អន្តរជាតិ
បួនប្រទេសផ្ដាច់ទំនាក់ទំនងការទូតជាមួយកាតា ដោយចោទថាគាំទ្រក្រុមភេរវករ
មហាក្សត្រកាតា Sheikh Tamim bin Hamad Al-Thani
×![]()
ដោយ: តន ចាន់រិទ្ធារ៉ា
ប្រទេសតំបន់ឈូងសមុទ្រពែរ្សចំនួនបួន នៅថ្ងៃទី៥ ខែមិថុនា បានកាត់ផ្ដាច់ទំនាក់ទំនងការទូតជាមួយកាតា ដោយបានចោទប្រកាន់កាតាថាបានគាំទ្រក្រុមភេរវករជ្រុលនិយម។ ក្រៅពីការកាត់ផ្ដាច់ទំនាក់ទំនងការទូត អេហ្ស៊ីប បារ៉ែន អារ៉ាប់រួមអេមីរ៉ាត និងអារ៉ាប៊ីសាអូឌីត ក៏ផ្ដាច់ចរាចរណ៍ទៅមកតាមផ្លូវអាកាស និងផ្លូវទឹកជាមួយកាតាដែរ។ ការផ្ដាច់ទំនាក់ទំនងការទូត បានធ្វើឲ្យតំបន់ឈូងសមុទ្រទាំងមូលរង្គោះរង្គើកាន់តែខ្លាំង ខណៈកំពុងបែកបាក់ដោយសារការប្រកាន់និកាយសាសនាខុសគ្នាស្រាប់។
ស្ថានការណ៍នៅតំបន់ឈូងសមុទ្រពែរ្សធ្លាក់ក្នុងស្ថានភាពធ្ងន់ធ្ងរ ក្រោយអេហ្ស៊ីប បារ៉ែន អារ៉ាប់រួមអេមីរ៉ាត និងអារ៉ាប៊ីសាអូឌីត ប្រកាសផ្ដាច់ទំនាក់ទំនងការទូត និងការផ្អាកការធ្វើដំណើរទៅមកជាមួយកាតា ទាំងផ្លូវអាកាស និងផ្លូវទឹកផងដែរ។ ប្រទេសទាំងបួនដែលប្រកាន់សាសនាឥស្លាមនិកាយស៊ូនី បានចោទរដ្ឋកាតាថាគាំទ្រក្រុមភេរវករ ដែលអុកឡុកពេញតំបន់ ក៏ដូចជាជ្រៀតជ្រែកកិច្ចការផ្ទៃក្នុងទៀតផង។
មន្ត្រីការទូតមកពីប្រទេសទាំងបួននេះ នឹងចាកចេញពីកាតាក្នុងរយៈពេល ៤៨ម៉ោង ហើយមន្ត្រីការទូតកាតាក៏មានពេល ៤៨ម៉ោងដូចគ្នាដើម្បីចាកចេញពីប្រទេសទាំងបួន។ អារ៉ាប៊ីសាអូឌីត ក៏ប្រកាសដែរថា កងទ័ពកាតាដែលកំពុងចូលរួមក្នុងប្រតិបត្តិការសឹកនៅយែម៉ែន ក៏ត្រូវដកចេញត្រឡប់ទៅផ្ទះវិញដែរ។ អ្វីដែលគួរកត់សម្គាល់នោះ គេមិនដឹងការសម្រេចចិត្តប៉ះពាល់ដល់កងទ័ពអាមេរិកជាងមួយម៉ឺននាក់ ដែលពង្រាយនៅកាតាឬយ៉ាងណាដែរ។
បើតាមសារព័ត៌មាន CNN ក្រសូងការបរទេសប៉ារ៉ែនបញ្ជាក់ថាការសម្រេចចិត្តផ្ដាច់ចំណងការទូតនេះ គឺដើម្បីការពារប្រយោជន៍ជាតិ។ ប៉ារ៉ែន បានចោទកាតាថាបានប្រើប្រព័ន្ធផ្សព្វផ្សាយដើម្បីញុះញង់ គាំទ្រក្រុមភេរវករប្រដាប់អាវុធ ព្រមទាំងផ្គត់ផ្គង់ហិរញ្ញវត្ថុដល់ក្រុមជ្រុលនិយមអ៊ីរ៉ង់ដើម្បីឲ្យពួកគេធ្វើទង្វើបំផ្លិចបំផ្លាញ និងធ្វើឲ្យមានកោលាហលនៅលើទឹកដីប៉ារ៉ែន។ ដោយឡែកប្រទេសបីទៀតក៏បានចោទកាតាលើបញ្ហាស្រដៀងគ្នានេះដែរ។
