អន្តរជាតិ
ប្រេសិតពិសេសរបស់ចិនសម្រាប់កិច្ចការអាស៊ី Sun Guoxiang (រូបភាព Xinhua)
×![]()
ដោយ: តន ចាន់រិទ្ធារ៉ា
សន្និសីទសន្តិភាពលើកទីពីរ បានចាប់ផ្ដើមហើយនៅរដ្ឋធានីណៃពិដោនៅថ្ងៃទី២៤ ខែឧសភា ដែលចូលរួមដោយក្រុមឧទ្ទាមជាច្រើនក្រុមនៅមីយ៉ាន់ម៉ា រដ្ឋាភិបាល និងក្រុមយោធាដ៏មានឥទ្ធិពល។ ក្រុមឧទ្ទាមខ្លះមកពីតំបន់ខាងជើង ដែលមិនចូលរួមកាលពីសន្និសីទលើកទីមួយចុងឆ្នាំ២០១៦ ក៏មានវត្តមានក្នុងសន្និសីទលើកនេះដែរ ក្រោយមានការសម្របសម្រួលដោយរដ្ឋាភិបាលចិន។ សន្និសីទនេះ មានគោលដៅបញ្ចប់ជម្លោះជនជាតិភាគតិចដែលអូសបន្លាយរាប់ទសវត្សរ៍មកហើយ។
ការជួបជុំដ៏ធំរវាងក្រុមឧទ្ទាមជាមួយនឹងរដ្ឋាភិបាលក្រុងណៃពិដោ បានចាប់ផ្ដើមឡើងជាមួយនឹងក្ដីសង្ឃឹមក្នុងការស្វែងរកសន្តិភាព។ ក្រុមជនជាតិភាគតិចប្រដាប់អាវុធចំនួន១២ ត្រូវបានអញ្ជើញឲ្យចូលរួមក្នុងសន្និសីទសន្តិភាពលើកទី២ នេះ។ រដ្ឋាភិបាលលោកស្រី អ៊ុងសាន ស៊ូជី ចង់បញ្ចប់ការប្រយុទ្ធគ្នារវាងក្រុមឧទ្ទាម និងកម្លាំងរដ្ឋាភិបាល និងរវាងក្រុមឧទ្ទាម និងក្រុមឧទ្ទាម ដែលអូសបន្លាយតាំងពីឆ្នាំ១៩៤៨មក។
អ្វីដែលគួរឲ្យចាប់អារម្មណ៍នោះ គឺវត្តមានបេសកជនចិននៅលើទឹកដីមីយ៉ាន់ម៉ាមុនសន្និសីទមកដល់។ គេជឿថា ដោយសារការសម្របសម្រួលរបស់លោក Sun Guoxiang ប្រេសិតពិសេសរបស់រដ្ឋាភិបាលចិន ទើបក្រុមឧទ្ទាមមកតំបន់ខាងជើងជាច្រើនក្រុម អាចចូលរួមការជួបជុំនៅថ្ងៃទី២៤ ខែឧសភានេះ។ លោក Sun Guoxiang បានជួបជាមួយមន្ត្រីរដ្ឋាភិបាល មេទ័ព និងបណ្ដាមេដឹកនាំក្រុមភាគតិចនៅតាមបណ្ដោយព្រំដែនចិន។
បើតាមសារព័ត៌មាន The Irrawaddy លោក Sun Guoxiang បានជួបជាមួយអគ្គមេបញ្ជាការកងទ័ពមីយ៉ាន់ម៉ាឧត្តមសេនីយ៍ មីន អ៊ុងឡាំង ទីប្រឹក្សារដ្ឋលោកស្រី អ៊ុងសាន ស៊ូជី ក៏ដូចជាប្រធានក្រុមចរចារដ្ឋាភិបាលជាបន្តបន្ទាប់។ នៅមុននេះ លោកក៏មានជំនួបជាមួយក្រុមឧទ្ទាមភាគតិចជាច្រើនក្រុមនៅខេត្ត Yunnan ផងដែរ។ ជាមួយជំនួបទាំាំងអស់នេះ ចិនទំនងជាកំពុងដើរតួជាអ្នកសម្របសម្រួលក្នុងជម្លោះជនជាតិភាគតិចរបស់មីយ៉ាន់ម៉ា។
