កីឡាអន្តរជាតិ
អន្តរជាតិ
U21 អាល្លឺម៉ង់លើកពានអឺរ៉ុបជាលើកទីពីរ ក្រោយឈ្នះអេស្ប៉ាញនៅវគ្គផ្តាច់ព្រ័ត្រ
×![]()
ដោយ: ថ្មីៗ
ក្រុមកីឡាបាល់ទាត់អាយុក្រោម២១ឆ្នាំជម្រើសជាតិអាល្លឺម៉ង់ បានក្លាយជាម្ចាស់ជើងឯកពានរង្វាន់ UEFA U21 Championship ឆ្នាំ២០១៧ បន្ទាប់ពី Mitchell Weiser បានតែតបាល់បញ្ចូលទីនៅជិតបញ្ចប់វគ្គទី១ ដើម្បីយកឈ្នះជើងឯក៤ជំនាន់អេស្ប៉ាញ ១-០ នៅវគ្គផ្តាច់ព្រ័ត្រលើកីឡដ្ឋាន Cracovia ក្រុង Krakow ប្រទេសប៉ូឡូញ កាលពីថ្ងៃទី៣០ ខែមិថុនា។
ក្នុងចំណោមក្រុមទាំង១២ដែលបានចូលរួមប្រកួតប្រជែង អាល្លឺម៉ង់ជាក្រុមតែមួយគត់ដែលជាប់ចំណាត់ថ្នាក់លេខ២ក្នុងពូល ហើយបានឈានទៅកាន់វគ្គពាក់កណ្តាលផ្តាច់ព្រ័ត្រ។ U21 អាល្លឺម៉ង់ជាប់លេខ២ពូល C ដោយមាន៦ពិន្ទុស្មើ U21 អ៊ីតាលី ប៉ុន្តែចាញ់ប្រៀបដោយក្នុងជំនួប Head to Head អ៊ីតាលីឈ្នះ១-0 ។
ដោយមានសំណល់គ្រាប់បាល់ប្រសើរជាងស្លូវ៉ាគី លេខពីរពូល A និងព័រទុយហ្គាល់លេខពីរពូល B U21 អាល្លឺម៉ង់បានឡើងទៅវគ្គពាក់កណ្តាលផ្តាច់ព្រ័ត្រ ដោយប៉ះអង់គ្លេសដែលជាលេខ១ពូល A ។ ការប្រកួតនៅម៉ោងធម្មតា ក្រុមទាំងពីរបានបញ្ចប់ក្នុងលទ្ធផលស្មើ ២-២ ហើយអាល្លឺម៉ង់ បានជោគជ័យ ៤-៣ ដោយការទាត់បាល់ប៉េណាល់ទីសម្រេចឈ្នះ-ចាញ់។
នៅវគ្គផ្តាច់ព្រ័ត្រ អាល្លឺម៉ង់ត្រូវតទល់ជាមួយអេស្ប៉ាញ់ ដែលបានទម្លាក់អ៊ីតាលី ក្នុងលទ្ធផល ៣-១ ។ ទីបំផុត U21 អាល្លឺម៉ង់ បានក្លាយជាម្ចាស់ជើងឯកអឺរ៉ុបជាលើកទី២ បើគិតចាប់តាំងពីឆ្នាំ២០០៩មក ខណៈ Mitchell Weiser ដែលបានតែតបាល់បញ្ចូលទីនាំជ័យជម្នះ ១-០ បានជាប់ជា Man of the Match ។
ទោះបីជាខកចិត្តមិនទទួលបានពានជាលើកទី៥ក៏ដោយ ក៏កីឡាករ U21អេស្ប៉ាញ បានបង្ហាញសមត្ថភាពដ៏គួរឲ្យកត់សម្គាល់ ដោយខ្សែបម្រើ Dani Ceballos ដែលលេងឲ្យក្លិប Real Betis បានជាប់ជា Player of the Tournament។
ពានរង្វាន់ស្បែកជើងមាស (Golden Boot) ទៅលើខ្សែបម្រើអេស្ប៉ាញ Saul Niguez ដែលលេងឲ្យក្លិប Atletico Madrid តាមរយៈការស៊ុតបាល់បញ្ចូលទី៥គ្រាប់ និង Assist ១គ្រាប់ ខណៈមិត្តរួមជាតិអេស្ប៉ាញរបស់គេ គឺ Marco Asensio សមាជិកនៃក្លិប Real Madrid បានស្បែកជើងប្រាក់ (Silver Boot) ដោយសម្រេចបាន៣គ្រាប់ និង Assist ១គ្រាប់។ កីឡាករព័រទុយហ្គាល់ Bruma ដែលលេងឲ្យក្លិបអាល្លឺម៉ង់ RB Leipzig បានស្បែកជើងសំរិទ្ធ (Bronze Boot) តាមរយៈការរកបានគ្រាប់បាល់បញ្ចូលទី៣គ្រាប់៕
