អន្តរជាតិ
ប្រធានាធិបតីហ្វីលីពីន រ៉ូឌ្រីហ្គោ ឌូទើតេ ចាប់ដៃប្រធានាធិបតីចិន ស៊ី ជីនភីង (រូបភាព Xinhua)
×![]()
ដោយ: តន ចាន់រិទ្ធារ៉ា
បន្ទាប់ពីត្រឡប់ពីទស្សនកិច្ចនៅចិនភ្លាមៗ ប្រធានាធិបតីហ្វីលីពីន រ៉ូឌ្រីហ្គោ ឌូទើតេ បានធានាចំពោះប្រជាជនហ្វីលីពីនថា ចិនមិនមានគំនិតវៀចវេរឡើយក្នុងការផ្ដល់កម្ចីរាប់លានដុល្លារសម្រាប់ការសាងសង់ហេដ្ឋារចនាសម្ព័ន្ធធំៗ ក្នុងប្រទេស។ លោក ឌូទើតេ ធានាដូចនេះ ដើម្បីឆ្លើយតបនឹងការព្រួយបារម្ភជុំវិញប្រាក់កម្ចីសន្ធឹកសន្ធាប់របស់ចិនដែលហូរចូលហ្វីលីពីន ហើយអាចធ្វើឲ្យហ្វីលីពីនក្លាយទៅជាទាសករបំណុលរបស់មហាយក្សចិនទៀតផង។
ប្រធានាធិបតី រ៉ូឌ្រីហ្គោ ឌូទើតេ ទៅដល់ហ្វីលីពីនវិញហើយ បន្ទាប់បានចូលរួមវេទិកាខ្សែក្រវ៉ាត់ និងវិថី ដែលចិនជាម្ចាស់ផ្ទះ។ ក្រៅពីចូលរួមវេទិកាដ៏ធំនេះ លោក ឌូទើតេ ក៏បានជួបជាមួយមេដឹកនាំចិនមានប្រធានាធិបតី ស៊ី ជីនភីង និង នាយករដ្ឋមន្ត្រី លី ខឺឈាំង ព្រមទាំងធ្វើជាសាក្សីក្នុងការកិច្ចព្រមព្រៀងកម្ចីលើគម្រោងសាងសង់ហេដ្ឋារចនាសម្ព័ន្ធធំៗជាច្រើន។ ប៉ុន្តែទឹកប្រាក់កម្ចីរាប់លានដុល្លារនេះ កំពុងធ្វើឲ្យប្រជាជនហ្វីលីពីនបារម្ភខ្លាំងរឿងជំពាក់បំណុលចិនទៅវិញ។
យ៉ាងណាក្ដី លោក ឌូទើតេ ដែលទើបត្រឡប់ពីទស្សនកិច្ចនៅចិន បានអះអាងថា ការប្ដេជ្ញាចិត្តរបស់ខ្លួនចំពោះហ្វីលីពីនជារឿងស្មោះត្រង់ ហើយចិនក៏កំពុងជួយបង្កើតការងារសម្រាប់ប្រជាជនហ្វីលីពីនដែរ។ ក្នុងសន្និសីទកាសែតទៀបភ្លឺនៅទីក្រុង Davao ថ្ងៃទី១៦ ខែឧសភា លោក ឌូទើតេ និយាយថា មេដឹកនាំចិនទាំងប្រធានាធិបតី និងនាយករដ្ឋមន្ត្រី សុទ្ធតែបង្ហាញការប្ដេជ្ញាចិត្តមុតមាំរបស់ខ្លួនក្នុងការជំរុញគម្រោងហេដ្ឋារចនាសម្ព័ន្ធ ដែលបានព្រមព្រៀងកាលពីមុន។
