កីឡាអន្តរជាតិ
អន្តរជាតិ
Jeff Horn ឈ្នះ Manny Pacquiao ក្នុងការដណ្តើមខ្សែក្រវាត់ WBO Welterweight
× កីឡាករប្រដាល់ហ្វីលីពីន Manny Pacquiao បានខកចិត្តដោយរងបរាជ័យក្រោមដៃកីឡាករអូស្ត្រាលី Jeff Horn នៅសង្វៀននៃកីឡដ្ឋាន Suncorp ក្រុង Brisbane ប្រទេសអូស្ត្រាលី នាព្រឹកថ្ងៃអាទិត្យ ទី២ ខែកក្កដា នេះ។ ជ័យជម្នះក្រោយការប្រកួត១២ទឹកពេញ នាំឲ្យ Horn ក្លាយជាម្ចាស់ខ្សែក្រវាត់ WBO Welterweight ។
យោងតាមលទ្ធផលសម្រេចជាឯកច្ឆ័ន្ទ Jeff Horn ឈ្នះ Manny Pacquiao ក្នុងពិន្ទុ ១១៧-១១១, ១១៥-១១៣, ១១៥-១១៣។
មុនជួប Pacquio, Horn អាយុ២៩ឆ្នាំ ឈ្នះ១៣ប្រកួតជាប់គ្នា ដោយចុងក្រោយគេបានការពារខ្សែក្រវាត់ WBO Inter-Continental តាមរយៈការបំបាក់កីឡាករអាហ្វ្រិកខាងត្បូង Ali Funeka នៅទឹកទី៦លើសង្វៀន Vector Arena ក្រុង Auckland ប្រទេសនូវេលសេឡង់។
នេះក៏ជាការឡើងសង្វៀនលើកដំបូងផងដែររបស់ Pacquiao នៅក្នុងឆ្នាំ២០១៧ ដោយគេត្រូវការពារខ្សែក្រវាត់ WBO Welterweight ដែលយកបានពីកីឡាករអាមេរិក Jessie Vargas នាជំនួបនៅសង្វៀនក្រុង Naveda សហរដ្ឋអាមេរិក កាលពីខែវិច្ឆិកា ឆ្នាំ២០១៦៕
© រក្សាសិទ្ធិដោយ thmeythmey.com