កីឡាអន្តរជាតិ
អន្តរជាតិ
អាពាហ៍ពិពាហ៍របស់ Messi ជា«អាពាហ៍ពិពាហ៍ប្រចាំសតវត្សរ៍» នៅអាហ្សង់ទីន
×![]()
ដោយ: ថ្មីៗ
Lionel Messi ខ្សែប្រយុទ្ធអន្តរជាតិអាហ្សង់ទីន និងក្លិប Barcelona បានរៀបអាពាហ៍ពិពាហ៍ជាមួយមិត្តស្រីពីកុមារភាពរបស់ខ្លួន និងម្តាយរបស់កូនប្រុសទាំងពីរនាក់របស់គេ។ យោងតាម BBC ពិធីដែលរៀបចំនៅសណ្ឋាគារប្រណីតក្នុងក្រុង Rosario ដែលជាទីកំណើតរបស់អ្នកទាំងពីរ ត្រូវបានចាត់ទុកជាពិធីអាពាហ៍ពិពាហ៍ដ៏ធំប្រចាំសតវត្សរ៍នៅអាហ្សង់ទីន។
Lionel Messi អាយុ៣០ឆ្នាំ និង Antonela Roccuzzo អាយុ២៩ឆ្នាំ បានស្គាល់គ្នា តាំងពីកីឡាករលំដាប់ពិភពលោករូបនេះ អាយុត្រឹម៥ឆ្នាំមកម្ល៉េះ។ Roccuzzo ជាប្អូនជីដូនមួយរបស់កីឡាករ Lucas Scaglia ដែលជាមិត្តភក្តិដ៏ជិតស្និទ្ធិរបស់ Messi។
Messi បានចេញពីស្រុកកំណើតនៅអាយុ១៣ឆ្នាំ ទៅកាន់ប្រទេសអេស្ប៉ាញ និងហ្វឹកហាត់នៅក្លិប Barcelona។ ចាប់តាំងពីឆ្នាំ២០០៨មក Messi និង Roccuzzo មានទំនាក់ទំនងស្នេហាផ្លូវការជាមួយគ្នា ហើយនៅឆ្នាំ២០១២ ពួកគេបង្កើតបានកូនប្រុសច្បាស់ឈ្មោះ Thiago និងកូនប្រុសបន្ទាប់ឈ្មោះ Mateo នៅឆ្នាំ២០១៥ ។
យោងតាម BBC ពិធីអាពាហ៍ពិពាហ៍ដ៏ធំនេះ គេសង្កេតឃើះភ្ញៀវដែលជាតារាបាល់ទាត់ និងតារាសិល្បៈល្បីៗលំដាប់ពិភពលោក ប្រមាណ២៦០នាក់ ដោយមានការយាមកាមពីប៉ូលិសរាប់រយនាក់។ ភ្ញៀវសំខាន់ៗរបស់ Messi ភាគច្រើន ជាសមាជិកក្រុមជម្រើសជាតិអាហ្សង់ទីន និងមិត្តរួមក្រុម អតីតមិត្តរួមក្រុមនៅ Barcelona ដែលក្នុងនោះមានដូចជា Suarez, Neymar, Fabregas, Agüero, Pique និង Shakira ដែលជាភរិយាជាដើម។
ពិធីអាពាហ៍ពិពាហ៍នេះ ត្រូវបានកាសែតអាហ្សង់ទីនចាត់ទុកថា ជាពិធីអាពាហ៍ពិពាហ៍ប្រចាំសតវត្សរ៍ មិនមែនប្រចាំឆ្នាំនោះឡើយ។ ភ្ញៀវដែលបានចូលរួមភាគច្រើន ជិះយន្តហោះឯកជនទៅកាន់ទីកាន់ Rosaria ខណៈអ្នកកាសែតប្រមាណ១៥០នាក់ទទួលបានបណ្ណសារព័ត៌មានពិសេសសម្រាប់ថត ប៉ុន្តែពួកគេមិនត្រូវបានអនុញ្ញាតចូលគ្រប់កម្មវិធីនោះឡើយ៕
Lionel Messi អាយុ៣០ឆ្នាំ និង Antonela Roccuzzo អាយុ២៩ឆ្នាំ បានស្គាល់គ្នា តាំងពីកីឡាករលំដាប់ពិភពលោករូបនេះ អាយុត្រឹម៥ឆ្នាំមកម្ល៉េះ។ Roccuzzo ជាប្អូនជីដូនមួយរបស់កីឡាករ Lucas Scaglia ដែលជាមិត្តភក្តិដ៏ជិតស្និទ្ធិរបស់ Messi។
Messi បានចេញពីស្រុកកំណើតនៅអាយុ១៣ឆ្នាំ ទៅកាន់ប្រទេសអេស្ប៉ាញ និងហ្វឹកហាត់នៅក្លិប Barcelona។ ចាប់តាំងពីឆ្នាំ២០០៨មក Messi និង Roccuzzo មានទំនាក់ទំនងស្នេហាផ្លូវការជាមួយគ្នា ហើយនៅឆ្នាំ២០១២ ពួកគេបង្កើតបានកូនប្រុសច្បាស់ឈ្មោះ Thiago និងកូនប្រុសបន្ទាប់ឈ្មោះ Mateo នៅឆ្នាំ២០១៥ ។
យោងតាម BBC ពិធីអាពាហ៍ពិពាហ៍ដ៏ធំនេះ គេសង្កេតឃើះភ្ញៀវដែលជាតារាបាល់ទាត់ និងតារាសិល្បៈល្បីៗលំដាប់ពិភពលោក ប្រមាណ២៦០នាក់ ដោយមានការយាមកាមពីប៉ូលិសរាប់រយនាក់។ ភ្ញៀវសំខាន់ៗរបស់ Messi ភាគច្រើន ជាសមាជិកក្រុមជម្រើសជាតិអាហ្សង់ទីន និងមិត្តរួមក្រុម អតីតមិត្តរួមក្រុមនៅ Barcelona ដែលក្នុងនោះមានដូចជា Suarez, Neymar, Fabregas, Agüero, Pique និង Shakira ដែលជាភរិយាជាដើម។
ពិធីអាពាហ៍ពិពាហ៍នេះ ត្រូវបានកាសែតអាហ្សង់ទីនចាត់ទុកថា ជាពិធីអាពាហ៍ពិពាហ៍ប្រចាំសតវត្សរ៍ មិនមែនប្រចាំឆ្នាំនោះឡើយ។ ភ្ញៀវដែលបានចូលរួមភាគច្រើន ជិះយន្តហោះឯកជនទៅកាន់ទីកាន់ Rosaria ខណៈអ្នកកាសែតប្រមាណ១៥០នាក់ទទួលបានបណ្ណសារព័ត៌មានពិសេសសម្រាប់ថត ប៉ុន្តែពួកគេមិនត្រូវបានអនុញ្ញាតចូលគ្រប់កម្មវិធីនោះឡើយ៕
© រក្សាសិទ្ធិដោយ thmeythmey.com
