អន្តរជាតិ
ក្រោយការបំផ្ទុះគ្រាប់បែក អង់គ្លេសពង្រាយកងទ័ព ខណៈការគំរាមកំហែងមានកម្រិតខ្ពស់បំផុត
×![]()
ដោយ: តន ចាន់រិទ្ធារ៉ា
នាយករដ្ឋមន្ត្រីចក្រភពអង់គ្លេស ថេរ៉េសា ម៉េយ៍ (Theresa May) បានប្រកាសថា ការគំរាមកំហែងមកលើចក្រភពអង់គ្លេសបានកើនឡើងដល់កម្រិតខ្ពស់បំផុត បន្ទាប់ពីការផ្ទុះគ្រាប់ក្នុងការប្រគំតន្ត្រីនៅទីក្រុងមេនឆេស្ទ័រនៅរាត្រីថ្ងៃទី២២ ខែឧសភា។ ចំនួនមនុស្សស្លាប់កើនឡើងដល់២២នាក់ ខណៈអ្នករបួសបានកើនឡើងលើស៥០នាក់ ចំណែកជនដៃដល់ក៏ត្រូវបានស្គាល់អត្តសញ្ញាណដែរហើយ។ ឯកងទ័ពវិញនឹងត្រូវពង្រាយនៅតាមទីតាំងសំខាន់ៗដើម្បីការពារការវាយប្រហារណាមួយ។
ការបំផ្ទុះគ្រាប់បែកនៅកន្លែងប្រគំតន្ត្រី Manchester Arena បានបង្ខំឲ្យនាយករដ្ឋមន្ត្រីអង់គ្លេស ថេរ៉េសា ម៉េយ៍ បង្កើនកម្រិតនៃការគំរាមកំហែងដល់ចំណុចខ្ពស់បំផុត។ កងទ័ពអង់គ្លេស នឹងត្រូវពង្រាយជំនួសប៉ូលិសនៅតាមទីសាធារណៈសំខាន់ក្នុងទីក្រុងនេះ និងនៅតាមព្រឹត្តការណ៍សំខាន់ៗមួយចំនួន។ ការពង្រាយយោធានេះ ធ្វើឡើងក្រោយមានការព្រួយបារម្ភថាការវាយប្រហារអាចនឹងកើតមានជាថ្មីទៀត។
ការវាយប្រហារដោយបំផ្ទុះគ្រាប់បែកក្នុងការប្រគំតន្ត្រីរបស់សិល្បករអាមេរិក Ariana Grande បានសម្លាប់មនុស្សដល់ទៅ២២នាក់ ដែលភាគច្រើនជាកុមារ និងរាប់សិបនាក់ទៀតរងរបួស។ បើតាមសារព័ត៌មាន BBC ប៉ូលិសក៏បានកំណត់អត្តសញ្ញាណជនសង្ស័យរួចហើយ។ Salman Abedi វ័យ២២ឆ្នាំ ជាជនសង្ស័យក្នុងហេតុការណ៍នេះ ហើយរូបក៏បានបាតបង់ជីវិតក្នុងពេលបំផ្ទុះគ្រាប់បែកដែរ។ នៅពេលនេះ ប៉ូលិសកំពុងបន្តការស៊ើបអង្កេត ដើម្បីកំណត់ឲ្យច្បាស់ថា Salman Abedi ធ្វើសកម្មភាពតែឯង ឬជាក្រុម។
ក្នុងសេចក្ដីថ្លែងការណ៍តាមទូរទស្សន៍ នាយករដ្ឋមន្ត្រី ម៉េយ៍ និយាយថា គេមិនអាចទាត់ចោលលទ្ធភាពដែល Salman Abedi ធ្វើសកម្មភាពជាក្រុមឡើយ។ ទំនងដោយសារមូលហេតុនេះ ទើបកងទ័ពត្រូវបានពង្រាយក្នុងទីក្រុងតែម្ដង។ វត្តមានរបស់កងទ័ពដែលការពារនៅក្នុងព្រឹត្តិការណ៍ធំៗមានមនុស្សច្រើនដូចជាការប្រគំតន្ត្រី និងការប្រកួតកីឡា នឹងជួយសម្រួលការងាររបស់ប៉ូលិស ដែលត្រូវដើរល្បាតវិញម្ដង។
ក្រុមជ្រុលនិយមរដ្ឋឥស្លាម ដែលកំពុងបាក់ទ័ពនៅមជ្ឈិមបូព៌ា បានប្រកាសទទួលខុសត្រូវការវាយប្រហារនេះ។ ប៉ុន្តែគេមិនអាចបញ្ជាក់ថាក្រុមនេះពិតជានៅពីក្រោយខ្នងមែនឬក៏យ៉ាងណាដែរ ដ្បិតជនសង្ស័យបានបាត់បង់ជីវិតទៅហើយ ហើយការស៊ើបអង្កេតកំពុងបន្តធ្វើនៅឡើយ។ នៅពេលនេះ ក្រុមមន្ត្រីសន្តិសុខរបស់អង់គ្លេស ក៏កំពុងញាប់ដៃញាប់ជើងក្នុងការស្វែងរកអ្នកពាក់ព័ន្ធផ្សេងទៀតផងដែរ។
