ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
ជាតិ
មហោស្រពភាពយន្តអាស៊ី-បាស៊ីហ្វិច នឹងរៀបចំព្រឹត្តិការណ៍ប្រគល់ពានរង្វាន់នៅកម្ពុជា នាចុងខែនេះ
11, Jul 2017 ,
8:39 am
រូបភាព
×
ដោយ:
ញឹក ស្រីល័ក្ខ (Nhek Sreyleak)
ភ្នំពេញ៖ មហោស្រពភាពយន្តអាស៊ី-បាស៊ីហ្វិចលើកទី៥៧ និងមហោស្រពសន្តិភាព សិល្បៈនិងវប្បធម៌អន្តរជាតិលើកទី១ នឹងរៀបចំព្រឹត្តិការណ៍ប្រគល់ពានរង្វាន់នៅកម្ពុជា រយៈពេល៣ថ្ងៃ ចាប់ពីថ្ងៃទី២៨-៣០កក្កដាខាងមុខ។ ព្រឹត្តិការណ៍នេះ ប្រារព្ធឡើងដើម្បីបង្ហាញ និងផ្ដល់ពានរង្វាន់ស្នាដៃផលិតករភាពយន្តអាស៊ី-បាស៊ីហ្វិច ជាពិសេសសម្រាប់កម្ពុជា អាចលើកស្ទួយវប្បធម៌ តាមរយៈការផ្សព្វផ្សាយទីតាំងទេសចរណ៍ផ្សេងៗ ដូចដែលមានក្នុងខ្សែភាពយន្ត។
នេះជាលើកទី១ របស់កម្ពុជា ដែលក្លាយជាម្ចាស់ផ្ទះ ក្នុងការរៀបចំព្រឹត្តិការណ៍ប្រគល់ពានរង្វាន់ របស់មហោស្រពភាពយន្តអាស៊ី-បាស៊ីហ្វិចលើកទី៥៧ នាចុងខែកក្កដានេះ។ ព្រឹត្តិការណ៍នេះ ជាព្រឹត្តិការណ៍មួយដែលបង្ហាញ និងផ្ដល់ពានរង្វាន់ស្នាដៃផលិតករភាពយន្តអាស៊ី-បាស៊ីហ្វិច ជាពិសេសសម្រាប់កម្ពុជា អាចលើកស្ទួយវប្បធម៌ តាមរយៈការផ្សព្វផ្សាយទីតាំងទេសចរណ៍ផ្សេងៗ ដូចដែលមានក្នុងខ្សែភាពយន្ត។ ក្នុងព្រឹត្តិការណ៍នេះ នឹងមានផលិតករ និងសិល្បករ បរទេសជាច្រើនរូប មកពីបណ្ដាប្រទេសផ្សេងៗ ដើម្បីមកទទួលពានរង្វាន់ផងដែរ។
ក្នុងសន្និសីទសារព័ត៌មានស្ដីពីមហោស្រពភាពយន្តនេះ លោក ជា ច័ន្ទបរិបូរណ៍ រដ្ឋលេខាធិការ ក្រសួងព័ត៌មាន បានមានប្រសាសន៍ថា៖ «ក្នុងអំឡុងទស្សវត្សរ៍ចុងក្រោយនេះ ការថតភាពយន្តនៅកម្ពុជា ត្រូវបានផលិតដោយក្រុមហ៊ុន ដែលផលិតវីដេអូចម្រៀង ភាពយន្តភាគ និងភាពយន្តឯកសារសម្រាប់ប៉ុស្ដិ៍ទូរទស្សន៍។ ដូច្នេះហើយខ្ញុំបានធ្វើការដោយផ្ទាល់ជាមួយ នឹងកំណើននៃឧស្សាហកម្មភាពយន្តនេះ។ ខ្ញុំមានក្ដីរំភើប ដែលបានឃើញផលិតកម្មខ្មែរ ឥឡូវកំពុងទទួលបានការទទួលស្គាល់ទូទាំងពិភពលោក»។
លោក ជា ច័ន្ទបរិបូរណ៍ បន្ថែមថា នាឱកាសនៃមហោស្រពនេះ គណៈប្រតិភូរាជធានីភ្នំពេញ មានកិត្តិយសក្នុងការសម្រេចឲ្យធ្វើជាម្ចាស់ផ្ទះនៃព្រឹត្តិការណ៍នេះ។ រដ្ឋលេខាធិការរូបនេះ បន្តថា នៅទីនេះ ឧស្សាហកម្មភាពយន្ត និងរោងភាពយន្តកម្ពុជា នឹងត្រូវបានផ្ដល់ឱកាសឲ្យចាក់បញ្ចាំងនូវស្នាដៃប្រកបដោយគំនិតច្នៃប្រឌិតរបស់ពួកគេ ដើម្បីបង្ហាញគោលដៅទេសចរណ៍ដ៏អស្ចារ្យ។
