កីឡាអន្តរជាតិ
អន្តរជាតិ
២សំបុត្រសម្រាប់ពលរដ្ឋខ្មែរ ដើម្បីទស្សនាជំនួបបើកឆាក FIFA World Cup នៅរុស្ស៊ី
× សហព័ន្ធកីឡាបាល់ទាត់អន្តរជាតិ (FIFA) តាមរយៈទំព័រហ្វេសប៊ុក FIFA World Cup បានអំពាវនាវដល់អ្នកគាំទ្របាល់ទាត់កម្ពុជា ចូលរួមឆ្លើយសំណួរសាមញ្ញដើម្បីទទួលបានឱកាសឈ្នះសំបុត្រ២សន្លឹកទៅទស្សនាការប្រកួតបើកឆាក FIFA World Cup ឆ្នាំ២០១៨ នៅប្រទេសរុស្ស៊ី។
ការប្រកួត FIFA World Cup ឆ្នាំ២០១៨ នៅរុស្ស៊ី នឹងប្រព្រឹត្តទៅពីថ្ងៃទី១៤ ខែមិថុនា ដល់ថ្ងៃទី១៥ ខែកក្កដា ដោយមាន៣២ក្រុមចូលរួម។ បច្ចុប្បន្ន ក្រុមចំនួន៣បានរងចាំរួចជាស្រេចក្នុងនោះមានម្ចាស់ផ្ទះរុស្ស៊ី ប្រេស៊ីល និងអ៊ីរ៉ង់។ ការប្រកួតបើកឆាកគ្រោងរៀបចំនៅថ្ងៃទី១៤ ខែមិថុនា នៅកីឡដ្ឋាន Luzhniki ក្នុងក្រុងមូស្គូ រវាងម្ចាស់ផ្ទះ និងក្រុម១ទៀតនៅក្នុងពូល A។
យោងតាមទំព័រ FIFA World Cup ដែលបាន Set Custom ព័ត៌មានសម្រាប់កម្ពុជានោះ បានបញ្ជាក់ថា ការប្រកួតប្រជែងនេះ នឹងមានឱកាសឈ្នះសំបុត្រ២សន្លឹកសម្រាប់ទស្សនាការប្រកួតបើកឆាក។ សំណួរដែលត្រូវឆ្លើយនោះគឺ Tell us who do you want to bring and why? (ប្រាប់យើងខ្ញុំថា តើអ្នកណាដែលអ្នកចង់នាំទៅជាមួយ និងហេតុអ្វី?)។
ក្រៅពីសំបុត្រ FIFA ទទួលបន្ទុកលើការស្នាក់នៅ និងការធ្វើដំណើរផងដែរ។
ដើម្បីឆ្លើយសំណួរ សូមចូលទៅកាន់៖ www.fifa.to/e/win_fb_en
© រក្សាសិទ្ធិដោយ thmeythmey.com