តាំងពីដើមមក ក្រុងប៉េកាំង តែងអំពាវនាវឲ្យក្រុមជនជាតិភាគតិចនៅតាមបណ្ដោយព្រំដែនចិន-មីយ៉ាន់ម៉ា ឬហៅថាសម្ព័ន្ធភាពភាគខាងជើង ចូលរួមក្នុងការចរចាស្វែងរកសន្តិភាព។ ក្រុងប៉េកាំង ក៏ស្នើឲ្យយោធាមីយ៉ាន់មា អញ្ជើញក្រុមជនជាតិភាគតិចចំនួនបីនៃសម្ព័ន្ធភាពភាគខាងជើងឲ្យចូលរួមក្នុងសន្និសីទសន្តិភាពដែរ។ ជាលទ្ធផលនៃការសម្របសម្រួលរបស់ចិន សម្ព័ន្ធភាពភាគខាងជើងទាំងអស់សុទ្ធតែមានវត្តមានក្នុងសន្និសីទថ្នាក់ជាតិថ្ងៃទី២៤ ខែឧសភា។
លើសពីនោះ ចិន ថែមទាំងចេញថ្លៃយន្តហោះឲ្យសមាជិកក្រុមភាគតិចនៅភាគខាងជើងជិះមកចូលរួមកិច្ចប្រជុំក្នុងរដ្ឋធានីណៃពិដោទៀតផង។ ក្រុមភាគតិចមកពីតំបន់ខាងជើងរួមមានកងទ័ពរួបរួមរដ្ឋវ៉ា, កងទ័ពអារ៉ាខាន់, កងទ័ពឯករាជ្យកាឈិន, កងទ័ពរំដោះជាតិតាអង និងក្រុមប្រដាប់អាវុធមួយចំនួនទៀត។ បើទោះជាមានការលូកដៃរបស់ចិនក្ដី សម្ព័ន្ធភាពភាគខាងជើងនេះ បង្ហាញវត្តមានជាភ្ញៀវពិសេសប៉ុណ្ណោះ ដែលមិនអាចថ្លែងអ្វីបានឡើយ។
តាមពិតទៅ ការណ៍ដែលចិនលូកដៃចូលសម្របសម្រួលកិច្ចការជម្លោះផ្ទៃក្នុងមីយ៉ាន់ម៉ា ក៏ព្រោះតែចិនផ្ទាល់មិនចង់ឲ្យមានជម្លោះក្បែរព្រំដែនរបស់ខ្លួនទៅវិញទេ។ ការជំរុញឲ្យក្រុមសម្ព័ន្ធភាពភាគខាងជើងចូលរួមស្វែងរកសន្តិភាព ក៏បណ្ដាលមកពីចិនមិនចង់ទទួលជនភៀសខ្លួនរាប់ម៉ឹននាក់ ដែលរត់ភៀសខ្លួនពីការវាយប្រយុទ្ធគ្នារវាងកងទ័ពមីយ៉ាន់ម៉ា និងក្រុមឧទ្ទាមដែរ។ ក្នុងការប្រយុទ្ធគ្នាកន្លងមក ជនភៀសខ្លួនប្រមាណពីរម៉ឺននាក់បានរត់ចូលទឹកដីចិន ដែលបង្កការឈឺក្បាលខ្លាំងសម្រាប់ប៉េកាំង៕
ការជួបជុំដ៏ធំរវាងក្រុមឧទ្ទាមជាមួយនឹងរដ្ឋាភិបាលក្រុងណៃពិដោ បានចាប់ផ្ដើមឡើងជាមួយនឹងក្ដីសង្ឃឹមក្នុងការស្វែងរកសន្តិភាព។ ក្រុមជនជាតិភាគតិចប្រដាប់អាវុធចំនួន១២ ត្រូវបានអញ្ជើញឲ្យចូលរួមក្នុងសន្និសីទសន្តិភាពលើកទី២ នេះ។ រដ្ឋាភិបាលលោកស្រី អ៊ុងសាន ស៊ូជី ចង់បញ្ចប់ការប្រយុទ្ធគ្នារវាងក្រុមឧទ្ទាម និងកម្លាំងរដ្ឋាភិបាល និងរវាងក្រុមឧទ្ទាម និងក្រុមឧទ្ទាម ដែលអូសបន្លាយតាំងពីឆ្នាំ១៩៤៨មក។
អ្វីដែលគួរឲ្យចាប់អារម្មណ៍នោះ គឺវត្តមានបេសកជនចិននៅលើទឹកដីមីយ៉ាន់ម៉ាមុនសន្និសីទមកដល់។ គេជឿថា ដោយសារការសម្របសម្រួលរបស់លោក Sun Guoxiang ប្រេសិតពិសេសរបស់រដ្ឋាភិបាលចិន ទើបក្រុមឧទ្ទាមមកតំបន់ខាងជើងជាច្រើនក្រុម អាចចូលរួមការជួបជុំនៅថ្ងៃទី២៤ ខែឧសភានេះ។ លោក Sun Guoxiang បានជួបជាមួយមន្ត្រីរដ្ឋាភិបាល មេទ័ព និងបណ្ដាមេដឹកនាំក្រុមភាគតិចនៅតាមបណ្ដោយព្រំដែនចិន។