សារព័ត៌មានរដ្ឋអារ៉ាប៊ីសាអូឌីត បានស្រង់សម្ដីមន្ត្រីម្នាក់ដែរថា ក្រៅពីកាត់ផ្ដាច់ទំនាក់ទំនងការទូតហើយនោះ ការធ្វើដំណើរទាំងអស់រួមមានផ្លូវគោក ផ្លូវអាកាស និងផ្លូវទឹក ក៏ត្រូវកាត់ផ្ដាច់ដែរ។ ការសម្រេចចិត្តនេះមានគោលដៅ ការពារប្រទេសជាតិពីភេរវកម្មនិយម និងអំពើជ្រុលនិយម ដែលមានរដ្ឋកាតានៅពីក្រោយ។ ឯអេហ្ស៊ីបវិញនិយាយថា កាតាបានដើរលើផ្លូវប្រឆាំងខ្លួន ហើយអេហ្ស៊ីបមិនអាចបញ្ចុះបញ្ចូលឲ្យកាតាឈប់គាំទ្រភេរវកម្មនិយមបានឡើយ។
តាមពិតទៅ កាតាដែលជារដ្ឋជាប់ឈូងសមុទ្រពែរ្ស មិនត្រូវគ្នាជាមួយរដ្ឋឈូងសមុទ្រដូចគ្នាជាយូរមកហើយដែរ។ កាតា រងការរិះគន់ខ្លាំងពីរដ្ឋដទៃព្រោះហ៊ានគាំទ្រក្រុមភាតរភាពបងប្អូននៅអេហ្ស៊ីប ខណៈក្រុមនេះត្រូវបានអេហ្ស៊ីប និងអារ៉ាប៊ីសាអូឌីតចាត់ទុកជាក្រុមភេរវករ។ លើសពីនេះ កាតាក៏បានផ្ដល់ទីជម្រកឲ្យមេដឹកនាំក្រុមហាម៉ាស់កំពុងរត់គេចខ្លួន និងក្លាយជាកន្លែងផ្គត់ផ្គង់លុយទៅឲ្យក្រុមនេះទៀត។ កាតា ក៏ត្រូវចោទថាបានអនុញ្ញាតឲ្យមានការផ្ដល់ហិរញ្ញវត្ថុដល់សាខាក្រុមអាល់កៃដានៅស៊ីរីដែរ៕
ស្ថានការណ៍នៅតំបន់ឈូងសមុទ្រពែរ្សធ្លាក់ក្នុងស្ថានភាពធ្ងន់ធ្ងរ ក្រោយអេហ្ស៊ីប បារ៉ែន អារ៉ាប់រួមអេមីរ៉ាត និងអារ៉ាប៊ីសាអូឌីត ប្រកាសផ្ដាច់ទំនាក់ទំនងការទូត និងការផ្អាកការធ្វើដំណើរទៅមកជាមួយកាតា ទាំងផ្លូវអាកាស និងផ្លូវទឹកផងដែរ។ ប្រទេសទាំងបួនដែលប្រកាន់សាសនាឥស្លាមនិកាយស៊ូនី បានចោទរដ្ឋកាតាថាគាំទ្រក្រុមភេរវករ ដែលអុកឡុកពេញតំបន់ ក៏ដូចជាជ្រៀតជ្រែកកិច្ចការផ្ទៃក្នុងទៀតផង។