បើតាមសារព័ត៌មាន Rappler ប្រធានាធិបតីហ្វីលីពីន សប្បាយចិត្តដែលមេដឹកនាំចិនបង្ហាញជំហរស្មោះត្រង់ចំពោះហ្វីលីពីន ព្រោះការជួយរបស់ចិនបង្កើតការងារសម្រាប់ប្រជាជនរបស់លោក។ ដោយនិយាយសំដៅ «គំនិតផ្ដួចផ្ដើមខ្សែក្រវ៉ាត់មួយ និងវិថីមួយ» របស់ចិន លោក ឌូទើតេ បញ្ជាក់ថា ចិនចង់បានតំបន់មួយដែលមានសន្តិភាព ព្រោះវានឹងផ្ដល់ការរីកចម្រើនត្រឡប់ទៅឲ្យចិនវិញផង។
បើទោះជាមានការព្រួយបារម្ភខ្លាំងលើការខ្ចីប្រាក់សន្ធឹកសន្ធាប់ក្ដី ទៅចិនមួយជើងនេះ លោក ឌូទើតេ ក៏មិនបានមកវិញដោយដៃទទេរឡើយ។ នៅថ្ងៃទី១៥ ខែឧសភា លោក ឌូទើតេ និងសមភាគីចិន ស៊ី ជីនភីង ក៏បានធ្វើជាសាក្សីលើការចុះកិច្ចព្រមព្រៀងចំនួន៤ ដែលក្នុងនោះក៏មានកិច្ចព្រមព្រៀងផ្ដល់ជំនួយជាង៧២លានដុល្លារ សម្រាប់ការសាងសង់ស្ពានចំនួន២ ក្នុងរដ្ឋធានីម៉ានីល ក៏ដូចជាកិច្ចព្រមពៀងស្ដីពីថាមពល និងគមនាគមន៍ផងដែរ។
សូមបញ្ជាក់ថា ចាប់តាំងពីលោក ឌូទើតេ ចូលកាន់តំណែងមក ទំនាក់ទំនងរវាងហ្វីលីពីន និងចិន ដែលធ្លាប់តែល្អក់កករដោយជម្លោះសមុទ្រចិនខាងត្បូង ប្រែជាល្អូកល្អឺនហួសការស្មាន។ ចិន បានផ្ដល់ជំនួយ និងកម្ចីរាប់លានដុល្លារសម្រាប់រដ្ឋាភិបាលហ្វីលីពីន ព្រមទាំងសន្យាជួយហ្វីលីពីន ពេលត្រូវការទៀតផង។ ការងាកទៅរកចិនខ្លាំងពេកនៅពេលនេះ ធ្វើឲ្យគេបារម្ភថាផលប្រយោជន៍ហ្វីលីពីនអាចត្រូវបាត់បង់ ព្រោះជំនួយរបស់ចិនដែលហូរចូលយ៉ាងច្រើននេះ អាចក្លាយជាបំណុលវិញមិនខាន៕
ប្រធានាធិបតី រ៉ូឌ្រីហ្គោ ឌូទើតេ ទៅដល់ហ្វីលីពីនវិញហើយ បន្ទាប់បានចូលរួមវេទិកាខ្សែក្រវ៉ាត់ និងវិថី ដែលចិនជាម្ចាស់ផ្ទះ។ ក្រៅពីចូលរួមវេទិកាដ៏ធំនេះ លោក ឌូទើតេ ក៏បានជួបជាមួយមេដឹកនាំចិនមានប្រធានាធិបតី ស៊ី ជីនភីង និង នាយករដ្ឋមន្ត្រី លី ខឺឈាំង ព្រមទាំងធ្វើជាសាក្សីក្នុងការកិច្ចព្រមព្រៀងកម្ចីលើគម្រោងសាងសង់ហេដ្ឋារចនាសម្ព័ន្ធធំៗជាច្រើន។ ប៉ុន្តែទឹកប្រាក់កម្ចីរាប់លានដុល្លារនេះ កំពុងធ្វើឲ្យប្រជាជនហ្វីលីពីនបារម្ភខ្លាំងរឿងជំពាក់បំណុលចិនទៅវិញ។
