ស្ថាបត្យករខ្មែរវ័យក្មេង៣រូប បង្កើតខ្លោងទ្វារទៅកាន់ទីក្រុងបុរាណក្នុងខេត្តកំពង់ធំ

បទយកការណ៍ / បទសម្ភាសន៍

ស្ថាបត្យករខ្មែរវ័យក្មេង៣រូប បង្កើតខ្លោងទ្វារទៅកាន់ទីក្រុងបុរាណក្នុងខេត្តកំពង់ធំ

10, Jun 2017 , 10:19 pm

រូបភាព

កញ្ញា គា ស៊ុនរង្សី(ឆ្វេង) កញ្ញា លឹម គាប៉ោ (ស្តាំ)

ដោយ:

ភ្នំពេញ៖ និស្សិតផ្នែកស្ថាបត្យកម្មនៃសាកលវិទ្យាល័យភូមិន្ទវិចិត្រសិល្បៈចំនួន៣រូប បានផ្តុំគំនិតគ្នា បង្កើតគម្រោងមេ(Master Plan) សង់ខ្លោងទ្វារនៅទីរួមខេត្តកំពង់ធំ ដើម្បីណែនាំដល់ភ្ញៀវទេសចរ ទៅកាន់ ទីក្រុងបុរាណរបស់ខ្មែរ ជាពិសេស តំបន់ទេសចរណ៍ប្រវត្តិសាស្ត្ររបស់ប្រាសាទសម្បូរព្រៃគុក។ គម្រោងនេះ មានដូចជា ការសង់ខ្លោងទ្វារដែលយកទម្រង់ជាប្រាសាទ ការបង្កើតទីកន្លែងសម្រាកសម្រាប់អ្នកដំណើរ និង កន្លែងលក់ដូរសម្រាប់ពលរដ្ឋ ដោយយកឱកាសនេះផ្សព្វផ្សាយពីប្រាសាទសម្បូរព្រៃគុកដល់អ្នកដំណើរផងដែរ។

កញ្ញា គា ស៊ុនរង្សី កញ្ញា លឹម គាប៉ោ និងលោក ជៀប ប៊ុនហួត គឺជានិស្សិតឆ្នាំទី៤នៃសាកលវិទ្យាល័យភូមិន្ទវិចិត្រសិល្បៈ និងជាស្ថាបនិកនៃគម្រោងមេសង់ខ្លោងទ្វារនៅទីរួមខេត្តកំពង់ធំ ដែលមានរាងដូចប្រាសាទសម្បូរព្រៃគុក ដើម្បីណែនាំដល់ភ្ញៀវទេសចរជាតិ និងអន្តរជាតិ ដែលគ្រោងធ្វើដំណើរទៅខេត្តសៀមរាប ឲ្យចាប់អារម្មណ៍ និងចូលទៅកម្សាន្តនៅរមណីយដ្ឋានប្រវត្តិសាស្ត្រសម្បូរព្រៃគុក នៅពេលអ្នកដំណើរទាំងឡាយទៅដល់ទីរួមខេត្តកំពង់ធំ។ ខ្លោងទ្វារ និងគម្រោងនេះ គឺស្ថិតនៅទីរួមខេត្តកំពង់ធំតាមផ្លូវជាតិលេខ៦ជិតផ្លូវបំបែកទៅសៀមរាប និងខេត្តព្រះវិហារ។

គម្រោងនេះ ត្រូវបានស្ថាបត្យករវ័យក្មេងខាងលើ បានយកដាក់តាំងពិព័រណ៍នៅសាលមជ្ឈមណ្ឌលកោះពេជ្រក្នុងរាជធានីភ្នំពេញ ដែលប្រព្រឹត្តទៅនៅថ្ងៃទី៨-១០ ខែមិថុនា។

សូមអញ្ជើញស្តាប់បទសម្ភាសន៍រវាងលោក រ៉ឹម ភារី អ្នកយកព័ត៌មាននៅគេហទំព័រថ្មីៗ ជាមួយ កញ្ញា គា ស៊ុនរង្សី និងកញ្ញា លឹម គាប៉ោ ដូចតទៅ៖