អន្តរជាតិ
អ្នកនាំពាក្យក្រសួងការពារជាតិចិន Ren Guoqiang (រូបភាព China Daily)
×![]()
ដោយ: តន ចាន់រិទ្ធារ៉ា
ជម្លោះរវាងចិន និងឥណ្ឌានៅព្រំដែនតំបន់ភ្នំហិមាល័យក្បែរប៊ូតង់ នៅមិនទាន់ចប់នៅឡើយទេ បើទោះជាចិនបានទាមទារឲ្យឥណ្ឌាដកកងទ័ពចេញពីទឹកដីរបស់ខ្លួនក្ដី។ ចិនថែមទាំងចោទឥណ្ឌាថាមិនត្រឹមឆ្លងចូលទឹកដីខ្លួនខុសច្បាប់ឡើយ តែថែមទាំងពង្រឹងវត្តមានទ័ព និងកសាងផ្លូវឆ្ពោះទៅកាន់តំបន់មានជម្លោះទៀតផង។ ចិនបានរំឭកឥណ្ឌាម្ដងហើយម្ដងទៀតឲ្យគោរពសិទ្ធិអធិបតេយ្យរបស់ចិន និងត្រូវដកទ័ពចេញឲ្យបានឆាប់ បើមិនចង់ឲ្យជម្លោះរាលដាលទៅជាសង្គ្រាមនោះ។
ជាថ្មីម្ដងទៀត រដ្ឋាភិបាលចិន បានប្រាប់ឲ្យឥណ្ឌាដកទ័ពរបស់ខ្លួនចេញពីតំបន់ Donglang (ឥណ្ឌាហៅថា Dokglam) ដែលចិនចាត់ទុកជាកម្មសិទ្ធិរបស់ខ្លួន។ កងទ័ពឥណ្ឌាបានជ្រៀតចូលតំបន់នេះកាលពីថ្ងៃទី១៨ ខែមិថុនា ដោយអះអាងថាព្រំដែនតំបន់នោះនៅមិនទាន់កំណត់ច្បាស់នៅឡើយទេ។ ទោះជាមការដំឡើងសសៃកដាក់គ្នាកន្លងមកក្ដី គេមិនទាន់ឃើញមានសញ្ញាឈានដល់ការផ្ទុះអាវុធឡើយ តែយោធាចិនបានប្រាប់ឥណ្ឌាឲ្យកែប្រែស្ថានការណ៍ឡើងវិញដើម្បីស្ថិរភាពព្រំដែន។
ក្នុងសេចក្ដីប្រកាសព័ត៌មានផ្សាយនៅយប់ថ្ងៃទី៣ ខែសីហា អ្នកនាំពាក្យក្រសួងការពារជាតិចិន Ren Guoqiang និយាយថា ឥណ្ឌាគួរបោះបង់តាក់ទិចក្នុងការពន្យារពេលរបស់ខ្លួន និងត្រូវដកកងទ័ពចេញពីទឹកដីរបស់ចិនជាបន្ទាន់។ លោកបញ្ជាក់ថា កងទ័ពរំដោះប្រជាជនចិនបានបង្ហាញការអត់ធ្មត់យ៉ាងខ្លាំងចាប់តាំងពីពេលកងទ័ពឥណ្ឌាឆ្លងកាត់ព្រំដែនខុសច្បាប់ក្នុងខែមិថុនា ប៉ុន្តែការអត់ធ្មត់នេះក៏មានកំណត់របស់វាដែរ។