អនុប្រធាននៃសហព័ន្ធផលិតករភាពយន្តអាស៊ី-បាស៊ីហ្វិច លោក ប៉ានស្សា បានលើកឡើងថា ព្រឹត្តិការណ៍នេះ នឹងផ្ដល់ឱកាសឲ្យផលិតករកម្ពុជា និងអន្តរជាតិរួបរួមគ្នាផ្ដល់កិត្តិយសលើឆាក សាទរសិល្បៈភាពយន្ត និងបង្កើតបាននូវព្រឹត្តិការណ៍មួយដែលផ្ដល់ឱកាសឲ្យមនុស្សជាច្រើនបានចូលរួមនៅក្នុងឧស្សាហកម្មនេះ។ លោក ប៉ានស្សា ជំរុញឲ្យក្រុមហ៊ុនផលិតកម្ម ផលិតករ និងតួសម្ដែង ទាំងអស់ ទំនាក់ទំនងជាមួយនឹងមហោស្រពភាពអាស៊ី-បាស៊ីហ្វិច ដើម្បីចូលរួម។
ព្រឹត្តិការណ៍ប្រគល់ពានរង្វាន់នេះ នឹងរៀបចំឡើងរយៈពេល៣ថ្ងៃ ចាប់ពីថ្ងៃទី ២៨-៣០ កក្កដា នារាជធានីភ្នំពេញ។ ជាមួយគ្នានេះ នៅថ្ងៃទី២៨ កក្កដា គណៈប្រតិភូនឹងចូលរួមកម្មវិធីអាហារស្វាគមន៍ពេលល្ងាច ហើយថ្ងៃទី២៩ កក្កដា ផលិតករភាពយន្តកម្ពុជា នឹងត្រូវបានអញ្ជើញដើម្បី «ជួបស្វាគមន៍» នៅរោងភាពយន្ត Major Cineplex ដើម្បីលើកកម្ពស់កិច្ចសហប្រតិបត្តិការ រួមគ្នាផលិតភាពយន្តនាពេលអនាគត។ ចំណែកឯថ្ងៃទី៣០ កក្កដាវិញ នឹងមានវេទិកា «កាលសម័យឆ្លងជំនាន់» ដែលរៀបចំនៅសាលមហោស្រពចតុមុខ។
សូមបញ្ជាក់ថា មហោស្រពឆ្នាំនេះ ជាមហោស្រពលើកទី៥៧ ហើយដែលបានបញ្ចាំងខ្សែភាពចំនួន ៥៧រឿង នៅឯប្រទេសចិន កន្លងមក។ មហោស្រពនេះ ត្រូវបានសហព័ន្ធនៃផលិតករភាពយន្តក្នុងអាស៊ី-បាស៊ីហ្វិច រៀបចំឡើងលើកទី១ ក្នុងឆ្នាំ១៩៥៤ នៅទីក្រុងតូក្យូ ប្រទេសជប៉ុន។ សម្រាប់មហោស្រពលើកទី៥៧នេះ នឹងផ្ដល់ឱកាសដល់សិស្សនិស្សិត សាធារណជនចូលរួមដោយសេរី និងឥតគិតថ្លៃ។ លោកអ្នក អាចទំនាក់ ០៧៨ ៣១១ ៦៨៨ / ០១២ ៥៤ ៣០ ៧៤៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
មហោស្រពភាពយន្តអាស៊ី-បាស៊ីហ្វិចលើកទី៥៧
ពានរង្វាន់
© រក្សាសិទ្ធិដោយ thmeythmey.com
អត្ថបទពេញនិយម
សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម
6 ថ្ងៃ
«ប្រទានកម្ម»មានន័យដូចម្តេច?
9 ម៉ោង
«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!
1 សប្តាហ៍
តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?
1 ថ្ងៃ
«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?
2 ថ្ងៃ
អត្ថបទពេញនិយមបន្ថែម