កីឡាអន្តរជាតិ
អន្តរជាតិ
វីរបុរស Man Utd ៥នាក់, Giggs, Scholes, Butt និងបងប្អូន Neville មកប៉ោយប៉ែត
× អតីតកីឡាករឆ្នើមរបស់ក្លិប Manchester United ប្រាំនាក់ គឺ Ryan Giggs, Paul Scholes, Nicky Butt, Gary Neville និង Phil Neville បានមកដល់ក្រុងប៉ោយប៉ែត ខេត្តបន្ទាយមានជ័យ កាលពីថ្ងៃ១ ខែកក្កដា។ នេះបើតាមការបង្ហោះរូបតាមហ្វេសប៊ុករបស់ម្ចាស់គណនីម្នាក់ឈ្មោះ Alex Jang Happy Man ដែលបានថត Selfie ជាមួយអតីតកីឡាករទាំងនោះ។
យោងតាមការផ្សាយរបស់ Goal.com អតីតកីឡាករទាំង៥រូប ដែលចាប់ផ្តើមអាជីពដ៏រុងរឿងជាមួយ Manchester United ក្នុងអំឡុងឆ្នាំ១៩៩២ (Five of Manchester United’s ‘Class of 92’) ដែលក្នុងដំណើរទៅកាន់ប្រទេសចំនួន១៦នៅលើពិភពលោកក្នុងនោះមាន ហុងកុង ថៃ កម្ពុជា និងចិន ផងដែរ។
ដំណើរកម្សាន្តរបស់ Ryan Giggs, Paul Scholes, Nicky Butt, Gary Neville និង Phil Neville គឺផ្នែកមួយនៃគម្រោងទីផ្សាររបស់ The Ballr Tour ដើម្បីផ្សព្វផ្សាយពី Game Application មួយ ដែលអាចឲ្យអ្នកគាំទ្រមានអារម្មណ៍ដូចពួកគេមើលការប្រកួតផ្ទាល់ ហើយវាជាក៏ជាផ្សព្វផ្សាយទាក់ទងនឹងក្របខណ្ឌ Premier League ផងដែរ។
បើតាមម្ចាស់គណនីឈ្មោះ Alex Jang Happy Man វីរបុរសទាំង៥របស់ Manchester United ស្ថិតនៅលើទឹកដីកម្ពុជារយៈពេលប្រមាណតែ៤ម៉ោងប៉ុណ្ណោះ៕
© រក្សាសិទ្ធិដោយ thmeythmey.com