កងទ័ពចិនប្ដេជ្ញាដាច់ខាតក្នុងការការពារអធិបតេយ្យរបស់ខ្លួន ក៏ដូចជាផលប្រយោជន៍ជាតិផងដែរ។ ប្រទេសខ្លះក៏មិនគួរមើលងាយសមត្ថភាពរបស់ចិនក្នុងការការពារទឹកដីរបស់ខ្លួននោះ។ នេះជាពាក្យសម្ដីរំឭករបស់អ្នកនាំពាក្យក្រសួងការពារជាតិចិន ដោយមិននិយាយចំឈ្មោះឥណ្ឌាឡើយ។ ប៉ុន្តែអ្នកនាំពាក្យខាងលើបញ្ជាក់ថា សកម្មភាពរបស់ឥណ្ឌាពិតជាបានប៉ះពាល់អធិបតេយ្យចិន ក៏ដូចជាបំពានច្បាប់អន្តរជាតិផង។
បើតាមការប្រកាសរបស់ក្រសួងការបរទេសចិន កងទ័ពឥណ្ឌាច្រើនជាង៤០នាក់ និងគ្រឿងចក្រមួយគ្រឿងបានបន្តស្ថិតនៅលើទឹកដីចិនដោយខុសច្បាប់។ កងទ័ពឥណ្ឌាឆ្លងកាត់ព្រំដែនដែលចិនអះអាងថាកំណត់ដោយសន្ធិសញ្ញារវាងចក្រភពអង់គ្លេស និងចិន ហើយបានរារាំងកងទ័ពចិនពីការធ្វើផ្លូវនៅតំបន់នោះ។ ឥណ្ឌាចាត់ទុកសកម្មភាពចិនជាការគំរាមសន្តិសុខរបស់ខ្លួន តែចិនឆ្លើយថាសកម្មភាពរបស់ខ្លួនធ្វើឡើងលើទឹកដីខ្លួនប៉ុណ្ណោះ។
ដោយសារបញ្ហានេះ មហាយក្សជាអ្នកជិតខាងគ្នាទាំងពីរ បានឆ្លើយឆ្លងសម្ដីគ្នាទៅវិញទៅមក ហើយក៏គំរាមគ្នាផងដែរ។ ដោយសម្អាងលើអំណាចយោធាដែលខ្លួនមាន ចិនប្រាប់ឥណ្ឌាថាប្រយ័ត្នចាញ់សង្គ្រាមបាក់មុខដូចឆ្នាំ១៩៦២ ប៉ុន្តែឥណ្ឌាហាក់មិនខ្វល់ខ្វាយការទទូចម្ដងហើយម្ដងទៀតរបស់ចិនឡើយ។ ជាមួយស្ថានភាពនេះ ទស្សនកិច្ចរបស់នាយករដ្ឋមន្ត្រី នារិន្ទ្រា ម៉ូឌី នៅចិនដើម្បីចូលរួមកិច្ចប្រជុំ BRICS អាចជាដំណើរសោះកក្រោះមិនខាន៕
ជាថ្មីម្ដងទៀត រដ្ឋាភិបាលចិន បានប្រាប់ឲ្យឥណ្ឌាដកទ័ពរបស់ខ្លួនចេញពីតំបន់ Donglang (ឥណ្ឌាហៅថា Dokglam) ដែលចិនចាត់ទុកជាកម្មសិទ្ធិរបស់ខ្លួន។ កងទ័ពឥណ្ឌាបានជ្រៀតចូលតំបន់នេះកាលពីថ្ងៃទី១៨ ខែមិថុនា ដោយអះអាងថាព្រំដែនតំបន់នោះនៅមិនទាន់កំណត់ច្បាស់នៅឡើយទេ។ ទោះជាមការដំឡើងសសៃកដាក់គ្នាកន្លងមកក្ដី គេមិនទាន់ឃើញមានសញ្ញាឈានដល់ការផ្ទុះអាវុធឡើយ តែយោធាចិនបានប្រាប់ឥណ្ឌាឲ្យកែប្រែស្ថានការណ៍ឡើងវិញដើម្បីស្ថិរភាពព្រំដែន។
