ជាតិ
រយៈពេល១៤ថ្ងៃ ឯកឧត្តម កឹម សុខា នឹងដើរឃោសនារកសំឡេងឆ្នោត នៅគ្រប់រាជធានី-ខេត្ត
×![]()
ដោយ: ម៉ៅ សុផា
ភ្នំពេញ៖ តាមការកំណត់នៅក្នុងកម្មវិធីរបស់ខ្លួន ឯកឧត្តម កឹម សុខា ប្រធានគណបក្សសង្គ្រោះជាតិ នឹងចុះទៅឲ្យគ្រប់២៥រាជធានី-ខេត្ត ក្នុងប្រទេសកម្ពុជា ដើម្បីឃោសនា រកសំឡេងឆ្នោត សម្រាប់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ នាអាណត្តិទី៤ នេះ។ រយៈពេលពីរ-បីថ្ងៃនេះ ឯកឧត្តម កឹម សុខា បានចុះទៅឃោសនា ដល់រាជធានី-ខេត្ត មួយចំនួនហើយ ដែលរួមមាន រាជធានីភ្នំពេញ ខេត្តកណ្តាល ខេត្តតាកែវ ខេត្តកំពត ខេត្តកែប ខេត្តព្រះសីហនុ និងខេត្តកោះកុង។
ចាប់តាំងពីរាជធានីភ្នំពេញ រហូតដល់បណ្តាខេត្តនានា ឯកឧត្តម កឹម សុខា បានបរិយាយយ៉ាងច្រើនអំពីគោលនយោបាយអាទិភាពទាំង៥ចំណុច ដែលគណបក្សសង្គ្រោះជាតិ បានបង្កើតឡើង សម្រាប់ការឃោសនានេះ។ គោលនយោបាយទាំង៥ចំណុចនោះ គឺការពង្រឹងសិទ្ធិអំណាចប្រជាពលរដ្ឋ, ការលើកកម្ពស់ជីវភាពប្រជាពលរដ្ឋ និងអភិវឌ្ឍន៍លើវិស័យនានា, ការពង្រឹកគុណភាពនៃការផ្តល់សេវាសាធារណៈ, ការពង្រឹងសន្ដិសុខ និងវិមជ្ឈការ នូវគោលនយោបាយថ្នាក់ជាតិ ទៅថ្នាក់ក្រោមជាតិ (ឃុំ-សង្កាត់)។
អ្វីដែលឯកឧត្តម កឹម សុខា ហាក់សង្កត់ធ្ងន់ជាងគេ ហើយតែងតែលើកឡើងជារឿយៗ នៅក្នុងចំណោមគោលនយោបាយខាងលើ គឺការធ្វើវិមជ្ឈការ អំណាច និងតួនាទី រួមទាំងថវិកា ទៅឲ្យឃុំ-សង្កាត់។ ឯកឧត្តម កឹម សុខា ហ៊ានសន្យាថា គណបក្សសង្គ្រោះជាតិ នឹងទម្លាក់ថវិកាចំនួន ៥0ម៉ឺនដុលា្លរ ទៅឲ្យឃុំ-សង្កាត់នីមួយៗ ដើម្បីអភិវឌ្ឍវិស័យនានា ដូចជាការអប់រំ ប្រព័ន្ធសុខាភិបាល កសិកម្ម ផ្លូវថ្នល់ រួមទាំងជីវភាពរបស់ប្រជាពលរដ្ឋ នៅតាមមូលដ្ឋាន។
យ៉ាងណាក៏ចុះ ការទម្លាក់ថវិកាទៅឲ្យថ្នាក់ឃុំ-សង្កាត់ ដូចការសន្យាខាងលើ នឹងអាចធ្វើទៅបាន លុះត្រាតែគណបក្សសង្គ្រោះជាតិ ឈ្នះការបោះឆ្នោតថ្នាក់ជាតិ ហើយបានដឹកនាំរដ្ឋាភិបាល។
ក្រៅពីឯកឧត្តម កឹម សុខា មន្ត្រីជាន់ខ្ពស់គណបក្សសង្គ្រោះជាតិដទៃទៀត ក៏បានចុះទៅឃោសនារកសំឡេងឆ្នោតផងដែរ នៅក្នុងខេត្ត ដែលខ្លួនទទួលខុសត្រូវ។