មន្ត្រីការទូតមកពីប្រទេសទាំងបួននេះ នឹងចាកចេញពីកាតាក្នុងរយៈពេល ៤៨ម៉ោង ហើយមន្ត្រីការទូតកាតាក៏មានពេល ៤៨ម៉ោងដូចគ្នាដើម្បីចាកចេញពីប្រទេសទាំងបួន។ អារ៉ាប៊ីសាអូឌីត ក៏ប្រកាសដែរថា កងទ័ពកាតាដែលកំពុងចូលរួមក្នុងប្រតិបត្តិការសឹកនៅយែម៉ែន ក៏ត្រូវដកចេញត្រឡប់ទៅផ្ទះវិញដែរ។ អ្វីដែលគួរកត់សម្គាល់នោះ គេមិនដឹងការសម្រេចចិត្តប៉ះពាល់ដល់កងទ័ពអាមេរិកជាងមួយម៉ឺននាក់ ដែលពង្រាយនៅកាតាឬយ៉ាងណាដែរ។
បើតាមសារព័ត៌មាន CNN ក្រសូងការបរទេសប៉ារ៉ែនបញ្ជាក់ថាការសម្រេចចិត្តផ្ដាច់ចំណងការទូតនេះ គឺដើម្បីការពារប្រយោជន៍ជាតិ។ ប៉ារ៉ែន បានចោទកាតាថាបានប្រើប្រព័ន្ធផ្សព្វផ្សាយដើម្បីញុះញង់ គាំទ្រក្រុមភេរវករប្រដាប់អាវុធ ព្រមទាំងផ្គត់ផ្គង់ហិរញ្ញវត្ថុដល់ក្រុមជ្រុលនិយមអ៊ីរ៉ង់ដើម្បីឲ្យពួកគេធ្វើទង្វើបំផ្លិចបំផ្លាញ និងធ្វើឲ្យមានកោលាហលនៅលើទឹកដីប៉ារ៉ែន។ ដោយឡែកប្រទេសបីទៀតក៏បានចោទកាតាលើបញ្ហាស្រដៀងគ្នានេះដែរ។
សារព័ត៌មានរដ្ឋអារ៉ាប៊ីសាអូឌីត បានស្រង់សម្ដីមន្ត្រីម្នាក់ដែរថា ក្រៅពីកាត់ផ្ដាច់ទំនាក់ទំនងការទូតហើយនោះ ការធ្វើដំណើរទាំងអស់រួមមានផ្លូវគោក ផ្លូវអាកាស និងផ្លូវទឹក ក៏ត្រូវកាត់ផ្ដាច់ដែរ។ ការសម្រេចចិត្តនេះមានគោលដៅ ការពារប្រទេសជាតិពីភេរវកម្មនិយម និងអំពើជ្រុលនិយម ដែលមានរដ្ឋកាតានៅពីក្រោយ។ ឯអេហ្ស៊ីបវិញនិយាយថា កាតាបានដើរលើផ្លូវប្រឆាំងខ្លួន ហើយអេហ្ស៊ីបមិនអាចបញ្ចុះបញ្ចូលឲ្យកាតាឈប់គាំទ្រភេរវកម្មនិយមបានឡើយ។
តាមពិតទៅ កាតាដែលជារដ្ឋជាប់ឈូងសមុទ្រពែរ្ស មិនត្រូវគ្នាជាមួយរដ្ឋឈូងសមុទ្រដូចគ្នាជាយូរមកហើយដែរ។ កាតា រងការរិះគន់ខ្លាំងពីរដ្ឋដទៃព្រោះហ៊ានគាំទ្រក្រុមភាតរភាពបងប្អូននៅអេហ្ស៊ីប ខណៈក្រុមនេះត្រូវបានអេហ្ស៊ីប និងអារ៉ាប៊ីសាអូឌីតចាត់ទុកជាក្រុមភេរវករ។ លើសពីនេះ កាតាក៏បានផ្ដល់ទីជម្រកឲ្យមេដឹកនាំក្រុមហាម៉ាស់កំពុងរត់គេចខ្លួន និងក្លាយជាកន្លែងផ្គត់ផ្គង់លុយទៅឲ្យក្រុមនេះទៀត។ កាតា ក៏ត្រូវចោទថាបានអនុញ្ញាតឲ្យមានការផ្ដល់ហិរញ្ញវត្ថុដល់សាខាក្រុមអាល់កៃដានៅស៊ីរីដែរ៕
Tag:
អេហ្ស៊ីប
បារ៉ែន
អារ៉ាប់រួមអេមីរ៉ាត
អារ៉ាប៊ីសាអូឌីត
កាតា
ភេរវករ
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