ក្នុងសេចក្ដីប្រកាសព័ត៌មានផ្សាយនៅយប់ថ្ងៃទី៣ ខែសីហា អ្នកនាំពាក្យក្រសួងការពារជាតិចិន Ren Guoqiang និយាយថា ឥណ្ឌាគួរបោះបង់តាក់ទិចក្នុងការពន្យារពេលរបស់ខ្លួន និងត្រូវដកកងទ័ពចេញពីទឹកដីរបស់ចិនជាបន្ទាន់។ លោកបញ្ជាក់ថា កងទ័ពរំដោះប្រជាជនចិនបានបង្ហាញការអត់ធ្មត់យ៉ាងខ្លាំងចាប់តាំងពីពេលកងទ័ពឥណ្ឌាឆ្លងកាត់ព្រំដែនខុសច្បាប់ក្នុងខែមិថុនា ប៉ុន្តែការអត់ធ្មត់នេះក៏មានកំណត់របស់វាដែរ។
កងទ័ពចិនប្ដេជ្ញាដាច់ខាតក្នុងការការពារអធិបតេយ្យរបស់ខ្លួន ក៏ដូចជាផលប្រយោជន៍ជាតិផងដែរ។ ប្រទេសខ្លះក៏មិនគួរមើលងាយសមត្ថភាពរបស់ចិនក្នុងការការពារទឹកដីរបស់ខ្លួននោះ។ នេះជាពាក្យសម្ដីរំឭករបស់អ្នកនាំពាក្យក្រសួងការពារជាតិចិន ដោយមិននិយាយចំឈ្មោះឥណ្ឌាឡើយ។ ប៉ុន្តែអ្នកនាំពាក្យខាងលើបញ្ជាក់ថា សកម្មភាពរបស់ឥណ្ឌាពិតជាបានប៉ះពាល់អធិបតេយ្យចិន ក៏ដូចជាបំពានច្បាប់អន្តរជាតិផង។
បើតាមការប្រកាសរបស់ក្រសួងការបរទេសចិន កងទ័ពឥណ្ឌាច្រើនជាង៤០នាក់ និងគ្រឿងចក្រមួយគ្រឿងបានបន្តស្ថិតនៅលើទឹកដីចិនដោយខុសច្បាប់។ កងទ័ពឥណ្ឌាឆ្លងកាត់ព្រំដែនដែលចិនអះអាងថាកំណត់ដោយសន្ធិសញ្ញារវាងចក្រភពអង់គ្លេស និងចិន ហើយបានរារាំងកងទ័ពចិនពីការធ្វើផ្លូវនៅតំបន់នោះ។ ឥណ្ឌាចាត់ទុកសកម្មភាពចិនជាការគំរាមសន្តិសុខរបស់ខ្លួន តែចិនឆ្លើយថាសកម្មភាពរបស់ខ្លួនធ្វើឡើងលើទឹកដីខ្លួនប៉ុណ្ណោះ។
ដោយសារបញ្ហានេះ មហាយក្សជាអ្នកជិតខាងគ្នាទាំងពីរ បានឆ្លើយឆ្លងសម្ដីគ្នាទៅវិញទៅមក ហើយក៏គំរាមគ្នាផងដែរ។ ដោយសម្អាងលើអំណាចយោធាដែលខ្លួនមាន ចិនប្រាប់ឥណ្ឌាថាប្រយ័ត្នចាញ់សង្គ្រាមបាក់មុខដូចឆ្នាំ១៩៦២ ប៉ុន្តែឥណ្ឌាហាក់មិនខ្វល់ខ្វាយការទទូចម្ដងហើយម្ដងទៀតរបស់ចិនឡើយ។ ជាមួយស្ថានភាពនេះ ទស្សនកិច្ចរបស់នាយករដ្ឋមន្ត្រី នារិន្ទ្រា ម៉ូឌី នៅចិនដើម្បីចូលរួមកិច្ចប្រជុំ BRICS អាចជាដំណើរសោះកក្រោះមិនខាន៕
Tag:
ចិន
ឥណ្ឌា
© រក្សាសិទ្ធិដោយ thmeythmey.com