គេ សង្កេតឃើញ គណបក្សសង្គ្រោះជាតិ និងគណបក្សប្រជាជនកម្ពុជា ដែលបានចេញធ្វើយុទ្ធនាការនៃការឃោសនាបោះឆ្នោតយ៉ាងគគ្រឹកគគ្រេង ជាងគេ។ មានតែគណបក្សធំៗទាំងពីរនេះទេ ដែលបានដាក់បេក្ខជននៅគ្រប់ឃុំ-សង្កាត់ទាំង១៦៤៦ ក្នុងប្រទេសកម្ពុជា សម្រាប់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ ដែលនឹងប្រព្រឹត្តទៅនៅថ្ងៃទី៤ ខែមិថុនា ឆ្នាំ២0១៧៕
ចាប់តាំងពីរាជធានីភ្នំពេញ រហូតដល់បណ្តាខេត្តនានា ឯកឧត្តម កឹម សុខា បានបរិយាយយ៉ាងច្រើនអំពីគោលនយោបាយអាទិភាពទាំង៥ចំណុច ដែលគណបក្សសង្គ្រោះជាតិ បានបង្កើតឡើង សម្រាប់ការឃោសនានេះ។ គោលនយោបាយទាំង៥ចំណុចនោះ គឺការពង្រឹងសិទ្ធិអំណាចប្រជាពលរដ្ឋ, ការលើកកម្ពស់ជីវភាពប្រជាពលរដ្ឋ និងអភិវឌ្ឍន៍លើវិស័យនានា, ការពង្រឹកគុណភាពនៃការផ្តល់សេវាសាធារណៈ, ការពង្រឹងសន្ដិសុខ និងវិមជ្ឈការ នូវគោលនយោបាយថ្នាក់ជាតិ ទៅថ្នាក់ក្រោមជាតិ (ឃុំ-សង្កាត់)។
អ្វីដែលឯកឧត្តម កឹម សុខា ហាក់សង្កត់ធ្ងន់ជាងគេ ហើយតែងតែលើកឡើងជារឿយៗ នៅក្នុងចំណោមគោលនយោបាយខាងលើ គឺការធ្វើវិមជ្ឈការ អំណាច និងតួនាទី រួមទាំងថវិកា ទៅឲ្យឃុំ-សង្កាត់។ ឯកឧត្តម កឹម សុខា ហ៊ានសន្យាថា គណបក្សសង្គ្រោះជាតិ នឹងទម្លាក់ថវិកាចំនួន ៥0ម៉ឺនដុលា្លរ ទៅឲ្យឃុំ-សង្កាត់នីមួយៗ ដើម្បីអភិវឌ្ឍវិស័យនានា ដូចជាការអប់រំ ប្រព័ន្ធសុខាភិបាល កសិកម្ម ផ្លូវថ្នល់ រួមទាំងជីវភាពរបស់ប្រជាពលរដ្ឋ នៅតាមមូលដ្ឋាន។
យ៉ាងណាក៏ចុះ ការទម្លាក់ថវិកាទៅឲ្យថ្នាក់ឃុំ-សង្កាត់ ដូចការសន្យាខាងលើ នឹងអាចធ្វើទៅបាន លុះត្រាតែគណបក្សសង្គ្រោះជាតិ ឈ្នះការបោះឆ្នោតថ្នាក់ជាតិ ហើយបានដឹកនាំរដ្ឋាភិបាល។
ក្រៅពីឯកឧត្តម កឹម សុខា មន្ត្រីជាន់ខ្ពស់គណបក្សសង្គ្រោះជាតិដទៃទៀត ក៏បានចុះទៅឃោសនារកសំឡេងឆ្នោតផងដែរ នៅក្នុងខេត្ត ដែលខ្លួនទទួលខុសត្រូវ។
គេ សង្កេតឃើញ គណបក្សសង្គ្រោះជាតិ និងគណបក្សប្រជាជនកម្ពុជា ដែលបានចេញធ្វើយុទ្ធនាការនៃការឃោសនាបោះឆ្នោតយ៉ាងគគ្រឹកគគ្រេង ជាងគេ។ មានតែគណបក្សធំៗទាំងពីរនេះទេ ដែលបានដាក់បេក្ខជននៅគ្រប់ឃុំ-សង្កាត់ទាំង១៦៤៦ ក្នុងប្រទេសកម្ពុជា សម្រាប់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ ដែលនឹងប្រព្រឹត្តទៅនៅថ្ងៃទី៤ ខែមិថុនា ឆ្នាំ២0១៧៕
Tag:
ឃោសនា
© រក្សាសិទ្ធិដោយ thmeythmey.com
