អន្តរជាតិ
ប្រធានាធិបតីឥណ្ឌូណេស៊ី ចេញបញ្ជាឲ្យសម្លាប់ឈ្មួញគ្រឿងញៀនដោយមិនលើកលែង
×![]()
ដោយ: តន ចាន់រិទ្ធារ៉ា
ប្រធានាធិបតីឥណ្ឌូណេស៊ី ចូកូ វីដូដូ (Joko Widodo) បានចេញម៉ឺងម៉ាត់មួយឲ្យមន្ត្រីអនុវត្តច្បាប់គ្រប់ប្រភេទបោសសម្អាតឈ្មួញរត់ពន្ធគ្រឿងញៀនដោយមិនមានការលើកលែងអ្វីទាំងអស់។ លោក វីដូដូ បានបើកសិទ្ធិឲ្យប៉ូលិសបាញ់សម្លាប់ឧក្រិដ្ឋជនជួញដូរគ្រឿងញៀននៅនឹងកន្លែងតែម្ដង បើពួកគេហ៊ានតដៃ ឬក៏មិនចូលខ្លួនឲ្យប៉ូលិសតាមសម្រួលទេនោះ។ ប្រធានាធិបតីឥណ្ឌូណេស៊ីបញ្ជាក់ថា ស្ថានការណ៍គ្រឿងញៀនក្នុងស្រុកបានមកដល់ចំណុចគ្រោះថ្នាក់ហើយ។
ធ្លាប់តែឮប្រធានាធិបតីហ្វីលីពីន រ៉ូឌ្រីហ្គោ ឌូទើតេ ចេញបញ្ជាឲ្យសម្លាប់អ្នករត់ពន្ធគ្រឿងញៀន នៅពេលនេះប្រធានាធិបតីឥណ្ឌូណេស៊ី ចូកូ វីដូដូ ក៏បានចេញបញ្ជាដូចគ្នានេះដើម្បីបោសសម្អាតឧក្រិដ្ឋជនជួញដូរគ្រឿងញៀនបរទេសចូលមកឥណ្ឌូណេស៊ី។ ជាបញ្ជាដែលគ្មានក្ដីមេត្តា លោក វីដូដូ បានបញ្ជាឲ្យប៉ូលិស និងកងទ័ពបាញ់សម្លាប់ពួកឈ្មួញគ្រឿងញៀនបរទេស ដែលមិនចុះចាញ់ ហើយហ៊ានបាញ់តដៃដើម្បីគេចពីការចាប់ខ្លួន។
«ខ្ញុំបានប្រាប់ប៉ូលិស និងកងទ័ពរួចហើយ ត្រូវប្រកាន់ជំហរម៉ឺងម៉ាត់ ជាពិសេសពេលប្រឈមមុខជាមួយឈ្មួញគ្រឿងញៀនបរទេសដែលចូលមកកាន់ឥណ្ឌូណេស៊ី។ បើពួកគេមិនប្រគល់ខ្លួនតាមសម្រួលទេ បាញ់សម្លាប់តែម្ដងទៅ។ មិនចាំបាច់មានក្ដីមេត្តាអ្វីទាំងអស់»។ នេះគឺជាបញ្ជារបស់លោក វីដូដូ ក្នុងពេលថ្លែងទៅកាន់អ្នកចូលរួមក្នុងកម្មវិធីនៅថ្ងៃទី២១ ខែកក្កដា ដែលផ្សាយដោយសារព័ត៌មាន The Jakarta Post ។
ការចេញបញ្ជាគ្មានមេត្តានេះ ធ្វើឡើងបន្ទាប់ពីប៉ូលិសឥណ្ឌូណេស៊ីបានបាញ់សម្លាប់ជនសង្ស័យជាជនជាតិតៃវ៉ាន់ម្នាក់ក្នុងរដ្ឋធានីហ្សាការតាកាលពីសប្ដាហ៍មុន។ ប៉ូលិសឥណ្ឌូណេស៊ី ក៏បានរឹបអូសថ្នាំញៀនមេតំហ្វេតាមីនទឹកកកដល់ទៅមួយតោន និងបានចាប់ខ្លួនឧក្រិដ្ឋជនជួញដូរជាជនជាតិតៃវ៉ាន់បានបួននាក់ផ្សេងទៀត។ លោក វីដូដូ បានហៅស្ថានការណ៍នេះជារឿងបន្ទាន់ ហើយដែលត្រូវចាត់វិធានការដោះស្រាយឲ្យបានលឿន។
បញ្ជាសម្លាប់គ្មានប្រណីរបស់លោក វីដូដូ ធ្វើឲ្យគេនឹកដល់សមភាគីហ្វីលីពីនរបស់លោក គឺលោក ឌូទើតេ ដែលប្រកាន់ជំហរដូចគ្នាក្នុងការដោះស្រាយវិបត្តិគ្រឿងញៀនក្នុងស្រុក។ នៅហ្វីលីពីន មនុស្សរាប់ពាន់នាក់បានស្លាប់ដោយសារគ្រាប់កាំភ្លើងប៉ូលិស និងទាហាននៃរដ្ឋាភិបាលលោក ឌូទើតេ ក្នុងសង្គ្រាមបង្ក្រាបគ្រឿងញៀន ទោះជាអន្តរជាតិបានរិះគន់ខ្លាំង និងបានស្នើឲ្យមានការគោរពសិទ្ធិមនុស្សក៏ដោយចុះ។