ការបំផ្ទុះថ្ងៃទី២២ ខែឧសភា ដែលសម្លាប់មនុស្សជាង២០នាក់ ជាការវាយប្រហារបង្ហូរឈាមបំផុតនៅអង់គ្លេស ចាប់តាំងពីការវាយប្រហារលើប្រព័ន្ធធ្វើដំណើរនៅទីក្រុងឡុងដ៍កាលពីឆ្នាំ២០០៥ ដែលពេលនោះមនុស្សដល់ទៅ៥២នាក់បានបាត់បង់ជីវិត។ ការបំផ្ទុះលើកនេះ កើតឡើងខណៈដែលទស្សនិកជនចាប់ផ្ដើមចាកចេញពីកន្លែងប្រគំតន្ត្រីរបស់តារាចម្រៀង Ariana Grande ។ តាមរយៈវីដេអូដែលថតបាន មនុស្សជាច្រើនបានស្រែករកជំនួយ និងរត់ប្រសេចប្រសាចពេញកន្លែងប្រគំតន្ត្រី៕
ការបំផ្ទុះគ្រាប់បែកនៅកន្លែងប្រគំតន្ត្រី Manchester Arena បានបង្ខំឲ្យនាយករដ្ឋមន្ត្រីអង់គ្លេស ថេរ៉េសា ម៉េយ៍ បង្កើនកម្រិតនៃការគំរាមកំហែងដល់ចំណុចខ្ពស់បំផុត។ កងទ័ពអង់គ្លេស នឹងត្រូវពង្រាយជំនួសប៉ូលិសនៅតាមទីសាធារណៈសំខាន់ក្នុងទីក្រុងនេះ និងនៅតាមព្រឹត្តការណ៍សំខាន់ៗមួយចំនួន។ ការពង្រាយយោធានេះ ធ្វើឡើងក្រោយមានការព្រួយបារម្ភថាការវាយប្រហារអាចនឹងកើតមានជាថ្មីទៀត។
ការវាយប្រហារដោយបំផ្ទុះគ្រាប់បែកក្នុងការប្រគំតន្ត្រីរបស់សិល្បករអាមេរិក Ariana Grande បានសម្លាប់មនុស្សដល់ទៅ២២នាក់ ដែលភាគច្រើនជាកុមារ និងរាប់សិបនាក់ទៀតរងរបួស។ បើតាមសារព័ត៌មាន BBC ប៉ូលិសក៏បានកំណត់អត្តសញ្ញាណជនសង្ស័យរួចហើយ។ Salman Abedi វ័យ២២ឆ្នាំ ជាជនសង្ស័យក្នុងហេតុការណ៍នេះ ហើយរូបក៏បានបាតបង់ជីវិតក្នុងពេលបំផ្ទុះគ្រាប់បែកដែរ។ នៅពេលនេះ ប៉ូលិសកំពុងបន្តការស៊ើបអង្កេត ដើម្បីកំណត់ឲ្យច្បាស់ថា Salman Abedi ធ្វើសកម្មភាពតែឯង ឬជាក្រុម។
ក្នុងសេចក្ដីថ្លែងការណ៍តាមទូរទស្សន៍ នាយករដ្ឋមន្ត្រី ម៉េយ៍ និយាយថា គេមិនអាចទាត់ចោលលទ្ធភាពដែល Salman Abedi ធ្វើសកម្មភាពជាក្រុមឡើយ។ ទំនងដោយសារមូលហេតុនេះ ទើបកងទ័ពត្រូវបានពង្រាយក្នុងទីក្រុងតែម្ដង។ វត្តមានរបស់កងទ័ពដែលការពារនៅក្នុងព្រឹត្តិការណ៍ធំៗមានមនុស្សច្រើនដូចជាការប្រគំតន្ត្រី និងការប្រកួតកីឡា នឹងជួយសម្រួលការងាររបស់ប៉ូលិស ដែលត្រូវដើរល្បាតវិញម្ដង។
ក្រុមជ្រុលនិយមរដ្ឋឥស្លាម ដែលកំពុងបាក់ទ័ពនៅមជ្ឈិមបូព៌ា បានប្រកាសទទួលខុសត្រូវការវាយប្រហារនេះ។ ប៉ុន្តែគេមិនអាចបញ្ជាក់ថាក្រុមនេះពិតជានៅពីក្រោយខ្នងមែនឬក៏យ៉ាងណាដែរ ដ្បិតជនសង្ស័យបានបាត់បង់ជីវិតទៅហើយ ហើយការស៊ើបអង្កេតកំពុងបន្តធ្វើនៅឡើយ។ នៅពេលនេះ ក្រុមមន្ត្រីសន្តិសុខរបស់អង់គ្លេស ក៏កំពុងញាប់ដៃញាប់ជើងក្នុងការស្វែងរកអ្នកពាក់ព័ន្ធផ្សេងទៀតផងដែរ។
ការបំផ្ទុះថ្ងៃទី២២ ខែឧសភា ដែលសម្លាប់មនុស្សជាង២០នាក់ ជាការវាយប្រហារបង្ហូរឈាមបំផុតនៅអង់គ្លេស ចាប់តាំងពីការវាយប្រហារលើប្រព័ន្ធធ្វើដំណើរនៅទីក្រុងឡុងដ៍កាលពីឆ្នាំ២០០៥ ដែលពេលនោះមនុស្សដល់ទៅ៥២នាក់បានបាត់បង់ជីវិត។ ការបំផ្ទុះលើកនេះ កើតឡើងខណៈដែលទស្សនិកជនចាប់ផ្ដើមចាកចេញពីកន្លែងប្រគំតន្ត្រីរបស់តារាចម្រៀង Ariana Grande ។ តាមរយៈវីដេអូដែលថតបាន មនុស្សជាច្រើនបានស្រែករកជំនួយ និងរត់ប្រសេចប្រសាចពេញកន្លែងប្រគំតន្ត្រី៕
Tag:
អង់គ្លេស
អឺរ៉ុប
Theresa May
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
