប់ផ្ដើមផ្លូវការ។ លោក បានធ្វើដំណើរទៅកាន់ផ្ទះសំណាក់ភ្ញៀវរដ្ឋ Diaoyutai ក្នុងរដ្ឋធានីប៉េកាំង ដើម្បីជួបសមភាគីបរទេស រួមទាំងប្រធានាធិបតីចិន ស៊ី ជីនភីង ផងដែរ។ ពេលរង់ចាំជួបប្រធានាធិបតីចិន លោកក៏អង្គុយលេងព្យ៉ាណូតែម្ដង។
យ៉ាងណាក្ដី នេះមិនមែនជាលើកទី១ ទេ ដែលប្រធានាធិបតីរុស្ស៊ីបង្ហាញសមត្ថភាពលេងព្យ៉ាណូជាសាធារណៈ។ កាលពីឆ្នាំ២០១០ លោក ពូទីន ដែលជានាយករដ្ឋមន្ត្រី បានលេងបទ From Where Does the Motherland Begin ដើម្បីរៃអង្គាសប្រាក់សម្រាប់ប្រយុទ្ធប្រឆាំងជំងឺមហារីក និងជំងឺភ្នែកដែលកើតលើកុមារ។ មកទល់ឆ្នាំ២០១៤ លោក ពូទីន ក៏បានលេងបទ Moscow Windows ដែរ៕
Tag:
ចិន
រុស្ស៊ី
ស៊ី ជីនភីង
វ្ល៉ាឌីមៀ ពូទីន
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