បើតាមសារព័ត៌មាន The Irrawaddy លោក Sun Guoxiang បានជួបជាមួយអគ្គមេបញ្ជាការកងទ័ពមីយ៉ាន់ម៉ាឧត្តមសេនីយ៍ មីន អ៊ុងឡាំង ទីប្រឹក្សារដ្ឋលោកស្រី អ៊ុងសាន ស៊ូជី ក៏ដូចជាប្រធានក្រុមចរចារដ្ឋាភិបាលជាបន្តបន្ទាប់។ នៅមុននេះ លោកក៏មានជំនួបជាមួយក្រុមឧទ្ទាមភាគតិចជាច្រើនក្រុមនៅខេត្ត Yunnan ផងដែរ។ ជាមួយជំនួបទាំាំងអស់នេះ ចិនទំនងជាកំពុងដើរតួជាអ្នកសម្របសម្រួលក្នុងជម្លោះជនជាតិភាគតិចរបស់មីយ៉ាន់ម៉ា។
តាំងពីដើមមក ក្រុងប៉េកាំង តែងអំពាវនាវឲ្យក្រុមជនជាតិភាគតិចនៅតាមបណ្ដោយព្រំដែនចិន-មីយ៉ាន់ម៉ា ឬហៅថាសម្ព័ន្ធភាពភាគខាងជើង ចូលរួមក្នុងការចរចាស្វែងរកសន្តិភាព។ ក្រុងប៉េកាំង ក៏ស្នើឲ្យយោធាមីយ៉ាន់មា អញ្ជើញក្រុមជនជាតិភាគតិចចំនួនបីនៃសម្ព័ន្ធភាពភាគខាងជើងឲ្យចូលរួមក្នុងសន្និសីទសន្តិភាពដែរ។ ជាលទ្ធផលនៃការសម្របសម្រួលរបស់ចិន សម្ព័ន្ធភាពភាគខាងជើងទាំងអស់សុទ្ធតែមានវត្តមានក្នុងសន្និសីទថ្នាក់ជាតិថ្ងៃទី២៤ ខែឧសភា។
លើសពីនោះ ចិន ថែមទាំងចេញថ្លៃយន្តហោះឲ្យសមាជិកក្រុមភាគតិចនៅភាគខាងជើងជិះមកចូលរួមកិច្ចប្រជុំក្នុងរដ្ឋធានីណៃពិដោទៀតផង។ ក្រុមភាគតិចមកពីតំបន់ខាងជើងរួមមានកងទ័ពរួបរួមរដ្ឋវ៉ា, កងទ័ពអារ៉ាខាន់, កងទ័ពឯករាជ្យកាឈិន, កងទ័ពរំដោះជាតិតាអង និងក្រុមប្រដាប់អាវុធមួយចំនួនទៀត។ បើទោះជាមានការលូកដៃរបស់ចិនក្ដី សម្ព័ន្ធភាពភាគខាងជើងនេះ បង្ហាញវត្តមានជាភ្ញៀវពិសេសប៉ុណ្ណោះ ដែលមិនអាចថ្លែងអ្វីបានឡើយ។
តាមពិតទៅ ការណ៍ដែលចិនលូកដៃចូលសម្របសម្រួលកិច្ចការជម្លោះផ្ទៃក្នុងមីយ៉ាន់ម៉ា ក៏ព្រោះតែចិនផ្ទាល់មិនចង់ឲ្យមានជម្លោះក្បែរព្រំដែនរបស់ខ្លួនទៅវិញទេ។ ការជំរុញឲ្យក្រុមសម្ព័ន្ធភាពភាគខាងជើងចូលរួមស្វែងរកសន្តិភាព ក៏បណ្ដាលមកពីចិនមិនចង់ទទួលជនភៀសខ្លួនរាប់ម៉ឹននាក់ ដែលរត់ភៀសខ្លួនពីការវាយប្រយុទ្ធគ្នារវាងកងទ័ពមីយ៉ាន់ម៉ា និងក្រុមឧទ្ទាមដែរ។ ក្នុងការប្រយុទ្ធគ្នាកន្លងមក ជនភៀសខ្លួនប្រមាណពីរម៉ឺននាក់បានរត់ចូលទឹកដីចិន ដែលបង្កការឈឺក្បាលខ្លាំងសម្រាប់ប៉េកាំង៕
Tag:
ចិន
មីយ៉ាន់ម៉ា
អ៊ុងសាន ស៊ូជី
Sun Guoxiang
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
