កីឡាករឥណ្ឌូណេស៊ី៣រូប អបអរគ្រាប់បាល់បញ្ចូលទីដោយបង្ហាញពីការគោរពសាសនាបីផ្សេងគ្នា

កីឡាអន្តរជាតិ

អន្តរជាតិ

កីឡាករឥណ្ឌូណេស៊ី៣រូប អបអរគ្រាប់បាល់បញ្ចូលទីដោយបង្ហាញពីការគោរពសាសនាបីផ្សេងគ្នា

09, Jun 2017 , 5:01 pm

រូបភាព

កីឡាកររបស់ក្រុម Bali United FC អបអរគ្រាប់បាល់ដោយបង្ហាញពីសាសនា ហិណ្ឌូ, អ៊ីស្លាម, គ្រិស្ត ក្នុងពេលតែមួយ

ដោយ: ទេព ពិទូរ្យ

កីឡាករបាល់ទាត់៣រូបរបស់ក្រុម Bali United FC នៃលីកកំពូលឥណ្ឌូនេស៊ី បានអបអរគ្រាប់បាល់របស់ពួកគេរួមគ្នាដោយប្រើកាយវិការបែបសាសនាផ្សេងៗគ្នាក្នុងពេលតែមួយ។ អ្នកទាំងបីបានសម្តែងការអបអរ ជាលក្ខណសាសនាហិណ្ឌូ អ៊ីស្លាម និងគ្រិស្ដ។

រូបថតមួយសន្លឹកបានបង្ហោះក្នុងទំព័រហ្វេសប៊ុកផ្លូវការរបស់ក្រុម Bali United FC ដែលបង្ហាញថាកីឡាករបីរូបរបស់ក្រុមនេះសម្តែងការគោរពសាសនារបស់ពួកគេរៀងៗខ្លួន នៅពេលអបអរគ្រាប់បាល់ស៊ុតបញ្ចូលទី។

ខ្សែប្រយុទ្ធ Yabes Roni បានអបអរដោយសម្តែងកាយវិការគោរពបែបសាសនាគ្រិស្ត រួមជាមួយមិត្តរួមក្រុម Miftahul Hamdi អបអរជាសាសនាអ៊ីស្លាម និងខ្សែការពារ Ngurah Nanak អបអរបែបគោរពតាមសាសនាហិណ្ឌូ ហើយអ្នកទាំងបីនេះសុទ្ធិតែជាសមាជិករបស់ក្រុមបាល់ទាត់ជម្រើសជាតិឥណ្ឌូនេស៊ីទាំងអស់។

ខ្សែប្រយុទ្ធ Ngurah Nanak បានប្រាប់ BBC ឥណ្ឌូនេស៊ី ថាកាយវិការទាំងបីនេះបានបង្ហាញចេញមកដោយមិនដឹងខ្លួន បន្ទាប់ពីមិត្តរួមក្រុម Roni ស៊ុតបញ្ចូលទីក្នុងការប្រកួតទល់នឹងក្រុម Borneo FC។

យ៉ាងណាក៏ដោយ បើទោះជាមានការគោរពសាសនាខុសគ្នាច្រើនរបស់ប្រជាជនឥណ្ឌូនេស៊ីក៏ដោយ តែអ្នកប្រើប្រាស់ប្រព័ន្ធផ្សព្វផ្សាយសង្គមជាច្រើនបានរៀបរាប់បង្ហាញពីអារម្មណ៍ ដោយបង្កើតជាពាក្យស្លោកផ្លូវការមួយសម្រាប់ប្រទេសរបស់ពួកគេថា «សាសនាខុសគ្នាប៉ុន្តែពួកគេគឺតែមួយ» ហើយពួកគេ [កីឡាករទាំងបីរូប] បានគោរពក្រុមរបស់ពួកគេហើយ។

គួរបញ្ជាក់ថា ជុំវិញបញ្ហានេះ FIFA ក៏បានហាមគាត់ទៅលើកីឡាករទាំងអស់មិនឲ្យមានកាយវិការជាលក្ខណនយោបាយ និងសាសនានៅក្នុងទីលានប្រកួតនោះទេ ប៉ុន្តែផ្ទុយទៅវិញសហព័ន្ធកីឡាបាល់ទាត់អន្តរជាតិមួយនេះ លើកទឹកចិត្តឲ្យមានសកម្មភាពពូជសាសន៍ចម្រុះលើទីលាន ឬប្រឆាំងនឹងការរើសអើងជាតិសាសន៍៕