ទោះជាគ្មានបញ្ជាសម្លាប់ខាងលើក្ដី ឥណ្ឌូណេស៊ី គឺជាប្រទេសដែលអនុវត្តច្បាប់ប្រឆាំងគ្រឿងញៀនធ្ងន់ធ្ងរជាងគេលើពិភពលោក ហើយក៏ជាប្រទេសមួយក្នុងចំណោមប្រទេសសេសសល់ចំនួន៣៣ ដែលអនុវត្តទោសប្រហារជីវិតសម្រាប់ករណីជាប់ពាក់ព័ន្ធគ្រឿងញៀន។ ចាប់តាំងពីទោសប្រហារជីវិតត្រូវបានអនុវត្តម្ដងទៀតក្នុងឆ្នាំ២០១៣ មនុស្សចំនួន១៨នាក់ ត្រូវបានបាញ់សម្លាប់ដោយសាររឿងគ្រឿងញៀននេះ៕
ធ្លាប់តែឮប្រធានាធិបតីហ្វីលីពីន រ៉ូឌ្រីហ្គោ ឌូទើតេ ចេញបញ្ជាឲ្យសម្លាប់អ្នករត់ពន្ធគ្រឿងញៀន នៅពេលនេះប្រធានាធិបតីឥណ្ឌូណេស៊ី ចូកូ វីដូដូ ក៏បានចេញបញ្ជាដូចគ្នានេះដើម្បីបោសសម្អាតឧក្រិដ្ឋជនជួញដូរគ្រឿងញៀនបរទេសចូលមកឥណ្ឌូណេស៊ី។ ជាបញ្ជាដែលគ្មានក្ដីមេត្តា លោក វីដូដូ បានបញ្ជាឲ្យប៉ូលិស និងកងទ័ពបាញ់សម្លាប់ពួកឈ្មួញគ្រឿងញៀនបរទេស ដែលមិនចុះចាញ់ ហើយហ៊ានបាញ់តដៃដើម្បីគេចពីការចាប់ខ្លួន។
«ខ្ញុំបានប្រាប់ប៉ូលិស និងកងទ័ពរួចហើយ ត្រូវប្រកាន់ជំហរម៉ឺងម៉ាត់ ជាពិសេសពេលប្រឈមមុខជាមួយឈ្មួញគ្រឿងញៀនបរទេសដែលចូលមកកាន់ឥណ្ឌូណេស៊ី។ បើពួកគេមិនប្រគល់ខ្លួនតាមសម្រួលទេ បាញ់សម្លាប់តែម្ដងទៅ។ មិនចាំបាច់មានក្ដីមេត្តាអ្វីទាំងអស់»។ នេះគឺជាបញ្ជារបស់លោក វីដូដូ ក្នុងពេលថ្លែងទៅកាន់អ្នកចូលរួមក្នុងកម្មវិធីនៅថ្ងៃទី២១ ខែកក្កដា ដែលផ្សាយដោយសារព័ត៌មាន The Jakarta Post ។
ការចេញបញ្ជាគ្មានមេត្តានេះ ធ្វើឡើងបន្ទាប់ពីប៉ូលិសឥណ្ឌូណេស៊ីបានបាញ់សម្លាប់ជនសង្ស័យជាជនជាតិតៃវ៉ាន់ម្នាក់ក្នុងរដ្ឋធានីហ្សាការតាកាលពីសប្ដាហ៍មុន។ ប៉ូលិសឥណ្ឌូណេស៊ី ក៏បានរឹបអូសថ្នាំញៀនមេតំហ្វេតាមីនទឹកកកដល់ទៅមួយតោន និងបានចាប់ខ្លួនឧក្រិដ្ឋជនជួញដូរជាជនជាតិតៃវ៉ាន់បានបួននាក់ផ្សេងទៀត។ លោក វីដូដូ បានហៅស្ថានការណ៍នេះជារឿងបន្ទាន់ ហើយដែលត្រូវចាត់វិធានការដោះស្រាយឲ្យបានលឿន។
បញ្ជាសម្លាប់គ្មានប្រណីរបស់លោក វីដូដូ ធ្វើឲ្យគេនឹកដល់សមភាគីហ្វីលីពីនរបស់លោក គឺលោក ឌូទើតេ ដែលប្រកាន់ជំហរដូចគ្នាក្នុងការដោះស្រាយវិបត្តិគ្រឿងញៀនក្នុងស្រុក។ នៅហ្វីលីពីន មនុស្សរាប់ពាន់នាក់បានស្លាប់ដោយសារគ្រាប់កាំភ្លើងប៉ូលិស និងទាហាននៃរដ្ឋាភិបាលលោក ឌូទើតេ ក្នុងសង្គ្រាមបង្ក្រាបគ្រឿងញៀន ទោះជាអន្តរជាតិបានរិះគន់ខ្លាំង និងបានស្នើឲ្យមានការគោរពសិទ្ធិមនុស្សក៏ដោយចុះ។
ទោះជាគ្មានបញ្ជាសម្លាប់ខាងលើក្ដី ឥណ្ឌូណេស៊ី គឺជាប្រទេសដែលអនុវត្តច្បាប់ប្រឆាំងគ្រឿងញៀនធ្ងន់ធ្ងរជាងគេលើពិភពលោក ហើយក៏ជាប្រទេសមួយក្នុងចំណោមប្រទេសសេសសល់ចំនួន៣៣ ដែលអនុវត្តទោសប្រហារជីវិតសម្រាប់ករណីជាប់ពាក់ព័ន្ធគ្រឿងញៀន។ ចាប់តាំងពីទោសប្រហារជីវិតត្រូវបានអនុវត្តម្ដងទៀតក្នុងឆ្នាំ២០១៣ មនុស្សចំនួន១៨នាក់ ត្រូវបានបាញ់សម្លាប់ដោយសាររឿងគ្រឿងញៀននេះ៕
Tag:
ឥណ្ឌូណេស៊ី
ចូកូ វីដូដូ
គ្រឿងញៀន
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 6 ថ្ងៃ