យ៉ាងណាក្ដី លោក ឌូទើតេ ដែលទើបត្រឡប់ពីទស្សនកិច្ចនៅចិន បានអះអាងថា ការប្ដេជ្ញាចិត្តរបស់ខ្លួនចំពោះហ្វីលីពីនជារឿងស្មោះត្រង់ ហើយចិនក៏កំពុងជួយបង្កើតការងារសម្រាប់ប្រជាជនហ្វីលីពីនដែរ។ ក្នុងសន្និសីទកាសែតទៀបភ្លឺនៅទីក្រុង Davao ថ្ងៃទី១៦ ខែឧសភា លោក ឌូទើតេ និយាយថា មេដឹកនាំចិនទាំងប្រធានាធិបតី និងនាយករដ្ឋមន្ត្រី សុទ្ធតែបង្ហាញការប្ដេជ្ញាចិត្តមុតមាំរបស់ខ្លួនក្នុងការជំរុញគម្រោងហេដ្ឋារចនាសម្ព័ន្ធ ដែលបានព្រមព្រៀងកាលពីមុន។
បើតាមសារព័ត៌មាន Rappler ប្រធានាធិបតីហ្វីលីពីន សប្បាយចិត្តដែលមេដឹកនាំចិនបង្ហាញជំហរស្មោះត្រង់ចំពោះហ្វីលីពីន ព្រោះការជួយរបស់ចិនបង្កើតការងារសម្រាប់ប្រជាជនរបស់លោក។ ដោយនិយាយសំដៅ «គំនិតផ្ដួចផ្ដើមខ្សែក្រវ៉ាត់មួយ និងវិថីមួយ» របស់ចិន លោក ឌូទើតេ បញ្ជាក់ថា ចិនចង់បានតំបន់មួយដែលមានសន្តិភាព ព្រោះវានឹងផ្ដល់ការរីកចម្រើនត្រឡប់ទៅឲ្យចិនវិញផង។
បើទោះជាមានការព្រួយបារម្ភខ្លាំងលើការខ្ចីប្រាក់សន្ធឹកសន្ធាប់ក្ដី ទៅចិនមួយជើងនេះ លោក ឌូទើតេ ក៏មិនបានមកវិញដោយដៃទទេរឡើយ។ នៅថ្ងៃទី១៥ ខែឧសភា លោក ឌូទើតេ និងសមភាគីចិន ស៊ី ជីនភីង ក៏បានធ្វើជាសាក្សីលើការចុះកិច្ចព្រមព្រៀងចំនួន៤ ដែលក្នុងនោះក៏មានកិច្ចព្រមព្រៀងផ្ដល់ជំនួយជាង៧២លានដុល្លារ សម្រាប់ការសាងសង់ស្ពានចំនួន២ ក្នុងរដ្ឋធានីម៉ានីល ក៏ដូចជាកិច្ចព្រមពៀងស្ដីពីថាមពល និងគមនាគមន៍ផងដែរ។
សូមបញ្ជាក់ថា ចាប់តាំងពីលោក ឌូទើតេ ចូលកាន់តំណែងមក ទំនាក់ទំនងរវាងហ្វីលីពីន និងចិន ដែលធ្លាប់តែល្អក់កករដោយជម្លោះសមុទ្រចិនខាងត្បូង ប្រែជាល្អូកល្អឺនហួសការស្មាន។ ចិន បានផ្ដល់ជំនួយ និងកម្ចីរាប់លានដុល្លារសម្រាប់រដ្ឋាភិបាលហ្វីលីពីន ព្រមទាំងសន្យាជួយហ្វីលីពីន ពេលត្រូវការទៀតផង។ ការងាកទៅរកចិនខ្លាំងពេកនៅពេលនេះ ធ្វើឲ្យគេបារម្ភថាផលប្រយោជន៍ហ្វីលីពីនអាចត្រូវបាត់បង់ ព្រោះជំនួយរបស់ចិនដែលហូរចូលយ៉ាងច្រើននេះ អាចក្លាយជាបំណុលវិញមិនខាន៕
Tag:
ហ្វីលីពីន
រ៉ូឌ្រីហ្គោ ឌូទើតេ
ចិន
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