ក្នុងចំណោមក្រុមទាំង១២ដែលបានចូលរួមប្រកួតប្រជែង អាល្លឺម៉ង់ជាក្រុមតែមួយគត់ដែលជាប់ចំណាត់ថ្នាក់លេខ២ក្នុងពូល ហើយបានឈានទៅកាន់វគ្គពាក់កណ្តាលផ្តាច់ព្រ័ត្រ។ U21 អាល្លឺម៉ង់ជាប់លេខ២ពូល C ដោយមាន៦ពិន្ទុស្មើ U21 អ៊ីតាលី ប៉ុន្តែចាញ់ប្រៀបដោយក្នុងជំនួប Head to Head អ៊ីតាលីឈ្នះ១-0 ។
ដោយមានសំណល់គ្រាប់បាល់ប្រសើរជាងស្លូវ៉ាគី លេខពីរពូល A និងព័រទុយហ្គាល់លេខពីរពូល B U21 អាល្លឺម៉ង់បានឡើងទៅវគ្គពាក់កណ្តាលផ្តាច់ព្រ័ត្រ ដោយប៉ះអង់គ្លេសដែលជាលេខ១ពូល A ។ ការប្រកួតនៅម៉ោងធម្មតា ក្រុមទាំងពីរបានបញ្ចប់ក្នុងលទ្ធផលស្មើ ២-២ ហើយអាល្លឺម៉ង់ បានជោគជ័យ ៤-៣ ដោយការទាត់បាល់ប៉េណាល់ទីសម្រេចឈ្នះ-ចាញ់។
នៅវគ្គផ្តាច់ព្រ័ត្រ អាល្លឺម៉ង់ត្រូវតទល់ជាមួយអេស្ប៉ាញ់ ដែលបានទម្លាក់អ៊ីតាលី ក្នុងលទ្ធផល ៣-១ ។ ទីបំផុត U21 អាល្លឺម៉ង់ បានក្លាយជាម្ចាស់ជើងឯកអឺរ៉ុបជាលើកទី២ បើគិតចាប់តាំងពីឆ្នាំ២០០៩មក ខណៈ Mitchell Weiser ដែលបានតែតបាល់បញ្ចូលទីនាំជ័យជម្នះ ១-០ បានជាប់ជា Man of the Match ។
ទោះបីជាខកចិត្តមិនទទួលបានពានជាលើកទី៥ក៏ដោយ ក៏កីឡាករ U21អេស្ប៉ាញ បានបង្ហាញសមត្ថភាពដ៏គួរឲ្យកត់សម្គាល់ ដោយខ្សែបម្រើ Dani Ceballos ដែលលេងឲ្យក្លិប Real Betis បានជាប់ជា Player of the Tournament។
ពានរង្វាន់ស្បែកជើងមាស (Golden Boot) ទៅលើខ្សែបម្រើអេស្ប៉ាញ Saul Niguez ដែលលេងឲ្យក្លិប Atletico Madrid តាមរយៈការស៊ុតបាល់បញ្ចូលទី៥គ្រាប់ និង Assist ១គ្រាប់ ខណៈមិត្តរួមជាតិអេស្ប៉ាញរបស់គេ គឺ Marco Asensio សមាជិកនៃក្លិប Real Madrid បានស្បែកជើងប្រាក់ (Silver Boot) ដោយសម្រេចបាន៣គ្រាប់ និង Assist ១គ្រាប់។ កីឡាករព័រទុយហ្គាល់ Bruma ដែលលេងឲ្យក្លិបអាល្លឺម៉ង់ RB Leipzig បានស្បែកជើងសំរិទ្ធ (Bronze Boot) តាមរយៈការរកបានគ្រាប់បាល់បញ្ចូលទី៣គ្រាប់៕
© រក្សាសិទ្ធិដោយ thmeythmey.com
